Ayu Taw

Ayu Taw yäki Ayu Dağ (qırımtatarça Ayuv Dağ, urısça, ukrainça Аю-Даг) - Qırım yarımutrawınıñ könyaq yarında, Aluşta şähär bülgese häm Yalta şähär bülgese çigendä urnaşqan taw.

Bieklege - 577 m d.ö. Taw cäyläwe tönyaq-könbatış yünäleşendä 2400 metrğa suzılğan, 2-2,5 km diñgezgä çığıp tora.

Ayu Taw kompleksı - tabiğät saqlaw kompleksı.

Taw tübäsendä Qırım naratı, imän, miläş, küg ağaç, qorıçağaç, öräñge h.b. üsä.

Xaywannar arasında Ayu Tawda tölkelär, barsıqlar, susarlar, kerpelär, quyannar, tiennär, keçe kimerüçelär, yarqanatlar häm başqa imezüçelär törläre oçrıy.

Ayu Taw qıyasında aqçarlaqlar, siräkräk baqlannar oyalıylar. Urmanda yabalaq, tuqran, pesnäk, çıpçıq, urman kügärçene, kükşä, miläş çıpçığı tora. Söyrälüçelär arasında tuzbaş, poloz, kältä bar.