Равил Шәрәфиев

Равил Шиһап улы Шәрәфиев 1938 елның 5 апрелендә Татарстан АССРның Балык Бистәсе районы Олы Султан авылында туган. 1955–1956 елларда туган авылында авыл клубы мөдире булып эшли.

1961 елда Мәскәүдә М. С. Щепкин исемендәге Югары театр училищесының татар студиясен (М. Н. Гладков курсы) тәмамлый^[1].

1961 елдан Галиәсгар Камал исемендәге Татар дәүләт академия театры сәхнәсендә чыгыш ясый. Иҗат эшчәнлеге дәверендә актёр йөздән артык төрле пландагы образ тудыра. Шәрәфиевнең иҗат стиле тирән психологизмның ачык комедиялелек һәм пластик гәүдәләнеш белән берләшүе белән аерылып тора.

• «Хуш, сау бул», Ш. Шәхгали — Яхъя;
• «Кызыл яулыклы талтерегем», Ч. Айтматов — Михаил;
• «Көйгә-көй», У. Шекспир — герцог;
• «Авызлыкланган аю», У. Шекспир — Петруччо;
• «Фигароның өйләнүе», П. Бомарше — граф Альмавива;
• «Кол Гали», Н. Фәттах — Хаҗибәк;
• «Җырланмаган җыр», М. Кәрим — Низам;
• «Ташлама утны, Прометей!», М. Кәрим — Әдәмшаһ;
• «Әлдермештән Әлмәндәр», Т. Миңнуллин — Әҗәл;
• «Дуслар җыелган җирдә», «Хушыгыз» Т. Миңнуллин — Рафис;
• «Илгизәр + Вера», Т. Миңнуллин — Ислам;
• «Диләфрүзгә дүрт кияү», Т. Миңнуллин — Исмәгыйль;
• «Банкрот», Г. Камал — Сираҗетдин;
• «Ябырылу», Л. Леонов — Фёдор;
• «Американ», К. Тинчурин — Искәндәр;
• «Зәңгәр шәл», К. Тинчурин — Галәви;
• «Гөлҗамал», Н. Исәнбәт — Акми;
• «Зифа», Н. Исәнбәт — Балтаев;
• «Хуҗа Насретдин», Н. Исәнбәт — Хуҗа Насретдин;
• «Бирнәсез кыз», А. Островский — Робинзон;
• «Мирас», Г. Каюм — Хәким;
• «Су кызы — минем мәхәббәтем», З. Хәким — Мәрданша;
• «Зөләйха», Г. Исхакый — Гыймади;
• «Шамбодэ станциясе», Э. Лабиш — Теодор;
• «Шимбә, якшәмбе, дүшәмбе», Э. де Филиппо — Антонио;
• «Ханума», А. Цагарели — кенәз Пантиашвили;
• «Төш күрү — тормыш ул», П. Кальдерон — Басилио;
• «Кара чикмән», Г. Хугаев — Кваркан;
• «Өч сеңел», А. П. Чехов — Чебутыкин;
• «Казанга атлы чабам», З. Хәким — Салих.

• 1975 ел — «Хәзинә» (Клад) — Зарипов;
• 2004 ел — «Сага древних булгар. Лествица Владимира Красное Солнышко» — Мәмүн^[2];
• 2009 ел — Бөркетләр (Орлы).

• РСФСРның атказанган артисты (1975 елның 31 июле);
• Татарстан АССРның халык артисты (1978);
• Муса Җәлил исемендәге Татарстан комсомолы премиясе (1978);
• РСФСРның халык артисты (1988);
• Габдулла Тукай исемендәге Татарстан Республикасы Дәүләт премиясе (1992);
• «Фидакарь хезмәт өчен» медале (2008);
• «Татарстан Республикасы алдындагы казанышлар өчен» ордены (2013);
• «Дуслык» ордены (2018);
• Почет ордены — «ватан мәдәниятен һәм сәнгатен үстерүгә зур өлеш керткәне, күпьеллык нәтиҗәле эшчәнлеге өчен» (2019 елның 28 марты).