Ләлә Кадермәтова
Ләлә Ринат кызы Кадермәтова (1965 елның 3 июне, Казан, Татарстан АССР, ССРБ) — Татарстан сәясәтчесе. VI чакырылыш Татарстан Республикасы Дәүләт Советы депутаты. Татарстан Республикасы Дәүләт Советы секретаре. «Россельхозбанк»ның Татарстан төбәк филиалы директоры. «Бердәм Россия» фракциясе әгъзасы.
Тәрҗемәи хәле
Ләлә Кадермәтова 1965 елның 3 июнендә Казан шәһәрендә туа. 1986 елда В. В. Куйбышев исемендәге Казан финанс-икътисад институтын тәмамлый. Югары уку йортын тәмамлаганнан соң, хезмәт эшчәнлеген 1986 елда «Стройбанк»ның Татарстан Республика конторасы хисапчысы булып башлый.
«Промстройбанк»ның Татарстан Республикасы идарәсендә икътисадчы, «Казан» коммерция инвестиция-траст банкының тышкы икътисади идарәсе башлыгы, тышкы сәүдә банкының халыкара исәп-хисап һәм валюта контроле төркеме җитәкчесе, соңрак клиент бүлеге башлыгы булып эшли[1]. 2004 елдан «Ак Барс Банк»ның Казан филиалы җитәкчесе, 2008 елдан «Ак Барс Банк» идарәсе рәисе урынбасары. 2013 елда «Россельхозбанк»ның Татарстан төбәк филиалы директоры булып эшли башлый.
2019 елның 8 сентябрендә «Бердәм Россия» партиясе исемлекләре буенча VI нчы чакырылыш Татарстан Республикасы Дәүләт Советы депутаты итеп сайлана[2]. Дәүләт Советының Экология, табигатьтән файдалану, агросәнәгать һәм азык-төлек сәясәте комитеты һәм «Мәрхәмәт – Милосердие» хатын-кыз депутатлар берләшмәсе әгъзасы.
Бүләкләр
- 2018 — «Фидакарь хезмәт өчен» медале[3];
- 2021 — «ТАССР төзелүгә 100 ел» медале.
Искәрмәләр
- ↑ Ляля Кудерметова / Банковское обозрение
- ↑ Кто прошел в Госсовет РТ шестого созыва. Полный список депутатов
- ↑ Признание заслуг 2021 елның 13 апрель көнендә архивланган.
Сылтамалар
- Татарстан Республикасы Дәүләт Советы рәсми сайтында Ләлә Ринат кызы Кадермәтова 2021 елның 13 апрель көнендә архивланган.
Тема буенча өстәмә
VI чакырылыш Татарстан Республикасы Дәүләт Советы депутатлары (2019-2024) | ||
|---|---|---|
| Җитәкчелек: |
|  |
| Президиум: | ||
| Комитет 1: Дәүләт корылышы һәм җирле үзидарә | ||
| Комитет 2: Бюджет, салымнар һәм финанс | ||
| Комитет 3: Икътисад, инвестицияләр һәм эшкуарлык | ||
| Комитет 4: Торак сәясәте һәм инфраструктура үсеше | ||
| Комитет 5: Экология, табигатьтән файдалану, агросәнәгать һәм азык-төлек сәясәте | ||
| Комитет 6: Законлылык һәм хокук тәртибе | ||
| Комитет 7: Социаль сәясәт | ||
| Комитет 8: Мәгариф, мәдәният, фән һәм милли мәсьәләләр | ||
| Комиссия 1: Керемнәре, мөлкәте һәм мөлкәти характердагы йөкләмәләре турында Татарстан Республикасы Дәүләт Советы депутатлары тарафыннан тапшырыла торган белешмәләрнең дөреслеген тикшереп тору | ||
| Комиссия 2: Дәүләт Советы депутаты этикасы кагыйдәләрен үтәү буенча комиссиясе | ||
| Комиссия 3: Татарстан Республикасы законнарының татар һәм рус телләрендәге текстлары тәңгәллеген билгеләү | ||
