Виктор Аршинов
| Виктор Аршинов | |
|---|---|
 | |
| Тулы исеме | Виктор Пётр улы Аршинов |
| Туган көне | 22 октябрь 1945 (78 яшь) |
| Туган | Азәрбайҗан, Бакы |
| Эшчәнлеге | рәссам |
| Бүләк һәм премияләр |
|
Виктор Аршинов, Виктор Пётр улы Аршинов (рус. Виктор Петрович Аршинов) – рәссам. Татарстанның атказанган сәнгать эшлеклесе (1993). Татарстанның халык рәссамы (2005). Б. Урманче, Тукай (2008) премияләре лауреаты. ССРБ рәссамнар берлеге әгъзасы (1980).
Тәрҗемәи хәле
1945 елның 22 октябренда Бакыда (икенче версия буенча: Гданьск[1]) туган. Әстерханда драма театрында декоратор ярдәмчесе булып эшли. 1905 ел истәлегенә исемендәге Мәскәү өлкә сәнгать укуханәсен (1970) тәмамлаган. 1964-1967 елларда хәрби хезмәттә була. 1970 елдан Казанда яши.
- 1970-1976 Казан сәүдә рекламасы комбинатында рәссам-проектлаучы.
- 1974-1976 ТАССР сәнгать фондында эшли.
- 1976 елдан ТАССР рәссамнар берлеге идарәсе әгъзасы, 17 ел буена идарә сәркатибе, идарәнең графика бүлеген, 15 ел фирка комитетын җитәкли.[2]
- Россия рәссамнар берлеге Татарстан бүлеген җитәкли.[3]
1972 елдан шәһәр, республика, зона, бөтенрусия, бөтенсоюз, халыкара күргәзмәләрдә катнашып килә.
Шәхси күргәзмәләре
- Казан (1977-1981, 1985, 1994, 1996, 2000, 2003, 2006, 2010, 2015[4])
- Әлмәт (1979)
- Лениногорск (1979)
- Мәскәү (1980)
- Йошкар-Ола (1982)
Әсәрләре саклана
- Третьяков галереясе
- ТР милли музее
- ТР дәүләт сынлы сәнгать музее
- Удмуртия дәүләт сынлы сәнгать музее
- Каракалпакстан дәүләт сынлы сәнгать музее
- Кораллы көчләр муззе (Мәскәү)
- Бакы картиналар галереясе
- Әстерхан картиналар галереясе
- Лорка шәһәре (Испания) музее
- Сакагами шәһәре (Япония) музее
- Шәхси тупланмалар
Иҗаты
Сынлы сәнгатьтә, театр декорациясе сәнгатендә, станок графикасында, китап-журнал бизәүдә эшләүче үзенчәлекле иҗатчы. 1980 еллардан башлап шигъри әсәрләргә иллюстрация ясау белән дә мавыга. А. Данте, Т. Элиот, Марина Цветаева, Габдулла Тукай, Муса Җәлил, Белла Әхмәдуллина[5] әсәрләренә график рәсемнәр шәлкеме (1990-2013) ясый.
«Үлемсез җыр»
Муса Җәлилнең «Моабит дәфтәре» китабына кергән шигырьләренә ясалган график рәсемнәре аеруча игътибарга лаек. Муса Җәлил шигъриятенең экспрессияле, драматик, образлы телен тулы ачу өчен төсләр (кызыл белән кара) һәм тоннар контрастын берләштерү алымын куллана. Әтисе, Җәлил кебек үк, Ленинград фронтында сугышкан һәм әнисе фашист концлагере тоткыны булганлыктан, Җиңү яшьтәше булган рәссамның сугыш темасына алынуы табигый.[6]
Бүләкләре, мактаулы исемнәре
- Татарстанның атказанган сәнгать эшлеклесе (1993).
- Татарстанның халык рәссамы (2005).
- Бакый Урманче премиясе
- Тукай премиясе (2008) — Габдулла Тукай һәм Муса Җәлил иҗатына багышланган рәсемнәре өчен.
Сылтамалар
Шулай ук карагыз
Искәрмәләр
- ↑ Артру.инфо сайтында, archived from the original on 2016-03-05, retrieved 2015-02-23
- ↑ В. Аршинов: Мин иске модалы кеше
- ↑ З. Гыймаев: ТР рәссамнар берлеген бетерәләр
- ↑ «Үлемсез җыр» күргәзмәсе ачылды
- ↑ Аршинов Белла Әхмәдуллина турында
- ↑ В. Аршиновның Җиңүнең 70 еллыгына багышланган күргәзмәсе ачылды
| 1991 ел | |
|---|---|
| 1992 ел | Әлфия Авзалова • Мөдәррис Әгъләмов • Семен Липкин • Равил Шәрәфиев |
| 1993 ел | |
| 1994 ел | |
| 1995 ел | |
| 1996 ел | |
| 1997 ел | |
| 1998 ел | |
| 1999 ел | |
| 2000 ел | |
| 2001 ел | |
| 2002 ел | |
| 2003 ел | |
| 2004 ел | |
| 2005 ел | |
| 2006 ел | |
| 2007 ел | Разил Вәлиев • Рәшит Кәлимуллин • Марина Нигъмәтуллина • Рада Нигъмәтуллина • Изабелла Рогожина |
| 2008 ел | Роберт Андреев • Виктор Аршинов • Әхмәт Әхәди • Резеда Ахиярова • Рәдиф Гаташ • Михаил Панджавидзе • Роберт Рәкыйпов • Виктор Соболев • Салават Фәтхетдинов |
| 2009 ел | |
| 2010 ел | |
- 22 октябрь көнне туганнар
- 1945 елда туганнар
- Әлифба буенча шәхесләр
- Азәрбайҗанда туганнар
- Бакыда туганнар
- Тукай премиясе лауреатлары
- Рәссамнар
- Татарстан рәссамнары
- ССРБ рәссамнары
- Сәнгать уку йортларын тәмамлаучылар
- Татарстанның атказанган сәнгать эшлеклеләре
- Татарстанның халык рәссамнары
- Бакый Урманче премиясе лауреатлары
- Иҗади берлекләр рәисләре