Рамил Төхфәтуллин
Рамил Төхфәтуллин, Рамил Чыңгыз улы Төхфәтуллин (1966 елның 2 октябре, СССР, РСФСР, ТАССР, Аксубай) — Галиәсгар Камал исемендәге Татар дәүләт академия театры артисты, режиссер. Габдулла Тукай премиясе лауреаты (2009), Татарстанның халык (2003), Россия Федерациясенең атказанган (2023) артисты.
Бердәм Россия фиркасеннән VI чакырылыш Татарстан Дәүләт Шурасы депутаты (2019 елның 9 сентябреннән)[1].
Тәрҗемәи хәле
Рамил Төхфәтуллин 1966 елның 2 октябрендә Аксубайда туа. 1987 елда Казан театр училищесын тәмамлый һәм Татар академия театрында эшли башлый. Читтән торып Казан дәүләт университетын тәмамлый. Төп рольләрдә яшь геройларны уйный. Ул иҗат иткән тормышчан образларга күтәренке йомшак романтик рух хас.
Рольләре
Камал театрында
- Габдулла Тукай — «Без китәбез, сез каласыз», Җаграп — «Гөргөри кияүләре», Рәхимҗан — «Эзләдем сине, бәгърем» (Т.Миңнуллин)
- Таһир — «Таһир-Зөһрә» (Ф.Бурнаш)
- Акъ егет — «Ай тотылган төндә» (М.Кәрим)
- Алчын — «Xуҗа Насретдин» (Н.Исәнбәт)
- Хәлил — «Галиябану» (М.Фәйзи)
- Флориндо — «Ике хуҗаның хезмәтчесе» (К.Гольдони)
- Тибальт — «Ромео һәм Джульетта» (В.Шекспир)
- Альфред — «Казан егетләре», «Тагын Казан егетләре» (М.Гыйләҗев)
- Рабачев — «Җимерелгән бәхет» (А.Островский)
- Норадын — «Идегәй» (Ю.Сафиуллин)
- Булат — «Зәңгәр шәл» (К.Тинчурин)
- Ибраһим — «Каениш» (Г.Камал)
- Карл — «Юлбасарлар» (Ф.Шиллер)
- Рәшит — «Килә ява, килә ява», «Ява карлар, ява карлар», «Телсез күке» (З.Хәким)
- Рокко — «Гаугалы гаилә» (Эд. де Филиппо) һ.б.
Фильмография
2000 елдан Казан кинохроника студиясендә кино режиссурасы белән шөгыльләнә:
- «Упкын» (2001, РФ Эчке эшләр министрлыгының 200 еллыгына багышланган конкурста «Көмеш Георгий» призы),
- «Зөләйха» (Ramai Studio, режиссер Рамил Төхфәтуллин, Гаяз Исхакый әсәре буенча[2]; Берлинда узган кино фестивалендә тамашачы күңелен яулаган өчен приз),
- «Дилемма» (2007, Өченче Халыкара «Алтын мөнбәр» мөселман киносы фестивалендә тамашачы күңелен яулаган өчен приз),
- «Бөркетләр» (2009) нәфис фильмы,
- «Әни бәйрәме» анимацион фильм (2005),
- «Шүрәле» (2008) анимацион фильм.
- Үзе дә нәфис фильмнарда истә калырлык рольләр башкара.
Телевидение
- 2011 елдан ТНВда «Кара каршы» тапшыруы алып бара.
Гаилә хәле
Хатыны — актриса Илсөя Төхфәтуллина (1967), ТР халык артисты (2016). Балалары: кызлары Индира, юрист; Диләрә, җырчы (лирик колоратур сопрано).
Бүләкләре, мактаулы исемнәре
- 2009 ― Габдулла Тукай премиясе
- 2003 ― Татарстанның халык артисты
- 2023 ― Россия Федерациясенең атказанган артисты ― «илебез мәдәниятен һәм сәнгатен үстерүгә керткән өлеше, күпьеллык нәтиҗәле эшчәнлеге өчен»[3][4]
Искәрмәләр
- ↑ Рамил Чыңгыз улы Төхфәтуллин. 2019 елның 21 сентябрь көнендә архивланган. ТР ДШ рәсми сайты
- ↑ Алсу Сәлах. Ыгы-зыгы куптарган татар фильмы. «Җайдак» интернет-басмасы сайты
- ↑ Камал театры актеры Рамил Төхвәтуллинга Россиянең атказанган артисты исемен бирделәр. Татар-информ, 13.02.2023
- ↑ Указ Президента Российской Федерации от 11.02.2023 № 81. 2023 елның 15 май көнендә архивланган. Официальный интернет-портал правовой информации [рус.]
Чыганаклар
- Илялова И.И. Галиәсгар Камал театры артистлары. Биографик белешмәлек. Тулыландырылган икенче басма. Татарстан китап нәшрияты, Казан, 2005 ел.
Тема буенча өстәмә
VI чакырылыш Татарстан Республикасы Дәүләт Советы депутатлары (2019-2024) | ||
|---|---|---|
| Җитәкчелек: |
|  |
| Президиум: | ||
| Комитет 1: Дәүләт корылышы һәм җирле үзидарә | ||
| Комитет 2: Бюджет, салымнар һәм финанс | ||
| Комитет 3: Икътисад, инвестицияләр һәм эшкуарлык | ||
| Комитет 4: Торак сәясәте һәм инфраструктура үсеше | ||
| Комитет 5: Экология, табигатьтән файдалану, агросәнәгать һәм азык-төлек сәясәте | ||
| Комитет 6: Законлылык һәм хокук тәртибе | ||
| Комитет 7: Социаль сәясәт | ||
| Комитет 8: Мәгариф, мәдәният, фән һәм милли мәсьәләләр | ||
| Комиссия 1: Керемнәре, мөлкәте һәм мөлкәти характердагы йөкләмәләре турында Татарстан Республикасы Дәүләт Советы депутатлары тарафыннан тапшырыла торган белешмәләрнең дөреслеген тикшереп тору | ||
| Комиссия 2: Дәүләт Советы депутаты этикасы кагыйдәләрен үтәү буенча комиссиясе | ||
| Комиссия 3: Татарстан Республикасы законнарының татар һәм рус телләрендәге текстлары тәңгәллеген билгеләү | ||
ТР Президенты каршындагы Татар телен һәм ТР яшәүче халыклар вәкилләренең туган телләрен саклау, үстерү мәсьәләләре комиссиясе әгъзалары | ||
|---|---|---|
| Җитәкчелек |
|  |
| Эшче төркем 1: Мәгариф һәм федераль структуралар белән хезмәттәшлек итү | ||
| Эшче төркем 2: ММЧ, мәдәният оешмалары, иҗат берләшмәләре, иҗтимагый оешмалар, социаль челтәрләр | ||
| Эшче төркем 3: Урта һәм югары һөнәри белем бирү һәм фән | ||
| Эшче төркем 4: Дәүләт органнары һәм муниципаль берәмлекләр, хакимият структуралары | ||
| Соңрак өстәлгәннәре: Эш төркеме әлегә төгәл билгеле түгел | ||
