Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Алексей Буренин

Алексе́й Алекса́ндр улы Буре́нин (Алексе́й Буре́нин, рус. Алексе́й Алекса́ндрович Буре́нин, 21 октябрь 1985, Уфа, Башкорт Автономияле Совет Социалистик Республикасы, РСФСР, СССР) — Россия спортчысы, парашютчы, парашют спорты буенча сигез тапкыр дөнья чемпионы[1], Россиянең атказанган спорт мастеры, Башкортостан Республикасының күренекле спортчысы, Башкортостан Республикасы парашют спорты федерациясе рәисе урынбасары.

Тормыш юлы

Балачакта тау чаңгысы белән шөгыльләнә, спорт мастерлыгына кандидат нормативын үти. 2000 елда Альберт Бикметов йогынтысы астында парашют-тау чаңгысы ике төр ярыш (пара-ски) белән шөгыльләнә башлый һәм беренче тапкыр сикерә.

2001 елда Буренин пара-ски буенча Россиянең абсолют чемпионы була, ә 2002 елда Россия җыелма командасы составына керә. 2007 елдан классик парашют спорты буенча Россия җыелма командасына алына.

Төп спорт казанышлары

  • Парашют-тау чаңгысы ике төр ярыш буенча тугыз тапкыр Россия абсолют чемпионы (2001, 2002, 2005, 2007, 2008, 2009, 2013, 2016, 2017);
  • Юниорлар арасында пара-ски буенча дөнья чемпионы (Черногория, 2005);
  • Классик парашют спорты буенча команда исәбендә дөнья чемпионы (2008, 2010, 2012);
  • Дубайда узган Бөтендөнья авиация уеннары (WAG 2015) җиңүчесе (төркем белән сикерүдә)[2];
  • Төньяк котыпта («Барнео» станциясе, 2016) парашют спорты буенча беренче халыкара ярышлар җиңүчесе[3];
  • Шәхси исәптә парашют-тау чаңгысы ике төрле ярыш буенча дөньяның абсолют чемпионы (Австрия, 2011, 2017)[4];
  • Шәхси исәптә парашют-тау чаңгысы ике төрле ярыш буенча дөнья чемпионатының көмеш призёры (Чехия, 2019);
  • Команда исәбендә парашют-тау чаңгысы ике төрле ярыш буенча Россия чемпионы (Красноярск, 2019);
  • Ир-атлар арасында парашют-тау чаңгысы ике төрле ярыш буенча команда ярышларында алтын призёр (Чиләбе, декабрь 2020);
  • Ир-атлар арасында параски буенча Россия чемпионатының көмеш призёры (Кемерово өлкәсе, «Танай», 2021);
  • Ир-атлар арасында акробатика буенча Россия чемпионатының көмеш призёры (Рыбинск, июль 2021);
  • Төркем белән төгәл сикерү буенча Башкортостан Республикасы чемпионатының көмеш призёры (Улу-Теләк, июль 2022)[5].

Бүләкләре һәм мактаулы исемнәре

  • «Башкортостан Республикасының күренекле спортчысы» мактау билгесе (2008);
  • «Надежда России» Бөтенроссия премиясе лауреаты (2008);
  • Россиянең атказанган спорт мастеры (2013)[6];
  • Башкортостан Республикасының Мактау грамотасы (2016).

Искәрмәләр

  1. ↑ Башкирские спортсмены — призёры чемпионата мира по парашютно-горнолыжному двоеборью (рус.). Министерство молодёжной политики и спорта РБ. Мөрәҗәгать итү датасы: 20 май 2024.
  2. ↑ Парашютисты ЦСКА — чемпионы Всемирных Авиационных Игр! cska.ru. Мөрәҗәгать итү датасы: 20 май 2024.
  3. ↑ Башкирский спортсмен Алексей Буренин доставил флаг Республики Башкортостан на Северный полюс. pravitelstvorb.ru. Мөрәҗәгать итү датасы: 20 май 2024.
  4. ↑ Новости — Министерство спорта Российской Федерации (рус.). minsport.gov.ru. Мөрәҗәгать итү датасы: 20 май 2024.
  5. ↑ Федерация парашютного спорта Республики Башкортостан. Алексей Александрович Буренин. fpsrb.ru (2026). Мөрәҗәгать итү датасы: 9 февраль 2026.
  6. ↑ Приказы о присвоении почётного спортивного звания «Заслуженный мастер спорта России». Министерство спорта РФ. Мөрәҗәгать итү датасы: 20 май 2024.

Сылтамалар

Төркемнәр