Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Альбина Насыйрова

РУВИКИ проектының татар бүлегендә Насыйров фамилияле башка кешеләр турында да мәкаләләр бар

Альбина Мөнир кызы Насыйрова (рус. Альбина Мунировна Насырова; 26 гыйнвар 1986, Казан) — Россия дәүләт һәм муниципаль эшлеклесе, эшмәкәр, педагог. VI чакырылыш Татарстан Республикасы Дәүләт Советы депутаты, «Бердәм Россия» фракциясе әгъзасы. Дәүләт Советы Президиумы әгъзасы[1].

Татарстанда халыкара полилингваль балалар бакчалары һәм мәктәпләре челтәренә нигез салучы[2]. «Бала-Сити» һәм «Яңа технологияләр мәктәбе» гомуми белем бирү оешмаларының генераль директоры[3].

Тормыш юлы

1986 елның 26 гыйнварында Казан шәһәрендә туа. Казанның 2 номерлы татар гимназиясен тәмамлый[4].

2008 елда В. И. Ульянов-Ленин исемендәге Казан дәүләт университетының (хәзерге Казан (Идел буе) федераль университеты) филология факультетын тәмамлый[5]. Шул уку йортында ук «Мультилингваль иртә үсеш технологияләре» (рус. «Мультилингвальные технологии раннего развития») программасы буенча магистратурада укый (2015—2017)[2].

2025 елның 18 декабрендә Казан (Идел буе) федераль университетында «Мәктәпкәчә белем бирү оешмаларында татар теленә өйрәтү чарасы буларак күптеллеле үстерүче мәгариф мохите» (рус. «Мультилингвальная развивающая образовательная среда как средство обучения татарскому языку в дошкольных учреждениях») темасына кандидатлык диссертациясен яклый[6].

Хезмәт юлы

Телевидениедә

1998—2007 елларда — «Яңа Гасыр» телерадиокомпаниясендә балалар һәм яшьләр тапшыруларында корреспондент һәм алып баручы[4][5].

Эшмәкәрлек һәм педагогик эшчәнлеге

2012 елдан — «Бала-Сити» полилингваль балалар үзәкләре челтәренең генераль директоры. Проект балаларны татар, рус һәм инглиз телләрендә иртә үстерүгә юнәлдерелгән[4]. 2018 елда компания Кембридж университетының халыкара мәктәбе статусын ала[5].

2018 елдан — «Яңа технологияләр мәктәбе» гомуми белем бирү оешмасының генераль директоры[3]. 2024 елның октябрендә компания беренче мәктәбен Дубай шәһәрендә (Берләшкән Гарәп Әмирлекләре) ача[7][8].

Сәяси эшчәнлеге

2019—2024 елларда VI чакырылыш Татарстан Республикасы Дәүләт Советы депутаты. Дәүләт Советының Мәгариф, мәдәният, фән һәм милли мәсьәләләр комитеты әгъзасы, шулай ук Дәүләт Советы Президиумы әгъзасы булып тора[1].

Парламенттагы эшчәнлеге дәверендә «Мәрхәмәт — Милосердие» хатын-кыз депутатлар берләшмәсе составына керә. Мәгариф өлкәсендә законнарны камилләштерү, шул исәптән полилингваль белем бирүне үстерү мәсьәләләре белән шөгыльләнә[1].

Иҗтимагый эшчәнлеге

2022—2023 елларда Татарстан Республикасының «Эшлекле хатын-кызлар» ассоциациясе әгъзасы була. Балалар өчен өстәмә белем бирү программаларын үстерүдә катнаша[5].

Бүләкләре

Гаиләсе

Кияүдә, өч бала әнисе[4].

Әнисе — Резедә Фаил кызы Мөхәммәтшина (1964—2026), педагогика фәннәре докторы, КФУның Филология һәм мәдәниятара багланышлар институтының рус әдәбияты һәм аны укыту методикасы кафедрасы профессоры була[9].

Искәрмәләр

  1. ↑ 1 2 3 Насыйрова Альбина Мөнир кызы. Татарстан Республикасы Дәүләт Советы (2024). Мөрәҗәгать итү датасы: 14 март 2026.
  2. ↑ 1 2 Выпускница КФУ открывает мультилингвальную школу для одаренных детей (рус.). Казан (Идел буе) федераль университеты (19 март 2016). Мөрәҗәгать итү датасы: 14 март 2026.
  3. ↑ 1 2 3 Насырова Альбина Мунировна (рус.). «Бердәм Россия» фиркасенең рәсми сайты (2024). Мөрәҗәгать итү датасы: 14 март 2026.
  4. ↑ 1 2 3 4 Алексей Угаров. Альбина Насырова: «Моя задача в Госсовете — продвигать реальные решения для защиты прав учителей» (рус.). БИЗНЕС Online (23 сентябрь 2019). Мөрәҗәгать итү датасы: 14 март 2026.
  5. ↑ 1 2 3 4 Насырова Альбина Мунировна — биография (рус.). Реальное время (2024). Мөрәҗәгать итү датасы: 14 март 2026.
  6. ↑ О защите диссертации (рус.). kpfu.ru. Мөрәҗәгать итү датасы: 14 март 2026.
  7. ↑ Казан кызы Альбина Насыйрова Дубайда халыкара мәктәп ачкан (рус.). gorodskoyportal.ru (31 октябрь 2024). Мөрәҗәгать итү датасы: 14 март 2026.
  8. ↑ Казан кызы Альбина Насыйрова Дубайда халыкара мәктәп ачкан. Интертат (31 октябрь 2024). Мөрәҗәгать итү датасы: 14 март 2026.
  9. ↑ Скончалась профессор КФУ Резеда Мухаметшина (рус.). Бизнес Онлайн (22 июль 2026). Мөрәҗәгать итү датасы: 23 июль 2026.

Сылтамалар

Тема буенча өстәмә

Төркемнәр