Эдвард Габдуллаҗанов
Эдуард Юныс улы Габдуллаҗанов (тат. Эдвард Юнусович Абдуллазянов; 8 апрель 1957, Олы Әтнә, Татарстан АССР) — Россия галиме, сәнәгать һәм дәүләт эшлеклесе. Техник фәннәр кандидаты (2003), доцент (2007). 2011 елдан Казан дәүләт энергетика университеты (КДЭУ) ректоры[2] . 2024 елдан Татарстан Республикасы Дәүләт Советының VII чакырылыш депутаты[3]. Фән һәм техника өлкәсендә Россия Федерациясе премиясе лауреаты (2023).
Тәрҗемәи хәле
1957 елның 8 апрелендә Татарстан Автономияле Совет Социалистик Республикасы Әтнә районының Олы Әтнә авылында туа[4].
Белеме
Эдуард Габдуллаҗанов Олы Әтнә урта мәктәбен тәмамлый. 1981 елда Мәскәү энергетика институтының Казан филиалын «электр станцияләре» белгечлеге буенча тәмамлап, инженер-электрик квалификациясен ала. 1991 елда Казан дәүләт финанс-икътисад институтында «икътисадчы» белгечлеге буенча икенче югары белемгә ия була. 2003 елда кандидатлык диссертациясен яклый, 2007 елда доцент гыйльми исемен ала.
Хезмәт эшчәнлеге
- 1974 ел — Казан автомобиль ремонтлау заводы слесаре;
- 1974—1975 еллар — ТАССРның Биектау районы элемтә үзәге йөртүчесе;
- 1975—1981 еллар — Мәскәү энергетика институтының Казан филиалы студенты;
- 1981—1983 елларда Совет Армиясе сафларында хезмәт итә;
- 1983 ел — ВЛКСМның Биектау райкомы комсомол оешмалары бүлеге мөдире вазифаларын башкаручы;
- 1983—1984 еллар — КПССның Биектау райкомы пропаганда һәм агитация бүлеге инструкторы;
- 1984—1988 еллар — ВЛКСМның Биектау райкомы беренче секретаре[5];
- 1988—2000 еллар —Идел буе электр челтәрләренең Биектау районы электр челтәрләре II төркеме башлыгы;
- 2000—2003 еллар — «Татэнерго» ААҖ Идел буе электр челтәрләре предприятиесе директоры;
- 2001—2003 еллар — «Сетевая компания» акционерлык җәмгыяте генераль директоры (өстәмә вазифа буенча);
- 2003 ел — техник фәннәр кандидаты;
- 2003—2008 еллар — «Сетевая компания» ААҖ генераль директоры;
- 2007 елда доцент гыйльми дәрәҗәсен ала;
- 2008—2011 еллар — «Сетевая компания» ААҖ генераль директорының инвестицияләр буенча урынбасары[6];
- 1999—2011 еллар — төп эшчәнлеге белән беррәттән фәнни-педагогик эш белән шөгыльләнә. Казан дәүләт энергетика университетының «Агропромышленность комплексы предприятиеләрен энергия белән тәэмин итү» кафедрасы ассистенты, өлкән укытучысы, доценты, кафедра мөдире вазыйфаларын башкаручы, кафедра мөдире;
- 2011 елның 8 декабреннән — Казан дәүләт энергетика университеты ректоры вазыйфаларын башкаручы;
- 2012 елның 18 маеннан — Казан дәүләт энергетика университеты ректоры[7];
- 2019—2024 елларда — ТР VI чакырылыш Дәүләт Советы депутаты, Торак сәясәте һәм инфраструктура үсеше комитеты әгъзасы;
- 2024 елның сентябреннән — ТР VII чакырылыш Дәүләт Советы депутаты.
Гаиләсе
Өйләнгән, ике баласы бар .
Бүләкләре
- «Дуслык» ордены (2023);
- Татарстан Республикасы Төзелеш, архитектура һәм торак-коммуналь хуҗалык министрлыгының Рәхмәт хаты (2023);
- Фән һәм техника өлкәсендә Россия Федерациясе Хөкүмәте премиясе лауреаты (2023);
- II дәрәҗә «Ватан алдындагы казанышлар өчен» ордены медале (фәнни-педагогик эшчәнлектә, квалификацияле белгечләр әзерләүдәге казанышлары һәм күпьеллык намуслы хезмәте өчен; 2023)[8];
- Казан шәһәренең Мактау грамотасы (2020);
- «Татарстан Республикасы алдындагы казанышлар өчен» ордены медале (2017)[9];
- «Мактаулы энергетик» мактаулы исеме (Россия Федерациясенең Энергетика министрлыгы, 2017);
- Татарстан Республикасы Мәгариф һәм фән министрлыгының «Мәгарифтәге казанышлар өчен» күкрәк билгесе (2017);
- «„Челтәр компаниясе“ ААҖ алдындагы казанышлар өчен» мактаулы медале (2017);
- «Казан шәһәре файдасына башкарган мактауга лаеклы хезмәте өчен» аерым хөрмәтләү билгесе (2017)[10];
- «Россия Федерациясенең югары һөнәри белем бирү өлкәсенең мактаулы хезмәткәре» мактаулы исеме (2016);
- Россия Федерациясе Мәгариф һәм фән министрлыгының Мактау грамотасы (2014);
- Россия Федерациясе Спорт министрлыгының Мактау грамотасы (2014);
- Россия Федерациясе Энергетика министрлыгының Мактау грамотасы (2011);
- «Татэнерго» ААҖ һәм «Электропрофсоюз» Татарстан Республика комитеты Мактау грамотасы (2007);
- Татарстан Республикасы Премьер-министрының Рәхмәт хаты (2007);
- «Казанның 1000 еллыгын истәлегенә» медале (2005);
- Татарстан Республикасының атказанган энергетигы (2002)[11] .
Искәрмәләр
- ↑ Депутаты Государственного Совета Республики Татарстан шестого созыва (2019-2024 гг.) (рус.)
- ↑ Абдуллазянов Эдвард Юнусович — Татцентр.ру.
- ↑ Профиль Депутата Эдварда Юнусовича Абдуллазянова на сайте Государственного Совета Республики Татарстан.
- ↑ Абдуллазянов Эдвард Юнусович. 22 гыйнвар 2026 тикшерелде.
- ↑ Юность комсомольская в сердцах.
- ↑ В «Сетевой компании» холдинга «Татэнерго» – новый руководитель. Мөрәҗәгать итү датасы: 25 апрель 2020. Архивировано 22 гыйнвар 2021 года.
- ↑ Ректором КГЭУ избран Эдвард Абдуллазянов.
- ↑ Камал театры актеры Рамил Төхвәтуллинга Россиянең атказанган артисты исемен бирделәр. Татар-информ, 13.02.2023
- ↑ Признание заслуг.
- ↑ Ильсур Метшин вручил государственные и городские награды.
- ↑ www.75.tatenergo.ru. Мөрәҗәгать итү датасы: 16 гыйнвар 2021. Архивировано 20 февраль 2020 года.
Тема буенча өстәмә
VI чакырылыш Татарстан Республикасы Дәүләт Советы депутатлары (2019-2024) | ||
|---|---|---|
| Җитәкчелек: |
|  |
| Президиум: | ||
| Комитет 1: Дәүләт корылышы һәм җирле үзидарә | ||
| Комитет 2: Бюджет, салымнар һәм финанс | ||
| Комитет 3: Икътисад, инвестицияләр һәм эшкуарлык | ||
| Комитет 4: Торак сәясәте һәм инфраструктура үсеше | ||
| Комитет 5: Экология, табигатьтән файдалану, агросәнәгать һәм азык-төлек сәясәте | ||
| Комитет 6: Законлылык һәм хокук тәртибе | ||
| Комитет 7: Социаль сәясәт | ||
| Комитет 8: Мәгариф, мәдәният, фән һәм милли мәсьәләләр | ||
| Комиссия 1: Керемнәре, мөлкәте һәм мөлкәти характердагы йөкләмәләре турында Татарстан Республикасы Дәүләт Советы депутатлары тарафыннан тапшырыла торган белешмәләрнең дөреслеген тикшереп тору | ||
| Комиссия 2: Дәүләт Советы депутаты этикасы кагыйдәләрен үтәү буенча комиссиясе | ||
| Комиссия 3: Татарстан Республикасы законнарының татар һәм рус телләрендәге текстлары тәңгәллеген билгеләү | ||
