Kogalımavia şirkäteneñ Airbus A321 häläkäte
Файл:Man 22 4 11 (5643574468).jpg
.jpg){kind=link}
Häläkättä watılğan A-321, 2011 yılda Onur Air şirkäte
Kogalımavia şirkäteneñ Airbus A321 häläkäte — 2015 yılnıñ 31 oktäberendä Misırnıñ Sinay yarımutrawı östennän terror ğämäle näticäsendä bulğan aviahäläkät, dönya aviatsiäseneñ tarixında iñ zur qazalarnıñ berse.
Misır tarixında häm Airbus A320 törendäge oçqıçlar tarixında iñ zur aviahäläkät.
Räsäy häm SSRB tarixında iñ ere aviahäläkät, iñ küp Räsäy watandaşları häläk bulğan aviaqaza.
Häläkät näticäsendä 217 yulçı häm 7 ekipaj äğzası häläk bula. Oçqıç Misırdağı Şärm-äş-Şäyex hawa alanınnan Sankt-Peterburg Pulkovo hawa alanına oçış yasarğa tieş ide. Reys sanı - 7k-9268.
Tarix
Kogalımavia (säwdä bilgese Metrojet) şirkäteneñ Airbus A321 oçqıçı Şärm-eş-Şäyex - Peterburg Pulkovo çarter oçışın yasadı. Oçıp kitkännän 23 minuttan soñ, oçqıç belän elemtä özelä, layner radardan yuğala.
Oçqıçnıñ watıqları Nexel şähäre yanında tabılğan. Oçqıçta bulğan bar 224 yulçı (şul isäptän 25 bala häm 7 ekipaj äğzası) häläk bula.
Tikşerenü
Oçqıçnıñ watıqları 30 km² mäydänında tabıla, dimäk oçqıç hawada bieklektä watılğan. Watılu säbäpläre yä oçqıçnıñ iskergän qoyrığı yä terrakt bulıp farazlana.
Centekläp tikşerenülär oçqıçnıñ Misır kügendä häläkätkä yulığu säbäbe - şartlaw bulğanın kürsätä.
Misırnıñ tikşerüçe komissiä buyınça häläkätneñ töp säbäbe - motordağı şartlaw bulırğa mömkin.[1]
Qayber matbuğat çaraları buyınça oçıp kitkänçe oçqıçta bomba salınğandır häm eşelon bieklegendä ul şartlağandır dip faraz itelä.[2]
2015 yılnıñ 16 noyäberendä RF Federal' İminlek Xezmäte (FSB) başlığı A. Bortnikov oçqıçta üzeñ yasağan 1 kg trotil yegärlegendäge şartlaw caylanması eşlägänen belderde. Tikşerenülär näticäsendä oçqıçnıñ watıqlarında häm yulçılar äyberlärendä çit ildäge şartlatqıç mätdä ezläre tabılğan[3].
Sıltamalar
- Информация по рейсу 7К-9268 Шарм-Эль-Шейх — Санкт-Петербург 31 октября 2015 2015 елның 4 ноябрь көнендә архивланган. — Metrojet
- Очкыч һәлакәте урыныннан 144 мәет Петербурга кайтарылды
- Accident survenu dans la péninsule du Sinaï (Egypte) à l’Airbus A321-231, immatriculé EI-ETJ, Vol 7K-9268, samedi 31 octobre 2015 2015 елның 26 декабрь көнендә архивланган.
İskärmälär
- ↑ http://www.azatliq.org/content/article/27337114.html Мисырда Россия очкычы һәлакәте
- ↑ http://www.bbc.com/news/world-europe-34742273 Russian plane crash: UK suspects bomb was placed in hold
- ↑ http://kremlin.ru/events/president/news/50707