Чөгә

Чөгә (лат. Acipenser ruthenus)— мәрсинлеләр балыклар гаиләсендәге елга балыгы.

Кара, Азак, Каспий диңгезләре елга бассейнында яши. Башкортстанда Агыйдел елгасы һәм аның кушылдыклары Каридел, Дим елгаларында яши.

Шулай ук укбалык, очлы борын дип тә йөртәләр.

Бу балыклар тәңкәсез, озынча гәүдәләре буйлап калкан сөякләр тезелеп киткән, авызлары томшыгының аскы өлешендә урынлашкан. Башка балыклардан очлы борыны белән аерылып тора.

Чөгә бөҗәк, карышлавык, кортлар, кучкарлар белән туклана.

Бу балыкны аулау катгый рәвештә тыела.