Характеристикасы
Төк япмасының төсе буенча ак төлке зәңгәрсу (җәен һәм кышын төтенсу соры) һәм ак (җәен соргылт көрән, кышын ак) була. Йоны куе һәм йомшак. Гәүдә озынлыгы 50-75 см, койрыгы 25-42 см, авырлыгы 7,5 кг кадәр. Гәүдәсе озын, башы йомры, борыны кыска. Колагы кыска, түгәрәк. Аягы кыска, бармакта йөрүче. Койрыгы кабарынкы. Моногам. Җенси яктан 9-10 айда өлгерә. 3-12 (21‑гә чаклы) көчеге була. 8-10 ел яши. Тәүлек әйләнәсенә, кышын башлыча төнлә, актив.
Яшәеше
Ауразия, Төньяк Америка тундрасы һәм урман‑тундрасында, Төньяк Боз океанның утрауларында таралган. Кышын хайваннарның күпчелек өлеше урман‑тундрага һәм тайгага күчә.
Калку урыннарда тирән эннәрдә яши. Башкортстанда ак төлке үрчетү белән Иглин җәнлекчелек хуҗалыгында һәм шәхси ярдәмче хуҗалыкларда шөгелләнәләр.
Туклануы
Нигездә, кимерүчеләр, шулай ук кошлар һәм аларның йомыркалары, балык, умырткасызлар, үләксә, җимеш, үлән белән туклана.
Искәрмәләр
- ↑ Wildscreen ARKive (ингл.) — 2003.
- ↑ 1 2 3 4 5 6 Кызыл китап — 1964.
- ↑ 1 2 3 4 Cole T. C. H. Wörterbuch der Säugetiernamen - Dictionary of Mammal Names — 2015. — С. 245. — ISBN 978-3-662-46270-6 — doi:10.1007/978-3-662-46270-6
- ↑ Finnish Biodiversity Information Facility — 2012.
- ↑ Integrated Taxonomic Information System (ингл.) — 2003.
- ↑ Mammal Species of the World (ингл.): A Taxonomic and Geographic Reference / D. E. Wilson, D. M. Reeder — 3 — Baltimore: JHU Press, 2005. — 35, 2142 p. — ISBN 978-0-8018-8221-0
- ↑ The IUCN Red List of Threatened Species 2022.2 — 2022.
- ↑ Longevity of Mammals in Captivity; from the Living Collections of the World (ингл.) — 1 — 2005.
- ↑ Mammalian Species (ингл.) — ASM, OUP, 1969. — ISSN 0076-3519; 1545-1410
- ↑ Mammalian Species (ингл.) — ASM, OUP, 2002. — ISSN 0076-3519; 1545-1410
- ↑ Grzimeks Enzyklopädie (нем.) — 1 — München: Kindler Verlag, 1988. — Vol. 4. — S. 62.