Рәдиф Гаташ
| Рәдиф Гаташ | |
|---|---|
 | |
| Тугач бирелгән исеме: | Рәдиф Кәшфулла улы Гатауллин |
| Туу датасы: | 30.3.1941 |
| Туу урыны: | Башкортстанның Кушнаренко районы Марс |
| Ватандашлык: |  / ССРБ, соңрак  Россия Федерациясе,  Татарстан Республикасы |
| Эшчәнлек төре: | поэт, журналист, публицист, әдәби тәнкыйтьче, тәрҗемәче |
| Юнәлеш: | шигърият |
| Жанр: | лирика |
| Иҗат итү теле: | татар теле |
| Бүләкләр: |  |
| Яшәү җире | |
Рәдиф Гаташ – татар шагыйре, Татарстанның атказанган сәнгать эшлеклесе, Г.Тукай бүләге лауреаты.
Тәрҗемәи хәл
Рәдиф Кәшфулла улы Гатауллин 1941 елның 30 мартында Башкортстан АССРының Кушнаренко районы Марс авылында игенче гаиләсендә туа. 1959 елда төбәктәге Талбазы авылы урта мәктәбен тәмамлаганнан соң, Уфа шәһәренә барып, Башкорт дәүләт университетының татар-рус филологиясе бүлегенә укырга керә. Анда ике ел укыгач, Казанга күчеп, белем алуын Казан дәүләт университетының татар теле һәм әдәбияты бүлегендә дәвам иттерә. 1964 елда университетны тәмамлап, ике елга якын Татарстанның Мөслим төбәгендәге Уразмәт авылының урта мәктәбендә татар теле, әдәбияты һәм тарих укытучысы булып эшли. Аннан, янә Казанга килеп, әүвәл Татарстан китап нәшриятында редактор (1966-1967, 1969-1971), соңра «Ялкын» журналында бүлек редакторы (1973-1974) вазифаларын башкара. 1967-1969 елларда Мәскәүдә СССР Язучылар берлеге каршындагы икееллык Югары әдәби курсларда укый. 1975 елдан башлап ул — «Казан утлары» журналы редакциясендә поэзия бүлеге мөхәррире хезмәтендә.
Иҗаты
Рәдиф Гаташ — узган гасырның алтмышынчы еллары башында татар шигърияте мәйданына үзенчәлекле шигъри аһәңе белән чыккан талантлы шагыйрьләрнең берсе. Аның 1966 елда басылган «Гөлләр су сорыйлар» исемле беренче шигъри җыентыгы ук әдәби җәмәгатьчелекнең игътибарын үзенә җәлеп итә. Китап турында Х.Туфан, С.Хәким, Ф.Хөсни кебек тәҗрибәле, олы әдипләр уңай фикерләрен язып чыгалар. Иҗатының беренче чорларында С.Рәмиев, Һ.Такташлардан дәвам итеп килгән традицион шигырь кысаларыннан читкә китмичәрәк язган шагыйрь алга таба ирекле шигырь төрләренә дә еш мөрәҗәгать итә һәм, дөньяны кабул итүдәге романтик индивидуальлеген саклаган хәлдә, татар поэзиясенең бу юнәлешенә дә үзеннән форма һәм ритм яңалыклары кертеп, аны заманча яңгырашлы шигырь үрнәкләре белән баета. («Егерме дүрт йолдыз һәм унҗиде диңгез» циклы, 1965.)
Р.Гаташ җәмәгать эше тәртибендә унике ел буена (1977-1989) Татарстан Язучылар берлегенең шагыйрьләр секциясенә җитәкчелек итә. Р.Гаташ — 1966 елдан СССР Язучылар берлеге әгъзасы.
Бүләкләре, мактаулы исемнәре
- 1982 ― Татарстан АССР атказанган мәдәният хезмәткәре
- 2005 ― Татарстан Язучылар берлегенең Һ. Такташ исемендәге әдәби премиясе иясе
- 2001 ― Татарстанның атказанган сәнгать эшлеклесе .
- 2008 ― Татарстан Республикасының Г.Тукай исемендәге Дәүләт премиясе ― 2001 елда дөнья күргән «Газәлләр», 2005 елда басылып чыккан «Мәңгелек сусау» китаплары өчен
- Татарстанның халык шагыйре
- 2022 ― Мифтахетдин Акмулла исемендәге Башкортстан педагогия университеты татар теле һәм әдәбияты кафедрасының шәрәфле профессоры[2].
Гаиләсе
Хатыны Римма, сәүдә институтында укытучы.
улы Салават (1968-2005)
оныклары Тимур, Арслан[3]
Чыганаклар
Искәрмәләр
- ↑ https://jitely.info/kazan/
- ↑ Шәрәфле профессорлар. // Казан утлары, 2022, № 7, 191нче бит
- ↑ Рәдиф Гаташ: Йөрәгемнән башка бернәрсәм юк! Ирек мәйданы, 20.11.2012, archived from the original on 2016-07-06, retrieved 2017-09-19
| 1991 ел | |
|---|---|
| 1992 ел | Әлфия Авзалова • Мөдәррис Әгъләмов • Семен Липкин • Равил Шәрәфиев |
| 1993 ел | |
| 1994 ел | |
| 1995 ел | |
| 1996 ел | |
| 1997 ел | |
| 1998 ел | |
| 1999 ел | |
| 2000 ел | |
| 2001 ел | |
| 2002 ел | |
| 2003 ел | |
| 2004 ел | |
| 2005 ел | |
| 2006 ел | |
| 2007 ел | Разил Вәлиев • Рәшит Кәлимуллин • Марина Нигъмәтуллина • Рада Нигъмәтуллина • Изабелла Рогожина |
| 2008 ел | Роберт Андреев • Виктор Аршинов • Әхмәт Әхәди • Резеда Ахиярова • Рәдиф Гаташ • Михаил Панджавидзе • Роберт Рәкыйпов • Виктор Соболев • Салават Фәтхетдинов |
| 2009 ел | |
| 2010 ел | |
