Сиань мәчете

Сиань мәчете (кыт. Сиань цинчжэнь дасы, 西安清真大寺) — эчке Кытайның беренче мәчете. Император Сюаньцзун (Таң династиясе) вакытында Чанъань (хәзерге Сиань) каласында гарәпләр төзегән мәчет. Кайсыбер фаразлар буенча, мәчет бинасы XIV гасырда билгеле диңгезче Чжэн Хэ акчасына төзелгән. Соңыннан берничә мәртәбә яңартылган. Хәзерге вакытта мәчет 12000 кв. м. мәйдан били. Ислам архитектурасының Кытай архитектурасы белән катнашлыгы — Кытай мәчетенең кабатланмас үзенчәлеге.