Лотфулла Шәфигуллин
| Лотфулла Шәфигуллин | |
|---|---|
 | |
| Тулы исеме | Лотфулла Нурислам улы Шәфигуллин |
| Туган көне | 14 май 1955 (70 яшь) |
| Туган | |
| Эшчәнлеге | хәрби төзүче |
| Бүләк һәм премияләр |
 |
| Сайт | tattelecom.ru |
Лотфулла Нурислам улы Шәфигуллин (рус. Шафигуллин Лутфулла Нурисламович; 14 май 1955, Симетбаш, Татарстан АССР) — «Таттелеком» ачык акционерлык җәмгыяте генераль директоры ( 2006—2019 елларда). Россия Федерациясенең атказанган элемтә хезмәткәре, Татарстан Республикасының атказанган икътисадчысы. «Казаночка» баскетбол клубы президенты (2011 елдан). «Бердәм Россия» фиркасе әгъзасы. Дүртенче (2009—2014), бишенче (2014—2019) һәм алтынчы (2019—2024) чакырылыш Татарстан Республикасы Дәүләт Советы депутаты. Тукай премиясе лауреаты (2018)[1].
Тәрҗемәи хәле
1955 елның 14 маенда Татарстан АССРның Арча районы Симетбаш авылында туа. «Хәрби төзүче» белгечлеге буенча Камышлы югары хәрби төзелеш-команда училищесын (1975), «Финанс менеджменты» белгечлеге буенча Халыкара менеджмент академиясен (1992), «Финанслар һәм кредит» белгечлеге буенча Чиләбе дәүләт университетын (1999), «Күпканаллы телекоммуникация системалары» белгечлеге буенча Идел буе дәүләт телекоммуникацияләр һәм информатика академиясен тәмамлый. Халыкара элемтә академиясе академигы.
Хезмәт юлы
1975—1991 елларда ССРБ Кораллы Көчләрендә гаскәри хезмәттә.
1993—1998 елларда — «Татарстан ит сәнәгате» җитештерү берләшмәсе генераль директоры урынбасары, «Татарстан ит сәнәгате» холдинг ширкәте вице-президенты.
1998—2001 елларда — Татарстан Республикасының Дәүләт милке белән идарә итү дәүләт комитеты рәисенең беренче урынбасары.
2001—2006 елларда — Татарстан Республикасының җир һәм милек мөнәсәбәтләре министрының беренче урынбасары.
2006—2019 елларда — «Таттелеком» ачык акционерлык җәмгыяте генераль директоры.
2019 елның 9 сентябреннән VI чакырылыш Татарстан Республикасы Дәүләт Советы депутаты, Икътисад, инвестицияләр һәм эшкуарлык комитеты рәисе[2].
Хәйриячелек
Лотфулла Шәфигуллин хәйриячелек белән 10 елдан артык шөгыльләнә. Биш музей төзергә, 17 авыл зиратын, биш мәчетне һәм Арчада Петр һәм Павел гыйбадәтханәсен төзекләндерергә ярдәм итә[3].
Кырлай авылында Сәгъди карт бакчасын, Арча районының Ташкичү авылында Мәрҗани музеен һәм Симетбаш авылы янында Мәрҗани чишмәсен, шул ук районда генерал Гани Сафиуллин музеен, Биектау районында Иске Казан кирмәнен төзи[4].
Арча районының Иске Муй авылында «Ислам нуры» мәчетен төзекләндерү эшләренә саллы өлешен кертә[5].
Арча районы Хәтнә авылында Петропавловск гыйбадәтханәсен торгыза, Хәтнә авылындагы "Изгеләр чишмәсе"н төзекләндерергә ярдәм итә[6].
Туган авылының беренче тракторчыларына һәйкәл куя.
Габдулла Тукайның 130 еллыгы уңаеннан Яңа Кырлай авылында Тукайга багышланган яңа комплекс төзүдә ярдәм итә.
Бүләкләре, мактаулы исемнәре
- Россия Федерациясенең Атказанган элемтә хезмәткәре;
- Татарстан Республикасының Атказанган икътисадчысы;
- Арча районының мактаулы гражданины[7].
- Казан шәһәренең Мактау китабына кертелгән.
- «Фидакарь хезмәт өчен» медале;
- II дәрәҗә «Мактауга лаек хезмәт өчен» медале;
- III дәрәҗәдәге «Мактауга лаек хезмәт өчен» медале;
- 2005 — «Казанның 1000 еллыгы истәлегенә» медале;
- 2008 — «Ел җитәкчесе» республика конкурсы җиңүчесе;
- 2016 — «Ел хәйриячесе» республика конкурсы җиңүчесе[8];
- 2018 — Габдулла Тукай исемендәге ТР дәүләт премиясе (Татарстанда яшәүче халыкларның милли байлыкларын һәм тарихи мирасын, мәдәниятен үстерүгә һәм саклап калуга керткән өлешләре өчен[9]).
- 2019 - Татарстан Республикасы Президентының Рәхмәте.
- 2020 - «ТАССР оешуга 100 ел» медале[10].
Искәрмәләр
- ↑ Член Правления Фонда (рус.). Фонд поддержки развития культуры при Раисе Республики Татарстан. Мөрәҗәгать итү датасы: 4 декабрь 2025.
- ↑ Шафигуллин Лутфулла Нурисламович. 2019 елның 21 сентябрь көнендә архивланган. ТР ДШ сайты
- ↑ Лотфулла Шәфигуллин Путин белән ни өчен очрашканы турында сөйләде. 2018 елның 28 февраль көнендә архивланган. «Татар-информ» МА, 26.01.2018
- ↑ Вахит Имамов: Тукай бүләгенә кайбер кандидатлар әрсезлеге туйдыра башлады. 2018 елның 16 март көнендә архивланган. «Татар-информ» МА, 14.03.2018
- ↑ Арча районында төзекләндерүдән соң «Ислам нуры» мәчете ачылды.(үле сылтама) ТР мөселманнары диния нәзарәте сайты, 31.08.2017
- ↑ Путин Таттелеком җитәкчесен ни өчен чакырткан. «Шәһри Казан», 26.01.2018
- ↑ Почетные граждане района (рус.). Слава-Дан Республики Татарстан. Мөрәҗәгать итү датасы: 4 декабрь 2025.
- ↑ Генеральный директор Таттелеком Л. Н. Шафигуллин — Победитель конкурса «Благотворитель года-2016». 2018 елның 15 февраль көнендә архивланган. Tattelecom.ru, 02.05.2017
- ↑ Рустам Минниханов наградил лауреатов Госпремии им. Тукая. Татар-информ МА, 26.04.2018
- ↑ Шафигуллин Лутфулла Нурисламович. 4 декабрь 2025 тикшерелде.
Сылтамалар
- Шәфигуллин Лотфулла Нурислам улы 2018 елның 19 август көнендә архивланган.
- Л. Н. Шәфигуллин «Чикләрсез татарлар» сайтында
- Шафигуллин Лутфулла Нурисламович. «Бизнес Online»
Тематик сайтлар |
|---|
VI чакырылыш Татарстан Республикасы Дәүләт Советы депутатлары (2019-2024) | ||
|---|---|---|
| Җитәкчелек: |
|  |
| Президиум: | ||
| Комитет 1: Дәүләт корылышы һәм җирле үзидарә | ||
| Комитет 2: Бюджет, салымнар һәм финанс | ||
| Комитет 3: Икътисад, инвестицияләр һәм эшкуарлык | ||
| Комитет 4: Торак сәясәте һәм инфраструктура үсеше | ||
| Комитет 5: Экология, табигатьтән файдалану, агросәнәгать һәм азык-төлек сәясәте | ||
| Комитет 6: Законлылык һәм хокук тәртибе | ||
| Комитет 7: Социаль сәясәт | ||
| Комитет 8: Мәгариф, мәдәният, фән һәм милли мәсьәләләр | ||
| Комиссия 1: Керемнәре, мөлкәте һәм мөлкәти характердагы йөкләмәләре турында Татарстан Республикасы Дәүләт Советы депутатлары тарафыннан тапшырыла торган белешмәләрнең дөреслеген тикшереп тору | ||
| Комиссия 2: Дәүләт Советы депутаты этикасы кагыйдәләрен үтәү буенча комиссиясе | ||
| Комиссия 3: Татарстан Республикасы законнарының татар һәм рус телләрендәге текстлары тәңгәллеген билгеләү | ||
ТР Президенты каршындагы Татар телен һәм ТР яшәүче халыклар вәкилләренең туган телләрен саклау, үстерү мәсьәләләре комиссиясе әгъзалары | ||
|---|---|---|
| Җитәкчелек |
| |
| Эшче төркем 1: Мәгариф һәм федераль структуралар белән хезмәттәшлек итү | ||
| Эшче төркем 2: ММЧ, мәдәният оешмалары, иҗат берләшмәләре, иҗтимагый оешмалар, социаль челтәрләр | ||
| Эшче төркем 3: Урта һәм югары һөнәри белем бирү һәм фән | ||
| Эшче төркем 4: Дәүләт органнары һәм муниципаль берәмлекләр, хакимият структуралары | ||
| Соңрак өстәлгәннәре: Эш төркеме әлегә төгәл билгеле түгел | ||
| Җитәкчелеге |  | |
|---|---|---|
| Чаралар һәм проектлар | ||
| Партнёрлары | ||
| Попечительләре | ||
- 14 май көнне туганнар
- 1955 елда туганнар
- Арча районында туганнар
- Тукай премиясе лауреатлары
- «Казанның 1000 еллыгы истәлегенә» медале белән бүләкләнүчеләр
- Әлифба буенча шәхесләр
- Әлифба буенча сәясәтчеләр
- VI чакырылыш Татарстан Республикасы Дәүләт Советы депутатлары
- Бердәм Россия фиркасе әгъзалары
- Чиләбе дәүләт университетын тәмамлаучылар
- Хәйриячеләр
- Төзүчеләр
- Ширкәт җитәкчеләре