Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Азат Ярмуллин

РУВИКИ проектының татар бүлегендә Ярмуллин фамилияле башка кешеләр турында да мәкаләләр бар

Азат Шакирҗан улы Ярмуллин (баш. Ярмуллин Азат Шакирйән улы, рус. Азат Шакирьянович Ярмуллин; 4 ноябрь 1975, Югары Сәлим, Башкорт Автономияле Совет Социалистик Республикасы) — башкорт тарихчысы, журналист, җәмәгать эшлеклесе[1]. Башкортстан Республикасының Журналистлар берлеге әгъзасы (2004). Бөтендөнья башкортлары корылтаеның Башкарма комитеты советы әгъзасы (2016).

Тәрҗемәи хәле

Азат Шакирҗан улы Яруллин 1975 елның 4 ноябрендә Башкорт АССРның Җылаер районы Югары Сәлим авылында туган[1].

1998 елда Башкорт дәүләт университетын тәмамлый.

1999 елдан «Башкортстан» дәүләт телерадиокомпаниясенең радиотапшырулар студиясендә программа алып баручы. 2000 елдан — студия мөхәррире, 2001 елдан — телевидение студиясе мөхәррире.

2002 елның апреленнән — «Тамаша» журналы; ноябреннән — «Киске Өфө» гәзите, 2003 елдан — «Йэшлек» гәзите хәбәрчесе[1]

2006 елдан Бөтендөнья башкортлары корылтае (конгрессы) Башкарма комитетының баш белгече.

2007 елдан «Башкортстан энциклопедиясе» гыйльми басмасының бүлек мөхәррире, 2012 елдан — генераль директор урынбасары, 2014 елдан — энциклопедик басмаларның баш мөхәррире урынбасары.

2016 елдан — Башкортстан Республикасының Китап палатасы директоры.

2018 елдан — Башкортстан Республикасы Милли архивының бүлек җитәкчесе[2].

Бөтендөнья башкортлары корылтаеның Башкарма комитеты һәм Башкарма комитеты советы әгъзасы (2016)[3]. Хәрби-тарихи темага фәнни-публицистик мәкаләләр һәм китаплар авторы.

Китаплары

  • Автономияле Башкортстан байрагы астында. Башкорт милли-азатлык хәрәкәте эшлеклеләре турында кыскача биографик очерклар (2009)[4];
  • Воинская слава башкирского народа (2007);
  • Башҡорт армияһы тарихынан (2012);
  • У истоков Башкирской Республики (2017);
  • Башкирские войска Красной Армии на защите Петрограда. 1919 г. (2019);
  • Башкортостан на переломе эпох (2021).

Мактаулы исемнәре һәм башка бүләкләре

  • Башкортстан Республикасының атказанган мәдәният хезмәткәре (2019);
  • Шәһит Ходайбирдин исемендәге бүләк лауреаты (2010).

Искәрмәләр

  1. ↑ 1 2 3 ЯРМУЛЛИН Азат Шакирьянович. bashenc.online. Мөрәҗәгать итү датасы: 19 октябрь 2024. Архивировано 7 август 2025 года.
  2. ↑ Ярмуллин Азат Шакирйән улы(үле сылтама) // Башҡорт энциклопедияһы — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9
  3. ↑ Всемирный курултай (конгресс) башкир. Официальный сайт. Члены Исполкома и Совета Исполкома [рус.] [Тикшерелгән 20 февраль 2019]
  4. ↑ Автономиялы Башҡортостан байрағы аҫтында https://kitaptar.bashkort.org/files/avtonomiyaly_bashqortostan_bajraghy_astynda._ofo._2009.pdf]

Төркемнәр