Г. Тукай һәм Шүрәле (скульптура композициясе)

Композиция ике сыннан гыйбарәт. Г. Тукай сыны тулы буена сурәтләнгән. Куллары күкрәк турысында, уң кулы сул кулы өстенә куелган, уйчан йөзле. Герой чалбар, пиджак һәм бант сыман галстуклы күлмәк кигән. Куе чәчләре кайтарып таралган, башында түбәтәй. Г. Тукайның сул ягында шүрәле сыны ясалган. Ул Г.Тукайның сул аягын кочаклап, чүгәләп утырган килеш сурәтләнә. Шүрәле композициядән сул кулдагы тоташу сызыгы буенча аерып алына.

Композиция турыпочмаклы аскуймага урнаштырылган. Скульптураның гомуми үлчәмнәре — 78×29×25 см.

Скульптура гипстан эшләнгән.

Экспонат Түбән Кама шәһәренең комплекслы музеенда саклана. Музей төбәкнең мәдәни мирас үзәге булып тора.