Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Альбина Апанаева


Альби́на Апана́ева (Альбина Мостафа кызы Килдебәкова, рус. Альбина Мустафовна Кильдибекова; 21 май 1981, Яр Чаллы, Татарстан АССР) — Россия җырчысы. 2005 елда «Татар җыры-2004» Халыкара татар эстрадасы телевизион фестивале җиңүчесе, «Алтын барс» сыны хуҗасы[1].

Тормыш юлы

1981 елның 21 маенда Яр Чаллыда туган[2].

Казан дәүләт мәдәният һәм сәнгать университетын тәмамлый. Икенче югары белемне Казан социаль-юридик институтында «җәмәгатьчелек белән элемтә» юнәлеше буенча ала[2].

Балачакта музыка мәктәбендә укый, хорда җырлый һәм фортепианода уйнарга өйрәнә[2]. Иҗат юлы Гөлсәрвәр сүзләренә һәм Оскар Усманов көенә язылган «Чын дустым» җырын башкарудан башлана[2].

Җырчының беренче соло концерты Арчада уза. Шәхси концертлары шулай ук Казанда, Яр Чаллыда, Әлмәттә, Ижевск һәм Оренбургта, Татарстан районнарында үткәрелә[2].

2011 елда Апанаева Денизлидә узган Turkish Vision фестивалендә катнаша. Фестивальдә ул төрек телендә «Китәм, димә» җырын башкара. Җырчы сүзләренчә, чыгышыннан соң аңа төрек телендә альбом яздыру һәм кино төшерүдә катнашу тәкъдимнәре килә[2].

Иҗаты

Альбина Апанаеваның эшчәнлек юнәлешләре берничә. Ул җырчы буларак чыгыш ясавын дәвам итә[3]. Ул шулай ук «Альбина Апанаеваның вокал студиясе» җитәкчесе булып тора. Студиядә вокал, хореография, рәсем сәнгате, музыка коралларында уйнарга (гитара, фортепиано, баян, курай) һәм актерлык осталыгына өйрәтәләр. Җырчының «Апанай» бәйрәме үзәге дә бар.

Apple Music каталогында «Сине яратуларым» альбомы Альбина Апанаеваның 2007 елның 1 июлендәге поп-релизы буларак күрсәтелгән. Альбом үз эченә 17 композицияне ала, хокук иясе итеп Shadan Media күрсәтелгән[4].

Apple Music-та «Синең мәхәббәтең» альбомы 2013 елның 4 июнендәге поп-релиз буларак билгеләнгән. Релиз 11 композицияне үз эченә ала, хокук иясе итеп «Медиалайн» ҖЧҖ күрсәтелгән[5].

2018 елның 15 июлендә Apple Music-та «Парлыларга» синглы басылып чыга[6].

2021 елда Apple Music-та Альбина Апанаева башкаруында «Бөркет» композициясе дөнья күрә[7].

2023 елның 12 июлендә Apple Music-та «Карама кеше сүзенә» синглы басылып чыга[8].

2025 елның 4 июлендә Apple Music-та «Чын дустым 2.0» синглы басылып чыга, аның башкаручылары итеп Beku һәм Альбина Апанаева күрсәтелгән. Композиторлары Ринат Сөбәев һәм Оскар Усманов; текст авторлары — Белла Джанджгава һәм Гөлфирә Ботыбаева[9].

Педагогик эшчәнлеге

Апанаева 10 елдан артык музыка мәктәбендә эшли. 2020 елда мәктәптә эшләүне туктатуын һәм балалар белән индивидуаль вокал дәресләре алып баруын хәбәр итә[2], беренче квалификация категорияле вокал укытучысы булып тора[10].

Бүләкләре

  • «Татар җыры-2004» халыкара татар эстрадасы телевизион фестивале нәтиҗәләре буенча «Алтын барс» сыны. Бүләкләү тантанасы 2005 елның 16 гыйнварында Казанда уза[1].
  • «ТМТВ» премиясе — 2020 елгы Апанаева интервьюсы буенча, җырчы премияне Дилә Нигъмәтуллина һәм Анна Попова белән трио составында алуын, шулай ук моңа кадәр «Моңлы хатирә» җыры өчен премия алуын хәбәр итә[2].
  • «Turkish Vizion» премиясе (Төркия).
  • «Миссис Россия Интернейшнл — 2022» бәйгесе җиңүчесе.
  • «Миссис Татарстан 2022» республика бәйгесе финалисты, «Миссис Творчество 2022» титулы иясе.

Гаиләсе

Альбина Апанаева Казанда яши. Кияүдә, иренең исеме Рафаэль, гаиләдә Миралия исемле кызлары үсә[2].

Искәрмәләр

  1. ↑ 1 2 Альбина Фахрисламова. В Казани была вручена премия «Алтын барс» (рус.). Татар-информ (17 гыйнвар 2005). Мөрәҗәгать итү датасы: 19 август 2026.
  2. ↑ 1 2 3 4 5 6 7 8 9 Гөлназ Шаһиева. Альбина Апанаева 10 елдан артык эшләгән эшеннән киткән. Матбугат.ру (2 октябрь 2020). Мөрәҗәгать итү датасы: 19 август 2026.
  3. ↑ Международный женский день (рус.). Культура.РФ (7 март 2025). Мөрәҗәгать итү датасы: 19 август 2026.
  4. ↑ Сине яратуларым — Альбина Апанаева (рус.). Apple Music (1 июль 2007). Мөрәҗәгать итү датасы: 19 август 2026.
  5. ↑ Синен мэхэббэтен — Альбина Апанаева (рус.). Apple Music (4 июнь 2013). Мөрәҗәгать итү датасы: 19 август 2026.
  6. ↑ Парлыларга — Альбина Апанаева (рус.). Apple Music (15 июль 2018). Мөрәҗәгать итү датасы: 19 август 2026.
  7. ↑ Боркет — Альбина Апанаева (рус.). Apple Music (2021). Мөрәҗәгать итү датасы: 19 август 2026.
  8. ↑ Карама Кеше Сузенэ — Single (рус.). Apple Music (12 июль 2023). Мөрәҗәгать итү датасы: 19 август 2026.
  9. ↑ Чын дустым 2.0 — Beku и Альбина Апанаева (рус.). Apple Music (4 июль 2025). Мөрәҗәгать итү датасы: 19 август 2026.
  10. ↑ Творческий вечер Альбины Апанаевой (рус.). Национальный комплекс «Туган Авылым». Мөрәҗәгать итү датасы: 19 август 2026.

Сылтамалар

Төркемнәр