Tristão da Cunha
Tristañ da Kunya (port. Tristão da Cunha, yaq. 1460 — yaq. 1540) — portugal diñgez säyäxätçese, diplomat.
Tärcemäi xäle
Portugal manarıxlarına XI ğasırdan xezmät itkän rıtsärlär ğailäsendä tuğan. 1504 yılda Hindstannıñ vitse-qiralı itep bilgelänä, läkin wazıyfağa kermi.
1506-1507 yılarda Hind okeanına baruçı 15 qorablıq flot başlığı itep bilgelänä. Ul waqıtta Hind okeanındağı säwdä yulları tulısınça diärlek ğäräplär qulında bulğan, şuña kürä portugallarnıñ maqsatı Hindstanda nıq urnaşu ğına tügel, ä çit dindäge konkurentlarnı çitkä etärü dä bulğan. Hindstanğa barğanda ul anıñ iseme belän atalaçaq utrawlarnı aça, awrupalılar arasında iñ berençelärdän bulıp Madagaskar cirenä töşä, Afrikanıñ könçığış yarlarında häm Soqotra utrawında ğäräplär belän suğışa. 1507 yılda Hindstanğa barıp citkäç, möselmannar qamağan Kananurdağı portugal garnizonın qamawdan azat itä.
Hindstannan qaytqaçtın, Rim papasına ilçe itep cibärelä.