Илсөя Төхфәтуллина

1967 елның 10 сентябрендә Татарстан АССРның Апас районы Дәвеш авылында дүрт балалы музыкаль гаиләдә төпчек бала булып туган. Әтисе Җиһангир (1972 елда вафат) — инженер-механик, оста гармунчы; әнисе Зәйнәп (2010 елда вафат) — авыл шурасы рәисе, соңрак шифаханә җитәкчесе булган.

Мәктәптә 8 сыйныфны тәмамлагач, Буа медицина укуханәсенә укырга керә. Ләкин шәфкать туташы һөнәренә күңеле ятмый, документларын ала. 1988 елда Мәскәүдә Щепкин исемендәге Югары театр укуханәсен (профессор В. Смирнов курсы, татар студиясе) тәмамлый. Укуны тәмамлагач, Галиасгар Камал исемендәге Татар дәүләт академия театрында эшли башлый^[1].

Театрда башкарган беренче роле — Кәрим Тинчуринның «Зәңгәр шәл» спектаклендә Мәйсара роле (режиссер Марсель Сәлимҗанов). Моңлы тавышы, сәхнәдә үзен килешле тотышы белән тамашачы арасында танылу ала^[2].

Актрисаның Камал театры сәхнәсендәге төп рольләре:

• «Галиябану» (М. Фәйзи) — Галиябану;
• «Хуҗа Насретдин» (Н. Исәнбәт) — Зөбәрҗәт;
• «Эзләдем, бәгърем, сине» (Т. Миңнуллин) — Нурсия;
• «Кичер мине, әнкәй!» (Р. Батулла) — Дилфүзә;
• «Талак, талак!..» (Х. Вахит) — Гөләндәм;
• «Килә ява, килә ява...» (З. Хәким) — Зәйнәп;
• «Су төбендә сөйгәнем» (З. Хәким) — Су анасы;
• «Ричард III» (У. Шекспир) — кыйралбикә Маргарита;
• «Мещаннар» (М. Горький) — Татьяна;
• «Гөргөри кияүләре» (Т. Миңнуллин) — Уринә.

2025 елда премьералары узган «Аналар улларын көтәләр» (Гыйльминур)^[3], «Җәүдәт белән Зөбәрҗәт» (Наҗия)^[4] спектакльләрендә уйный.

• 2004 — «Зөләйха» (реж. Рамил Төхвәтуллин, Гаяз Исхакый әсәре буенча) — Зөләйха^[5].

• Ире — Рамил Төхвәтуллин (1966), ТР халык артисты, ТР Дәүләт Советы депутаты.
• Балалары: кызы Индира, юрист; кызы Диләрә, җырчы (лирик колоратур сопрано), «Татар моңы» конкурсы җиңүчесе (2022). Казан дәүләт консерваториясен тәмамлаган.

• 2003 — Татарстанның атказанган артисты;
• 2016 — Татарстанның халык артисты.