Аждаһа таулары
Тасвирлама
Аждаһа тауларында табылган файдалы казылмалар: платина, марганец рудалары, алтын, ташкүмер, аккургаш рудалары һәм башкалар.
Тауларның күп төрле үсемлекләр һәм хайваннар дөньясы шулай ук эндемик яки сирәк очраган төрләр белән күрсәтелгән.
Тауларның күп өлеше Дракенсберг паркына кертелгән, бу парк ЮНЕСКО Бөтендөнья мирасының табигый объекты булып тора[1].
Төбәк кабиләләренең телендә бу таулар Кватхламба (зулу uKhahlamba) дип атала, ул «кыялы урын», «кыялар өеме» дип аңлатыла. Йөрү юлы авыр булганы өчен ак колонизаторлар — бур халкы бу тауларны аждаһа яки афр. Drakensberge дип атыйлар.
Көнчыгыш һәм көнбатыш битләүләренең климаты һәм үсемлекләре бераз аерыла. Көнчыгыш битләүләрдә мул (башлыча җәйге) яңгырлар ява (елына 2000 мм); ә көнбатыш битләүләре коры һәм кискен континенталь климатка ия. Кышын тау башларында кар ява.
Көнчыгыш битләүләре 1200 метрга чаклы һәрвакыт яшел яфраклы һәм ылыслы агачлы тропик «яңгырлы» урманнар, 1200-1500 метрдан 2000 метрга кадәр — чәнечкеле куаклыклар, ксерофитлар һәм суккулентлар (акация, алоэ), югарырак — тау болыннары һәм таш ишелмәләре белән капланган. Көнбатыш битләүләрен урманнар урынына саванналар һәм куаклыклар били.
Искәрмәләр
Әдәбият
- Драконовые горы // Брокгауз һәм Ефрон энциклопедик сүзлеге: 86 томда (82 том һәм 4 өстәмә). Санкт-Петербург: 1890—1907.
Сылтанмалар
- Peakware.com 2016 елның 27 сентябрь көнендә архивланган.
- KZN Drakensberg Homepage — Official Website for the KwaZulu Natal Drakensberg.
- Cathkin Estates Conservation and Wildlife Sanctuary — the largest privately owned game park in the Drakensberg. 2010 елның 9 сентябрь көнендә архивланган.
- Nature — Drakensberg: Barrier of Spears — PBS Nature episode covering the eland (largest member of antelope family) of the Drakensberg.
- Drakensberg alti-montane grasslands and woodlands ecoregion report 2009 елның 13 октябрь көнендә архивланган.
- Drakensberg hiking trails 2018 елның 28 август көнендә архивланган.