Ёсихидэ Суга
Ёсихидэ Суга (яп. 菅 義偉, 1948 елның 6 декабре, Япония, Акита префектурасы, Огати өязе (хәзер Юдзава шәһәре эченә кергән), Акиномия) — Япония дәүләт һәм сәяси эшлеклесе, 2020―2021 елларда ― Япония премьер-министры, 2020―2021 елларда 
Япониянең либераль-демократик фиркасе рәисе[1].
Япония министрлар кабинетының Генераль секретаре (2012—2020).
Тәрҗемәи хәле
1948 елның 6 декабрендә 
Акита префектурасы Огати өязе (хәзер Юдзава шәһәре эченә кергән) Акиномия авылында туган. Токиода Хосэй университетында бакалавр дәрәҗәсе алган. Унбер ел дәвамында парламент депутаты ярдәмчесе булып, 1984 елда Япониянең тышкы сәүдә һәм сәнәгать министрлыгында эшләгән. Иокогама шәһәр советы әгъзасы булган.
1996 елда Япониянең либераль-демократик фиркасе исемлеге буенча беренче мәртәбә 
ил парламентына сайланган.
2006—2007 елларда Япония премьер-министры Синдзо Абэның беренче кабинетында эчке эшләр һәм коммуникацияләр министры вазифасын били.
2012—2020 елларда Япония министрлар кабинетының Генераль секретаре[2].
2020―2021 елларда ― Япониянең либераль-демократик фиркасе рәисе, ил премьер-министры. Сәламәтлеге буенча Япония премьер-министры вазифасыннан киткән Синдзо Абэ урынына премьер-министр итеп сайлау буенча парламентта тавыш бирү 16 сентябрьдә узган[3].
Сылтамалар
Шулай ук карагыз
- Япониянең либераль-демократик фиркасе
Искәрмәләр
- ↑ Satoshi Sugiyama. Japan's next leader: How Yoshihide Suga beat the odds to succeed Shinzo Abe. japantimes.co.jp, 14.09.2020 [ингл.]
- ↑ Финансы Японии доверили бывшему премьеру. РБК (26 декабрь 2012). Мөрәҗәгать итү датасы: 26 июль 2014. Архивировано 4 апрель 2013 года.
- ↑ В Японии сформировали новое правительство. ria.ru, 16.09.2020 [рус.]