Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Гөлназ Кадыйрова

Бу терминның башка аңлатмалары да бар, аларны карау өчен Кадыйрова битенә күчегез.

Гөлназ Маннур кызы Кадырова (рус. Гульназ Маннуровна Кадыйрова, 6 июль 1966, Яр Чаллы, Татарстан АССР) — Россия Федерациясе дәүләт эшлеклесе, икътисадчы, икътисад фәннәре докторы (2012). «Ростех» дәүләт корпорациясенең НПФ генераль директоры (2024 елдан). Россия Федерациясенең 1 нче класслы хакыйкый дәүләт киңәшчесе.

Тәрҗемәи хәле

1966 елның 6 июлендә Татарстан АССРның Яр Чаллы шәһәрендә туган. 1987 елда Казан дәүләт финанс-икътисад институтын (сәнәгатьне планлаштыру факультеты) «икътисадчы» белгечлеге буенча кызыл дипломга тәмамлый. Гөлназ Кадыйрова — дәүләт идарәсе, финанс, бухгалтерлык исәбе һәм аудит өлкәсендә күренекле белгеч.

Хезмәт юлы

  • 1987—1989 — ССРБ Автомобиль сәнәгате министрлыгының «КамАЗ» җитештерү берләшмәсендә хезмәтне оештыру һәм хезмәт хакы идарәсе икътисадчысы;
  • 1989—1990 — Яр Чаллы шәһәре башкарма комитетының (Горисполком) финанс бүлеге икътисадчысы;
  • 1990—1997 — Яр Чаллы шәһәре буенча дәүләт салым инспекциясендә төрле вазифаларда;
  • 1997—2001 — Яр Чаллы мэрының икътисад буенча киңәшчесе-консультанты;
  • 2001—2003 — аудит компаниясе филиалы җитәкчесе (шәхси эшмәкәр);
  • 2003—2004 — Яр Чаллы администрациясе башлыгының икътисад һәм финанслар буенча урынбасары;
  • 2004—2006 — Сәнәгать буенча федераль агентлыкның (Роспром) икътисад һәм финанс идарәсе башлыгы;
  • 2007 ел|2006—2007 — Россия Сәнәгать һәм энергетика министрлыгының дәүләт сәнәгать сәясәте департаменты директоры урынбасары;
  • 2008 елның гыйнварыннан — Россия Сәнәгать һәм энергетика министрлыгының дәүләт сәнәгать сәясәте департаменты директоры;
  • 2008—2014 — Россия Сәнәгать һәм сәүдә министрлыгының бюджет сәясәте һәм финанслар департаменты директоры;
  • 2014—2023 — Россия Федерациясе сәнәгать һәм сәүдә министры урынбасары;
  • 2023 елның февраленнән — РФ Хөкүмәте каршындагы Финанс университетының «Югары идарә мәктәбе» факультеты деканы[1].
  • 2024 елның 7 ноябреннән — «Ростех» дәүләт корпорациясенең НПФ («Ростех» НПФ акционерлык җәмгыяте) генераль директорым[2].

Бүләкләре һәм мактаулы исемнәре

  • «РФ Федераль казначылыгына 20 ел» истәлек медале;
  • РФ ягулык-энергетика комплексының мактаулы хезмәткәре (2008);
  • Россия Федерациясе Финанс министрының рәхмәт хаты (2011);
  • Россия Федерациясенең атказанган икътисадчысы (2013);
  • РФ Федераль Җыенын Федерация Советы Рәисенең рәхмәт хаты (2014);
  • «Фидакарь хезмәт өчен» медале (Татарстан, 2015);
  • II дәрәҗә «Ватан алдындагы казанышлар өчен» ордены медале (2016);
  • РФ Федераль Җыенын Федерация Советы Рәисенең рәхмәт хаты (2018, 2019);
  • Финанс университеты ректорының рәхмәт хаты (2018, 2019);
  • Федераль казначылыкның мактау грамотасы (2021);
  • «Хезмәт батырлыгы өчен» медале (2022);
  • Россия Федерациясе Пенсия һәм социаль каратлау фондының рәхмәт хаты (2023);
  • «Финанс университетына 105 ел» истәлек медале (2024)[3].

Искәрмәләр

  1. ↑ Руководство. Финансовый университет при Правительстве РФ. Мөрәҗәгать итү датасы: 23 апрель 2026.
  2. ↑ Генеральным директором НПФ «Ростех» стала Гульназ Кадырова. Ростех (11 июль 2024). Мөрәҗәгать итү датасы: 23 апрель 2026.
  3. ↑ Кадырова Гульназ Маннуровна. Финансовый университет при Правительстве РФ. Мөрәҗәгать итү датасы: 23 апрель 2026.

Төркемнәр