2011 ел
| Милади тәкъвим | 2011 MMXI |
| Юлиан тәкъвим | 2010—2011 (14 гыйнвардан) |
| Юлиан тәкъвим византия эрасы белән |
7519—7520 (14 сентябрьдән) |
| Римны нигезләгәннән башлап | 2763—2764 (4 майдан) |
| Яһүдләр тәкъвиме |
5771—5772 ה'תשע"א — ה'תשע"ב |
| Һиҗри тәкъвим | 1432—1433 (27 ноябрьдан) |
| Борынгы әрмәннәр тәкъвиме | 4503—4504 (11 августтан) |
| Әрмәннәрнең чиркәү тәкъвиме | 1460 ԹՎ ՌՆԿ
|
| Кытай тәкъвиме | 4707—4708 (3 февральдан) 庚寅 — 辛卯 ак юлбарыс — ак йорт куяны |
| Хәбәш тәкъвим | 2003 — 2004 |
| Борынгы һинд тәкъвиме | |
| - Викрам-самват | 2067—2068 |
| - Шака самват | 1933—1934 |
| Шәмси тәкъвим | 1389—1390 |
| Буддачылык тәкъвиме | 2554 |
| Япон ел исәбе | 23 ел Хэйсэй |
2011 (ике мең унберенче) ел — кәбисә булмаган ел, милади тәкъвим буенча шимбә көнне башлана. Бу безнең эраның 2011 елы, III меңьеллыкның 11 елы, XXI гасырның 11 елы, XXI гасырның 2 унъеллыгының 1 елы, 2010 елларның 2 елы. 2011 елдан бирле 15 ел үтте.
- ТЮРКСОЙ илләрендә һәм Татарстанда — Габдулла Тукай елы[1][2].
- TIME журналы 2011 елның «Ел кешесе» дип «протест белдерүчене» атады.
Вакыйгалар
- Шулай ук кара: Төркем:2011 ел
- Алгарыш төркеме оеша.
Файл:Wiki.png
Википедиягә 10 ел
- 1 гыйнвар — Эстония евро акча берәмлеген кабул итеп, "еврозона"ның 17-нче иле булды.
- 1 гыйнвар — Маҗарстан Европа Берлегендә рәислек итә башлый.
- 3 гыйнвар — Арнольд Шварцнеггер Калифорния штатының губернаторы мөддәтe тәмамлану сәбәпле вазифасыннан китә.
- 4 гыйнвар — Казакъстан президенты Нурсолтан Назарбаев үзен 2020 елга кадәр президентлык мөддәтен озайту максатында илдә референдум уздырудан рәсми рәвештә баш тартты.
- 8 гыйнвар — АКШ-ның Аризона штатында Тусон шәһәрендә сайлаучылар белән очрашуы вакытында АКШ Конгрессына Демократик партиядән сайланган Габриел Гиффордс һәм аның тарафдарларына һөҗүм ясала. Алты кеше вафат, Гиффордс белән 12 кеше яраланган.
- 13 гыйнвар — Татарстан мөселманнары Диния Нәзарәте пленумында Госман хәзрәт Исхакый мөфти вазифасыннан вакытыннан алда китүен хәбәр итте.
- 14 гыйнвар — Тунис президенты Зин әл-Абидин Бин Гали илдәге ризасызлык җыеннарыннан соң Согуд Гарәбстанына качты.
- 15 гыйнвар — Википедия проектына 10 ел тулды.
- 21 гыйнвар — Александр Лукашенко дүртенче тапкыр рәсми төстә Белорусия президенты вазифасына керешә>.
- 24 гыйнвар — Домодедово һава аланында шартлау нәтиҗәсендә 35 кеше вафат була, 180 кеше җәрәхәтләнә.
- 26—30 гыйнвар — 41-нче Бөтендөнья икътисади форумы (Давос, Швейцария).
- 28 гыйнвар — Россиянең Дәүләт Думасы Полиция турындагы канунны кабул итә[3].
- 28 гыйнвар — Төркиянең Эрзурум шәһәрендә XXV Кышкы Универсиада уеннары башланды[4].
- 29 гыйнвар — Мисырдагы тәртипсезлекләр нәтиҗәсендә 2 фиргавен мумиясе юкка чыгарыла, Милли музейдан берничә кыйммәтле экспонат урлана.
- 30 гыйнвар — Казанның «Лепрекон» барында чыккан янгында дүрт кеше һәлак була.
- 30 гыйнвар — Астанада (Казакъстан) 7-нче Кышкы Азия уеннары старт алган[5].
- 31 гыйнвар — Ирек Мортазин шартлы рәвештә иреккә чыгарылды.
- 6 февраль — Эрзурумда (Төркия) XXV Кышкы Универсиада тәмамланды[6].
- 8 февраль — Россия президенты Дмитрий Медведев «кышкы вакытка» күчүне гамәлдән чыгарды. 2011 елда Россия халкы соңгы тапкыр «җәйге вакытка» күчәf>.
- 11 февраль — Мисыр президенты Хөсни Мөбәрәк вазифасыннан китте.
- 22 февраль — Яңа Зеландиядә 6,3 дәрәҗәдәге көчле җир тетрәү нәтиҗәсендә 98 вафат булды, йөзләрчә кеше җәрәхәтләгән.
- 24 февраль — «Интерфакс»ка биргән әңгәмәдә Миңтимер Шәймиев Россиянең милли сәясәтен тәнкыйтьләп, милли республикаларын бетерү тәкъдименә каршы чыкты[7].
- 24 февраль — «Дискавери» шаттлы соңгы сәфәренә чыга[8].
- 28 февраль — Лос-Анджелеста (АКШ) 83-нче «Оскар» премиясен тапшыру тантанасы үтте[9].
- 1 март — Россиядә «Полиция» турындагы федераль канун үз көченә керде[10]>.
- 2 март — «Башкорт яшьләр иттифагы» әгъзалары ачлык чарасын башлады.
- 6 март — Эстониядә парламент сайлауларында Реформалар фиркасе җиңү яулады[11].
- 11 март — Япониядә көчле җир тетрәү 8 мең кеше вафат, 3 мең җәрәхәтләнгән, 10 меңнән артык кеше язмышы хәбәрсез[12].
- 12 март — Япониянең «Фукусима-1» атом электр станциясендәге җир тетрәү нәтиҗәсендә шартлау. Реактор тирәсендә нурланыш дәрәҗәсе арткан.
- 18 март — Миңтимер Шәймиев «Ватаным Татарстан» газетасына биргән әңгәмәдә федераль хөкүмәт сәясәтен тәнкыйтьләп, «Бердәм Россия» фиркасенең Югары шурасы президиумыннан чыгу ниятен әйтте[13].
- 19 март — Мисырда конституцияне үзгәртү буенча референдум узды. Тавыш бирүчеләрнең күпчелеге төзәтмәләрне хуплады.
- 19 март — Франция, Бөекбритания һәм АКШ хәрби көчләре Каддафиның гыйсъянчыларга һөҗүмнәрен туктату өчен Ливиянең кайбер районнарында бомбардировка башлады.
- 26 март — Казанның Ирек мәйданында якынча 4 мең кеше җыелып, балык тотуны түләүле итүгә каршылык белдерде.
- 27 март — Россия соңгы тапкыр җәйге вакытка күчте[14].
- 3 апрель — Казакъстанда узган президент сайлауларында 95,5 % тавыш белән Нурсолтан Назарбаев җиңү яулый.
- 11 апрель — Казан университетының татар филологиясе һәм тарихы факультеты студентлары вузның яңа җитәкчелегенең факультетны бетерүләренә каршы пикетка чыкты.[15]
- 11 апрель — Минск шәһәренең «Октябрьская» метро станциясендә шартлау нәтиҗәсендә 13 кеше вафат.
- 13 апрель — Татарстан Җөмһүрияте Мөселманнары Диния Нәзаратының Бишенче чираттан тыш корылтаенда мөфти вазифасына Илдус Фәиз сайланды.[16].
- 16 апрель — Россия белән Төркия арасында визалар бетерелде.
- 29 апрель — Бөекбританиядә шаһзадә Уильям һәм Кейт Миддлтон никахы үтте.
- 2 май — АКШ президенты Барак Обама террорист, Әл-Каидә җитәкчесе Усама бин Ладенның үтерелүе турында игълан итте.
- 10—14 май — «Евровидение 2011» җыр бәйгесендә җиңүне Азәрбайҗан вәкилләре — Ell һәм Nikki яулый.
- 15 май — хоккей буенча дөнья беренчелеге тәмамлана. Финляндия җиңә.
- 15 май — Нью-Йоркта Халыкара Валюта Фонды башлыгы Доминик Стросс-Кан кулга алынды>.
- 18 май — Сергей Миронов Петербург думасы тарафыннан Федерация Шурасыннан чакыртылды.
- 19 май — АКШ президенты Барак Обама Якын Көнчыгышта барган үзгәрешләр турында чыгыш ясады.
- 31 май — Вануату Абхазия бәйсезлеген таныды һәм аның белән дипломатик мөнәсәбәтләр урнаштырды[17].
- 2 июнь — Латвия президентын сайлауда Андрис Берзиньш җиңә.
- 3 июнь — Удмуртиянең Пугачево авылы янында урнашкан хәрби бүлектә янгын нәтиҗәсендә шартлаулар башланган.
- 3 июнь — Һаагта Ратко Младич эше башланды.
- 12 июнь — Төркиядә парламент сайлаулары үтә. Гаделлек һәм үсеш фиркасе җиңү яулады[18].
- 18 июнь — Болгарда чираттагы Изге Болгар җыены узды[19]. Җыенда Болгарга Ислам динен китергән сәхабәләргә истәлек билгесе ачылды[20].
- 19 июнь — Казанда «KAZANHALAL-2011 II Халыкара күргәзмә-ярминкәсе» ачылды[21].
- 19 июнь — Сомали премьер-министры Мөхәммәд Габдуллаһ Мөхәммәд вазифасыннан китте[22].
- 20 июнь — Зиннәтулла Билалетдинов хоккей буенча Россия җыелмасының яңа баш тренеры итеп билгеләнде[23]
- 20 июнь — Петрозаводск тирәсендә Ту-134 пассажир очкычы һәлакәткә очрады (44 кеше һәлак булды, 8-е исән).
- 23 июнь—2 июль — 33-нче Халыкара Мәскәү кинофестивале.
- 24 июнь — Казанга Россия президенты Дмитрий Медведев, Азәрбайҗан президенты Илһам Әлиев һәм Әрмәнстан президенты Серж Саргсян килделәр. Казанда Таулы Карабах сөйләшүләре үтте. Татар иҗтимагый үзәге үткәрергә теләгән пикет тыелды, активистлар тоткарланды.
- 25 июнь — Казанда Сабан туе һәм «Тынычлык яратылышы» фестивале узды. Чараларда Дмитрий Медведев та катнашты.
- 29 июнь — Казанның IT-паркында татарча Microsoft Windows 7 һәм Microsoft Office 2010 программалары тәкъдим ителде.
- 29 июнь — Татарстан Дәүләт шурасының мәдәният, фән, мәгариф һәм милли мәсьәләләр комитеты утырышында «Латин графикасына нигезләнгән татар әлифбасын кайтару турындагы канунга үзгәрешләр кертү хакында» канун өлгесе тикшерелде.
- 1 июль — Европа берлеге рәислеге Польшага күчә.
- 5 июль — Кристин Лагард Халыкара валюта фондын җитәкли башлады[24].
- 6 июль — 2018 елгы Кышкы Олимпия уеннары башкаласы булып Көньяк Кореяның Пхенчхан шәһәре игълан ителде[25].
- 8 июль — Татар Википедиясе 10 мең мәкалә чиген уза.
- 8 июль — Демократик Конго Җөмһүриятендә авиаһәлакәт нәтиҗәсендә 127 кеше вафат була[26].
- 9 июль — Көньяк Судан бәйсез дәүләт булып игълан ителә
- 10 июль — Казан янында «Булгария» теплоходы бата. 122 кеше вафат>.
- 10 июль — News of The World британ газеты ябылды.
- 14 июль — Көньяк Судан 193-нче әгъза буларак БМО оешмасына кабул ителә[27].
- 22 июль — Норвегия терактларында 92 кеше вафат>.
- 25—31 июль — Казанда XXI Татар яшьләре көннәре узды.
- 31 июль — кояш бату белән Рамазан ае башлады[28].
- 6 август — Бөекбританиядә чуалышлар башлана.
- 12—23 август — Шэньчжэньда (Кытай) XXVI җәйге универсиада узды.
- 13 август — Берлин дивары төзелә башлауга 50 ел тулды.
- 22 август — Ливиядә гыйсьянчылар Триполи шәһәренә бәреп керделәр[29].
- 22 август — Валентина Матвиенко Петербург губернаторы вазифасыннан китте.
- 26 август — чираттан тыш Абхазия президенты сайлауларында Александр Анкваб җиңде.
- 30 август — Йосихико Нода Япониянең премьер-министры булып сайланды.
- 31 август—10 сентябрь — 68-нче Венеция кинофестивалендә җиңүне «Фауст» фильмы яулады.
- 1 сентябрь — Россия тугыз вакыт бүлгесенә бүленде.
- 2 сентябрь — Чуашстанның дәүләт шурасы республика конституциясенә үзгәрешләргә күрә республика җитәкчесе президент түгел, ә «башлык» дип атала.
- 7 сентябрь — Россиянең «Локомотив» хоккей такымы уенчылары утырган Як-42 очкычы Ярыслаудан күтәрелеп киткәндә казага очрады. Очкычтагы 45 кешенең 43-е һәлак булды.
- 7 сентябрь — Казанның элекке мэры Камил Исхаков Ислам конференциясе оешмасында Россиянең даими вәкиле эшеннән алынды>.
- 16 сентябрь — Франциядә урамда намаз укуны тыю көчкә керде.
- 21 сентябрь — Валентина Матвиенко Россиянең Федерация шурасы башлыгы булып сайланды>.
- 23 сентябрь — Фәлестыйн башлыгы Мәхмүд Габбас БМО-да әгъзалык сорап рәсми гариза тапшырды.
- 23—24 сентябрь — Бердәм Россия фиркасенең XII корылтае. Россия президентына намзәт булып Владимир Путин билгеләнә.
- 25 сентябрь — Согуд Гарәбстанында хатын-кызлар тавыш бирүдә катнашу һәм җирле сайлауда үз намзәтләрен чыгару хокукына ия булды.
- 27 сентябрь — Татарстан президенты Рөстәм Миңнеханов Австралиядәге сәфәре вакытында татар җәмгыяте вәкилләре белән дә очрашты.
- 27 сентябрь — Төркиянең Тарсус шәһәрендә Габдулла Тукай бульвары ачылды>.
- 30 сентябрь—1 октябрь — Казанда II Бөтендөнья татар галимнәре форумы уза>.
- 3 октябрь — 2011 елның Нобель бүләге ияләрен игълан итү башланды.
- 6 октябрь — Татарстан мөфтие Илдус Фәиз наркоманиягә каршы фәтва чыгарды.
- 9 октябрь — Польшадагы парламент сайлауларында Дональд Туск җитәкләгән «Ватандашлар платформы» фиркасе җиңә.
- 11 октябрь — Киев мәхкәмәсе Украина экс-премьеры Юлия Тимошенконы 2009 елда Россия белән газ килешүләрен төзегәндә вакаләтләренең кысаларыннан чыгуда гаепле дип табып, аны 7 елга иректән мәхрүм итү җәзасын бирде.
- 14 октябрь — Казанда Бөтентатар иҗтимагый үзәгенең Х корылтае үтте.
- 15 октябрь — Казанда егерме икенче тапкыр Хәтер көне оештырылды.
- 21—24 октябрь — Казанда Халыкара тюркология конференциясе узды.
- 22 октябрь — Казанның «Милләт» басмаханәсе татар эшкуары Рәүф Хәсәновка сатылды.
- 23 октябрь — Төркия көнчыгышындагы җир тетрәү нәтиҗәсендә 500-дән артык кеше һәлак булды.
- 27 октябрь — Ирландия президенты сайлауларында җиңүне Майкл Хиггинс яулады[30].
- 28 октябрь — Төзекләндерүдән соң Мәскәүдә Большой театр ачылды.
- 31 октябрь — БМО мәгълүматлары буенча Җир шарында халык саны җиде миллиардка җитте.
- 31 октябрь — Парижда ЮНЕСКО-ның генераль конференциясендә Фәлестыйнны әлеге оешманың тулы хокуклы әгъзасы дип белдерде.
- 3 ноябрь — «Яблоко» фиркасе Казанда татар телендәге сайлау алды платформасы белән таныштырды.
- 3—4 ноябрь — Франциянең Канн шәһәрендә G20 cаммиты уза.
- 7 ноябрь — Греция премьер-министры Георгиос Папандреу вазифасыннан китте.
- 12 ноябрь — Италия премьер-министры Сильвио Берлускони вазифасыннан китте.
- 13 ноябрь — Көньяк Осетиядә президент сайлаулары уза.
- 17 ноябрь — Казанның Кол Шәриф мәчетендә дөньяның иң зур басма Коръән тәкъдим ителде.
- 17 ноябрь — Казанда Финляндиянең виза үзәге ачылды.
- 18 ноябрь — Казанда «Татар егете-2011» бәйгесе узды.
- 20 ноябрь — Чаллыда Габдулла Тукайга һәйкәл урнаштырылды.
- 27 ноябрь — Бердәм Россия Россия президенты вазифасына Владимир Путин намзәтен хуплады.
- 4 декабрь — VI чакырылыш Россия Федерациясе Дәүләт Думасын сайлау.
- 4 декабрь — Россиядә Дәүләт Думасына сайлаулар вакытындагы фальсификацияләргә каршылык чаралары башлана.
- 9—10 декабрь — Казанның Камал театрында Мөхлисә Бубый турында «Үлеп яратты» спектакле премьерасы узды.
- 10 декабрь — Россия буйлап Дәүләт Думасына сайлаулар вакытындагы фальсификацияләргә каршы протест чаралары узды.
- 10 декабрь — Швециянең Стокһольм һәм Норвегиянең Осло шәһәрләрендә 2011 елның Нобель премияләрен тапшырү тантанасы үтте.
- 15 декабрь — рәсми рәвештә АКШ Гыйрактагы хәрби көчләрен чыгаруны тәмамлады.
- 16 декабрь — Казакъстанның Яңаүзән шәһәрендә чуалышларда ун кеше һәлак булды.
- 17—18 декабрь — Татарстан президенты Рөстәм Миңнеханов Иранга барды, бер миллиард долларлык килешү төзеде.
Вафат булганнар
- Төп мәкалә: 2011 елда вафатлар исемлеге
- 1 гыйнвар — Георгий Балл, рус язучысы.
- 14 гыйнвар — Илдар Әхмәдиев — татар рәссамы, Татарстанның атказанган сәнгать эшлеклесе.
- 17 гыйнвар — Жан Дютур, француз язучысы, Француз академиясе әгъзасы.
- 21 гыйнвар — Роза Хәбибрахманова, татар артисткасы.
- 6 февраль — Шамил Исхаков, татар имамы.
- 17 февраль — Радик Фәизов, татар язучысы, хикәяче.
- 1 март — Флера Зыятдинова, җәмәгать эшлеклесе, сәясәтче.
- 11 март — Булат Мансуров, режиссер, артист, сценарист.
- 23 март — Элизабет Тэйлор, АКШ һәм Бөекбритания актрисасы.
- 30 март — Людмила Гурченко, ССРБ һәм Россия актрисасы.
- 14 апрель — Усман Әлмиев, татар җырчысы.
- 14 апрель — Рафаэль Мостафин, татар язучысы.
- 7 май — Шәүкәт Галиев, татар шагыйре.
- 29 май — Сергей Багапш, Абхазия президенты.
- 31 май — Мөнирә Булатова, татар җырчысы, артист.
- 10 июнь — Юрий Буданов, җинаятьчел Россия офицеры, полковник.
- 18 июнь — Елена Боннэр, диссидент, җәмәгать эшлеклесе.
- 17 июль — Гали Акыш, Бөтендөнья Татарлар лигасының башлыгы, җәмәгать эшлеклесе, Төркия татары.
- 30 август — Җәүдәт Гыйләҗетдинов, Уфада яшәүче татар галиме, социолог.
- 31 август — Равмер Хәбибуллин, КПССның Башкортстан өлкә комитетының беренче сәркатибе (1987-90).
- 11 сентябрь — Рәфис Измайлов, татар журналисты.
- 20 сентябрь — Вера Минкина, татар артисткасы, Татарстанның һәм Россиянең халык артисты.
- 26 сентябрь — Вангари Маатаи, җәмәгать эшлеклесе, тынычлык өчен Нобель бүләге иясе.
- 5 октябрь — Стив Джобс, АКШ програмисты, Apple ширкәтенә нигез салучы.
- 8 октябрь — Тәнзилә Эрдоган, Рәҗәп Таййип Эрдоганның әнисе.
- 27 октябрь — Сергей Говорухин, кино режиссеры, сценарий язучы, прозаик.
- 14 ноябрь — Гариф Солтан, күренекле татар журналисты, җәмәгать эшлеклесе, "Азатлык радиосы"ның татар-башкорт хезмәтен оештыручы.
- 22 ноябрь — Светлана Аллилуева, Сталин кызы, ССРБ-дан качкан мөһаҗир.
- 6 декабрь — Флера Сафиуллина, татар тел галимәсе, филология фәннәре докторы.
- 8 декабрь — Фәнис Яруллин, татар шагыйре, язучы, драматург.
- 17 декабрь — Эвора Сезария (70), африкан фольклор жырчысы.
- 17 декабрь — Ким Чен Ир, КХДҖ башлыгы.
- 18 декабрь — Вацлав Һавел, чех дәүләт эшлеклесе, язучы, драматург, диссидент, хокук яклаучы.
Г. Тукай исемендәге дәүләт премиясе лауреатлары
- Шагыйрә Лена Шагыйрьҗан.
- Шагыйрь Илфак Ибраһимов.
- Опера җырчысы Альбина Шаһиморатова.
- Рәссамнар гаиләсе — Рөстәм һәм Мария Килдебәковлар.
Нобель премиясе лауреатлары
- Медицина һәм физиология өлкәсендә Нобель премиясе — Брюс Бетлер, Жуль Һоффман, Ральф Стейнман (вафат булганнан соң).
- Физика өлкәсендә Нобель премиясе — Сол Перлмуттер, Адам Райсс һәм Брайан Шмидт.
- Химия өлкәсендә Нобель премиясе — Даниэл Шехтман.
- Әдәбият өлкәсендә Нобель премиясе — Томас Транстремер.
- Икътисад өлкәсендә Нобель премиясе — Томас Сэрджент, Кристофер Симска.
- Тынычлык өчен Нобель премиясе — Эллен Серлиф, Лейма Гбоуэ, Тәвәккүл Карман.
Искәрмәләр
- ↑ Әнкарада Тукай елына старт бирелде, archived from the original on 2012-12-17, retrieved 2011-01-29
- ↑ Татарстан Республикасында 2011 ел Габдулла Тукай елы дип игълан ителде, archived from the original on 2012-12-17, retrieved 2011-02-14
- ↑ Закон «О полиции» принят Думой в третьем чтении 2011 елның 31 гыйнвар көнендә архивланган. [рус.]
- ↑ Төркиядә XXV Универсиада кышкы уеннары старт алды, archived from the original on 2012-12-17, retrieved 2011-01-29
- ↑ Репортаж о ходе церемонии открытия Игр 2011 елның 4 февраль көнендә архивланган. [рус.]
- ↑ Эрзурум шәһәрендә XXV Универсиада кышкы уеннары тәмамланды, archived from the original on 2012-12-17, retrieved 2011-02-07
- ↑ Шәймиев:“Чыгышы белән татар булган россияле” дигән сүзтезмә була алмый”, archived from the original on 2012-12-17, retrieved 2011-02-24
- ↑ Шаттл «Дискавери» отправился в последний полет.(үле сылтама) [рус.]
- ↑ Стали известны лауреаты премии «Оскар» за 2010 год [рус.]
- ↑ Милиция Полицейскига әйләнде(үле сылтама)
- ↑ Партия реформ победила на выборах в парламент Эстонии [рус.]
- ↑ Япония Юстиция министрлыгы репорты 2011 елның 20 март көнендә архивланган. [ингл.]
- ↑ Минтимер Шәймиев: "Төп Закон нигезендә Татарстан – тулы вәкаләтле Президент республикасы", archived from the original on 2011-03-27, retrieved 2011-03-19
- ↑ Россиядә "кышкы вакыт"ка күчүне бетерәләр(үле сылтама)
- ↑ Декан факультета татарской филологии и истории кфу искандер гилязов освобожден от должности
- ↑ Избран муфтий Татарстана [рус.]
- ↑ Абхазия и Вануату установили дипломатические отношения [рус.]
- ↑ 2011 елгы сайлаулар Төркия тарихында иң күп хатын-кызның депутат булып Бөек Милләт Мәҗлесенә керүе белән истә калыр, archived from the original on 2012-12-17, retrieved 2011-07-10
- ↑ Болгар Җыеныннан ФОТОлар
- ↑ Болгарга сәхабәләр исеме кайтты(үле сылтама)
- ↑ Татарстанда хәләл бизнес белән шөгыльләнү өчен бөтен мөмкинлекләр дә бар(үле сылтама)
- ↑ Somalia: PM Mohamed Abdullahi Mohamed resigns, BBC (19.06.2011) [ингл.]
- ↑ Сборная России по хоккею получила нового тренера [рус.]
- ↑ Кристин Лагард вступила в должность главы МВФ [рус.]
- ↑ Южнокорейский Пхёнчхан получил право провести зимние ОИ 2018 года [рус.]
- ↑ Российский президент направил соболезнования президенту республики Конго [рус.]
- ↑ Получивший независимость Южный Судан принят в ООН [рус.]
- ↑ Татарстан мөфтияте Рамазан аенда сәхәр һәм ифтар, намаз вакытларын игълан итте, archived from the original on 2012-12-17, retrieved 2011-08-26
- ↑ Триполи взят. Что дальше? 2011 елның 11 сентябрь көнендә архивланган. [рус.]
- ↑ Поэт укротил «кельтского тигра» 2011 елның 12 ноябрь көнендә архивланган. [рус.]
Сылтамалар
- Евроньюс — 2011 елга күзәтү 2012 елның 6 гыйнвар көнендә архивланган. [ингл.]
- Татарстан яшьләре — 2011 елның истә калган вакыйгалары