Рус телендәге версияПартнёрлык проектларыМахсус проектлар
Күренешне көйләүТелне алыштыруМәгълүмат
РУВИКИ ТУРЫНДА

Иван Журавлев (1833)

Бу терминның башка аңлатмалары да бар, аларны карау өчен Журавлев битенә күчегез.

Иван Игнатьевич Журавлев (29 апрель 1833, Нагайбәк, Яңа Урсай авыл шурасы[d] — 1884, Казан) — рәссам һәм педагог, реалистик психологик портретлар авторы. 1876—1883 елларда Казан укытучылар институтында рәсем укытучысы[1].

Тормыш юлы

Иван Журавлев 1833 елның 17 апрелендә Нагайбәк авылында туа[1]. Авыл урнашкан Бәләбәй өязе ул вакытта Оренбург губернасына керә. Уфа губернасы 1865 елда Оренбург губернасын бүлү нәтиҗәсендә оештырылган[2].

1861 елдан Сәнгать академиясендә ирекле тыңлаучы булып укый. 1866 елда гимназияләрдә рәсем укытучысы дәрәҗәсен ала. Казанда педагогик эш белән шөгыльләнә, 1876—1883 елларда Казан укытучылар институтында рәсем укыта. 1884 елда вафат була[1].

Иҗаты

Иван Журавлев иҗатында реалистик психологик портретлар урын ала. Алар арасында «Крестьян», «Билгесез кеше портреты» (1871), «Г. И. Панаева портреты» һәм «Капитан В. П. Филиппович портреты» (икесе дә — 1870 еллар) бар. Әсәрләре Татарстан Республикасы Дәүләт сынлы сәнгать музеенда саклана[1].

Рәссамның график эшләре дә билгеле. Музейның рус рәсеме тупланмасына аның 1866 елда иҗат ителгән «Два натурщика» («Ике натурщик») әсәре керә[3].

Иван Шишкин һәм Андрей Лихачёв белән бәйләнешләре

Иван Журавлев рәссам Иван Шишкин белән дус була[4]. Ул Шишкин белән коллекционер Андрей Фёдорович Лихачёв арасында арадашчы була: Лихачёвның картина сатып алырга теләвен рәссамга хәбәр итә. Бу бәйләнеш Шишкинның Лихачёвка 1866 елның апрелендә язган хатында чагыла[4].

Иван Журавлев Шишкин үзенә бүләк иткән рәсемнәрне Лихачёвка тапшырган. Лихачёв 1866 елның 7 июнендә Шишкинга язган җавап хатында әлеге рәсемнәрне саклавын белдергән[4].

Искәрмәләр

  1. ↑ 1 2 3 4 Журавлёв Иван Игнатьевич. Татар энциклопедиясе Tatarica. Мөрәҗәгать итү датасы: 4 октябрь 2026.
  2. ↑ Справочные материалы об изменениях внутренних и внешних границ губерний Европейской России (1775–1897 гг.). Оренбургская (Уфимская) губерния (рус.). Российская национальная библиотека. Мөрәҗәгать итү датасы: 4 октябрь 2026.
  3. ↑ Русский рисунок (рус.). Государственный музей изобразительных искусств Республики Татарстан. Мөрәҗәгать итү датасы: 4 октябрь 2026.
  4. ↑ 1 2 3 Улемнова О. Л., ed (2013) (in ru). Иван Иванович Шишкин. Живопись. Рисунок. Гравюра: альбом-каталог. Казань: Заман. pp. 40, 118. ISBN 978-5-4428-0026-5. https://tatarica.org/application/files/3515/6043/2552/shishkin_1.pdf. 

Әдәбият

  • Иван Иванович Шишкин. Живопись. Рисунок. Гравюра: альбом-каталог / фәнни мөхәррир О. Л. Улемнова. — Казан: Заман, 2013. — 184 б. — ISBN 978-5-4428-0026-5.

Төркемнәр