Рус телендәге версияПартнёрлык проектларыМахсус проектлар
Күренешне көйләүТелне алыштыруМәгълүмат
РУВИКИ ТУРЫНДА

Максим Акимов

Макси́м Алексе́евич Аки́мов (1 март 1970, Малоярославец, Калуга өлкәсе) — Россия дәүләт эшлеклесе[1]. 2018 елның 18 маеннан 2020 елның 15 гыйнварына кадәр Россия Федерациясе Хөкүмәте рәисе урынбасары[2]. 2020 елның 4 февраленнән 2023 елның 10 гыйнварына кадәр «Почта России» АҖ генераль директоры[3][4].

Тормыш юлы

1970 елның 1 мартында Калуга өлкәсенең Малоярославец шәһәрендә туган[5]. 1987 елда Константин Эдуардович Циолковский исемендәге Калуга дәүләт педагогика институтының тарих факультетына укырга керә. 1988—1989 елларда хәрби хезмәт үтә[1].

1994 елда «Тарих һәм социаль-сәяси дисциплиналар» белгечлеге буенча Калуга дәүләт педагогика университетының тарих факультетын тәмамлый[5]. 2003 елда Мәскәү халыкара эконометрика, информатика, финанслар һәм хокук институтында һөнәри әзерлек уза[1].

1991—1992 елларда, уку белән беррәттән, Малоярославец шәһәре урта мәктәбендә тарих, география һәм инглиз теле укыта[1].

Карьерасы

1994—1996 елларда «Файнарт-аудит» компаниясе белән җитәкчелек итә. 1996—1997 елларда Калуга өлкәсе кыйммәтле кәгазьләр базары буенча региональ комиссияне җитәкли. 1997—2001 елларда Калуга өлкәсе хөкүмәтенең икътисад һәм сәнәгать департаменты директоры урынбасары вазифасын били[1].

2001—2004 елларда Калуга өлкәсе дәүләт милке комитеты рәисенең беренче урынбасары була. 2004 елда Калуга өлкәсе икътисади үсеш министры вазифасын били[1].

2004 елның маенда Калуга шәһәр управасына шәһәр башлыгының беренче урынбасары вазифасына күчә. 2004 елның августыннан шәһәр башлыгы вазифаларын башкара. 2004 елның 14 ноябрендә, сайлаучыларның 34,63 % тавышын җыеп, Калуга шәһәре башлыгы итеп сайлана[1].

2007 елның июленнән 2012 елның маена кадәр Калуга өлкәсе губернаторы урынбасары булып эшли; 2011 елның августыннан — губернаторның беренче урынбасары[2].

2012 елның 22 маенда Россия Федерациясе Хөкүмәте Аппараты җитәкчесе урынбасары итеп билгеләнә. 2013 елның 24 маеннан 2018 елның 18 маена кадәр Россия Федерациясе Хөкүмәте Аппараты җитәкчесенең беренче урынбасары постын били[2].

2018 елның 18 маенда Россия Федерациясе Хөкүмәте рәисе урынбасары итеп билгеләнә. Хөкүмәттә транспорт, элемтә һәм санлы икътисад мәсьәләләрен кураторлык итә[6].

2020 елның 4 февралендә «Почта России» АҖ директорлар советы Акимовны биш еллык срокка генераль директор итеп билгели[3]. 2022 елның 1 декабрендә Россия Федерациясе Хөкүмәте Акимовны вазифасыннан азат итүне һәм Михаил Юрьевич Волковны билгеләүне күздә тоткан директиваны раслый[7]. 2023 елның 10 гыйнварына «Почта России» АҖ директорлар советы Михаил Юрьевич Волковны компаниянең генераль директоры итеп билгели[4].

2019 елның 16 маенда Россия Федерациясе Президенты каршындагы Россия халык хуҗалыгы һәм дәүләт хезмәте академиясендә «Хәзерге чит ил историографиясендә бөек дивергенция феномены (XX гасырның икенче яртысы — XXI гасыр башы)» темасына тарих фәннәре кандидаты гыйльми дәрәҗәсенә диссертация яклый[8].

Иҗтимагый эшчәнлеге

2019 елда «Россия венчур компаниясе» АҖ директорлар советын җитәкли[2]. Россия Федерациясе Хөкүмәтендә эшләгән чорында Иннополис университетының күзәтчелек советы рәисе һәм «Россия тимер юллары» ААҖ директорлар советы рәисе була[2].

Фәнни хезмәтләре

  • Акимов М. А. Измеряя великую дивергенцию: возможности и ограничения квантификации // Электронный научно-образовательный журнал «История». — 2017. — Т. 8. — Вып. 7 (61).
  • Акимов М. А. Калифорнийская школа экономической истории: ревизионистский подход к феномену великой дивергенции // Экономическая история. — 2017. — № 2. — С. 43—60.
  • Акимов М. А. Великая дивергенция в левом историческом дискурсе: второй этап дебатов и тезис Роберта Бреннера // Экономическая история. — 2019. — Т. 15. — № 1. — С. 9—22.

Бүләкләре

  • Александр Невский ордены (2014)[9];
  • II дәрәҗә Столыпин медале (2017)[10];
  • «Калуга өлкәсе алдындагы аерым казанышлар өчен» медале (2017)[11];
  • Россия Федерациясе Хөкүмәте Рәхмәте (2014);
  • Калуга өлкәсенең мактаулы гражданины[12].

Гаиләсе

Өйләнгән, ике ул тәрбияли[13].

Искәрмәләр

  1. ↑ 1 2 3 4 5 6 7 Биография Максима Акимова (рус.). ТАСС (18 май 2018). Мөрәҗәгать итү датасы: 9 сентябрь 2026.
  2. ↑ 1 2 3 4 5 Биография Максима Акимова (рус.). ТАСС (4 февраль 2020). Мөрәҗәгать итү датасы: 9 сентябрь 2026.
  3. ↑ 1 2 Источник: бывший вице-премьер Акимов назначен гендиректором «Почты России» (рус.). ТАСС (4 февраль 2020). Мөрәҗәгать итү датасы: 9 сентябрь 2026.
  4. ↑ 1 2 У «Почты России» сменился гендиректор (рус.). Ведомости (11 гыйнвар 2023). Мөрәҗәгать итү датасы: 9 сентябрь 2026.
  5. ↑ 1 2 Акимов Максим Алексеевич (рус.). Правительство Российской Федерации. Мөрәҗәгать итү датасы: 9 сентябрь 2026.
  6. ↑ Бывшего вице-премьера Акимова назначили гендиректором «Почты России» (рус.). РИА Новости (4 февраль 2020). Мөрәҗәгать итү датасы: 9 сентябрь 2026.
  7. ↑ Правительство утвердило директиву о назначении Волкова главой «Почты России» (рус.). Интерфакс (1 декабрь 2022). Мөрәҗәгать итү датасы: 9 сентябрь 2026.
  8. ↑ Феномен великой дивергенции в современной зарубежной историографии (вторая половина XX — начало XXI в.) (рус.). DisserCat (16 май 2019). Мөрәҗәгать итү датасы: 9 сентябрь 2026.
  9. ↑ Максим Акимов стал кавалером ордена Александра Невского (рус.). Мөрәҗәгать итү датасы: 9 сентябрь 2026. Архивировано 14 декабрь 2017 года.
  10. ↑ Распоряжение Правительства Российской Федерации от 11 мая 2017 года № 899-р (рус.). Правительство Российской Федерации (11 май 2017). Мөрәҗәгать итү датасы: 9 сентябрь 2026.
  11. ↑ Артамонов подарил Акимову на день рождения медаль (рус.). Мөрәҗәгать итү датасы: 9 сентябрь 2026. Архивировано 19 май 2018 года.
  12. ↑ Максим Акимов стал «Почётным гражданином Калужской области» (рус.). ГТРК «Калуга» (17 октябрь 2019). Мөрәҗәгать итү датасы: 9 сентябрь 2026.
  13. ↑ Акимов Максим Алексеевич генеральный директор Почта России. Мөрәҗәгать итү датасы: 28 июль 2022.

Сылтамалар

Төркемнәр