Терминология
Терминология — терминнарны һәм аларның кулланылышын өйрәнүче фән. Шул ук вакытта, кешеләрнең берәр эшчәнлек тармагындагы барлык терминнарның берлеген дә терминология термины белән билгелиләр (мәсъәлән, сәяси терминология — сәясәт өлкәсендәге барлык терминнарның берлеге).
Башка әйберләр арасында, терминология фәне терминнарның барлыкка килүләрен һәм берәр мәдәният эчендә аларның бер-берсе белән барлыкка килгән элемтә/мөнәссәбәтләрен өйрәнә. Сүзләрне һәм аларның мәгънәләрен өйрәнүче лексикологиядән аермалы буларак, терминология төшенчәләрне, концептуаль системаларны һәм аларны билгеләүче тамгаларны (терминнарны) өйрәнә.
Фәнни эшчәнлек
Терминология фәненең эшчәнлеге гадәттә астагы аспектлардан тора:
- эшчәнлек тармагында кулланылган төшенчәләрне һәм концептуаль структураларны анализлау
- төшенчәләр белән бәйле терминнарны билгеләү
- ике яки күптелле терминология очракларында, төрле телләрдәге терминнар арасында бәйләнешне билгеләү
- махсус тармакның терминологияны кәгазь, башка матди материал өстендә яки мәгълүмат базасында язып туплау
- терминологик мәгълүмат базасын (терминнар сүзлеген) белән идарә итү
- кирәк булганда, яңа терминнар булдыру
Терминологның максаты категорияләргә аерылган терминнар берлегенең киңлеген һәм сыйфатын үстерү. Техник тармаклар һәм стандартлаштыру институтлары үз терминологик сүзлекләрне булдыралар.
Шулай ук карагыз
Чыганак
- Википедияның инглиз телле бүлеге