Габдулла хан

Габдулла́ хан — Болгар шәһәренең легендар хөкемдары, хан.

Аның турындагы мәгълүматлар халык риваятьләрендә сакланган, алар 1236 елдагы монгол яулары вакытында үтерелгән соңгы болгар идарәчесе белән бәйле. 17-18 йөзләр татар тарихи чыганакларында Габдулла хан 1391 елда Урта Азия хөкемдары Аксак Тимер гаскәренең шәһәргә һөҗүме вакытында һәлак булган соңгы хан дип тасвирлана.