Рус телендәге версияПартнёрлык проектларыМахсус проектлар
Күренешне көйләүТелне алыштыруМәгълүмат
РУВИКИ ТУРЫНДА

Нурлан Ганиев

РУВИКИ проектының татар бүлегендә Ганиев фамилияле башка кешеләр турында да мәкаләләр бар

Нурлан Рәшит улы Ганиев (5 июль 1985, Яңа Сынташ, Башкорт Автономияле Совет Социалистик Республикасы) — татар шагыйре, җыр текстлары авторы, журналист һәм дәүләт хезмәткәре. Философия фәннәре кандидаты (2020)[1].

Тәрҗемәи хәле

Нурлан Ганиев 1985 елның 5 июлендә Башкортстанның Благовар районы Яңа Сынташ авылында туа. Бәләбәй педагогика көллиятен һәм Башкорт дәүләт университетының философия һәм социология факультетын тәмамлый[1].

Благовар районы мәдәният йортында, «Благовар хәбәрләре» район газетында һәм «Өмет» республика газетында, Башкортстан Республикасы Мәдәният министрлыгының этномәдәни үсеш һәм төбәкара хезмәттәшлек бүлегендә эшли[1].

2020 елда Башкорт дәүләт университетында «Рухи вандализм социаль күренеш буларак» темасына кандидатлык диссертациясе яклый[2].

Иҗаты

Нурлан Ганиев шигырьләр һәм җыр текстлары яза. Әсәрләре республика вакытлы матбугатында, күмәк җыентыкларда һәм альманахларда басылган. 2009 елда «Уйлану», 2017 елда «Бер мизгел нибары» шигырь җыентыклары нәшер ителә[1].

Китаплары

  • Уйлану: шигырьләр. — 2009;
  • Бер мизгел нибары: шигырьләр. — Уфа: Китап, 2017. — 112 б. — ISBN 978-5-295-06750-1.

Бүләкләре

  • Фатих Кәрим исемендәге премия (2005)[1];
  • Республика шигърият фестиваленең гран-прие (2006)[1];
  • «Бәллүр сандугач» бәйгесенең «Тамашачы мәхәббәте» номинациясе җиңүчесе (2006)[1];
  • Бөтенроссия яшь шагыйрьләр бәйгесенең гран-прие (Казан, 2015)[1].

Искәрмәләр

  1. ↑ 1 2 3 4 5 6 7 8 Ганиев Нурлан Рашитович (1985) (рус.). Башкортстан Республикасының Әхмәтзәки Вәлиди исемендәге Милли китапханәсе: Әдәби карта. Мөрәҗәгать итү датасы: 17 сентябрь 2026.
  2. ↑ Выписка из протокола № 5 заседания диссертационного совета Д 212.013.03 от 23 декабря 2020 года (рус.) (PDF). Башкорт дәүләт университеты (23 декабрь 2020). Мөрәҗәгать итү датасы: 17 сентябрь 2026.

Сылтамалар

Төркемнәр