Азат Үтәкәев
Азат Нәзир улы Үтәкәев (рус. Азат Назирович Утякаев, 25 сентябрь 1953, Ташбулат, Башкорт Автономияле Совет Социалистик Республикасы) — Россия җәмәгать эшлеклесе, табиб. 1995 елдан Нефтекама шәһәре башкортлары королтаеның башкарма комитеты җитәкчесе. Башкортстан Республикасының атказанган табибы (2002)[1].
Тормыш юлы
1953 елның 25 сентябрендә Башкорт АССРның Әбҗәлил районы, Ташбулат авылында туган.
Туган авылындагы мәктәптә урта белем алганнан соң, 1970 елда Башкорт дәүләт медицина институтына[2] укырга керә һәм аны 1976 елда уңышлы тәмамлый.
Республика Сәламәтлек саклау министрлыгы юнәлтмәсе белән «Башнефть» җитештерү берләшмәсенә караган «Арланнефть» нефть һәм газ чыгару идарәсенең Нефтекама шәһәрендәге медицина-санитария бүлегенә интернатура үтәргә җибәрелә. 1977 елның августыннан 1984 елның февраленә кадәр шунда ук цех терапевты булып эшли.
1984–1985 елларда — Нефтекамадагы «Башсельмаш» заводы табибханәсендә цех терапевты.
1985 елның февраленнән 1988 елның ноябренә кадәр шәһәрнең 1 нче табибханәсендә мөдир һәм баш табиб вазифаларын башкара, 1991 елның февраленә кадәр Нефтекама үзәк район хастаханәсендә баш табиб урынбасары булып эшли.
1991–2011 елның азагына кадәр Нефтекама үзәк район хастаханәсенең 2 нче табибханәсен җитәкли: 2007 елның гыйнварына кадәр — баш табиб, соңрак табибханә мөдире була[3].
2012 елның гыйнварыннан 2014 елның 31 декабренә кадәр — Башкортстан Республикасы Сәламәтлек саклау министрлыгының Нефтекама территориаль округы буенча территориаль бүлеген, ә 2015 елның гыйнвар – сентябрь айларында «Нефтекама шәһәр хастаханәсе» дәүләт бюджет сәламәтлек-саклау учреждениесенең аналитика бүлеген җитәкли.
2015 елның сентябреннән — Башкортстан Республикасы Гаилә, хезмәт һәм социаль яклау министрлыгының Нефтекама психо-неврологик интернатында неврология бүлеге мөдире вазифасын башкара[4].
Җәмәгать эшчәнлеге
- 1990–1994 елларда Нефтекама шәһәр Советы депутаты, Советның президиум әгъзасы һәм сәламәтлек саклау буенча комиссия җитәкчесе;
- 1995 елдан Нефтекама шәһәре башкортлары королтаеның башкарма комитеты җитәкчесе.
Дәүләт бүләкләре
- Башкортстан Республикасының атказанган табибы (2002);
- Башкортстан Сәламәтлек саклау министрлыгының Мактау кәгазе;
- Нефтекама шәһәр хакимиятенең Мактау кәгазе;
- Бөтендөнья башкортлары корылтае башкарма комитетының Мактау кәгазе;
- «Нефтекама алдындагы казанышлары өчен» мактау билгесе (2020)[5].
Искәрмәләр
- ↑ Нуретдинов А. Азат рухлы Азат // «Башкортстан» : гәҗит. — 2013. — 8 октябрь.
- ↑ хәзерге Башкорт дәүләт медицина университеты
- ↑ Поликлиника № 2, ГБУЗ «Центральная городская больница ГО г. Нефтекамска». Заведующий: Утякаев Азат Назирович [рус.] [Тикшерелгән 24 сентябрь 2018]
- ↑ Государственное бюджетное стационарное учреждение социального обслуживания системы социальной защиты населения Нефтекамский психоневрологический интернат. Официальный сайт. Информация об учреждении. Контактная информация 2021 елның 20 октябрь көнендә архивланган. [рус.] [Тикшерелгән 24 сентябрь 2018]
- ↑ Почетный знак "За заслуги перед Нефтекамском" (рус.). sovetneftekamsk.ru (2 декабрь 2020). Мөрәҗәгать итү датасы: 10 декабрь 2025.
Сылтамалар
- Всемирный курултай (конгресс) башкир. Официальный сайт [рус.] [Тикшерелгән 24 сентябрь 2018]
- Официальный сайт администрации городского округа город Нефтекамск Республики Башкортостан [рус.] [Тикшерелгән 24 сентябрь 2018]
- Государственное бюджетное стационарное учреждение социального обслуживания системы социальной защиты населения Нефтекамский психоневрологический интернат. Официальный сайт 2021 елның 25 сентябрь көнендә архивланган. [рус.] [Тикшерелгән 24 сентябрь 2018]