Артемий Веселов

Артемий Николаевич Веселов 1906 елда Ярославль губернасының Марьино авылында туган. 1928 елдан алып КПСС әгъзасы булып тора.^[2]. 1930 елда К.Либкнехт исемендәге Мәскәү педагогия институтының иҗтимагый-икътисади бүлегендә укый һәм шул ук елда югары мәктәптә педагогик эш башлый. 1943 елдан 1994 елга кадәр Курск педагогия институтында эшли, ректор, кафедра мөдире, педагоглык кафедрасы профессоры була. Россия профессиональ-техник белем бирү тарихын тирән тикшерә һәм анализлый. Педагогия фәннәре докторы дәрәҗәсенә дәгъва итеп, 1952 елда «Очерки истории низшего профессионально-технического образования и подготовки рабочих кадров в РСФСР» темасына диссертацияне уңышлы яклый. 1964 елда профессор гыйльми исемен ала^[3].

Веселов 50 фәнни эш, шул исәптән педагогика тарихы өчен әһәмиятле булган монографияләр авторы булып тора. 1982 елда «Очерки истории профессионально-технического образования в СССР» монографиясен әзерләүдә катнашкан өчен К.Д.Ушинский исемендәге ССРБ педагогия фәннәре академиясе премиясына лаек була^[4][5].

А.Н.Веселов Курскта яшәгән. 1994 елда вафат була.

• Ленин ордены,
• Кызыл Байрак Хезмәт ордены,
• К Д. Ушинский медале,
• РСФСР-ның халык мәгарифе отличнигы,
• К.Д.Ушинский исемендәге ССРБ Педагогия фәннәре академиясе премиясе

• Веселов А. Н. Низшее профессионально-техническое образование в РСФСР. – М., 1955;
• Веселов А. Н. Среднее профессионально-техническое образование в дореволюционной России. – М., 1959;
• Веселов А. Н. Профессионально-техническое образование в СССР. – М., 1961.