Гөлнара Гатина
| Гөлнара Гатина | |
|---|---|
| Файл:Г.Гатина.jpg | |
| Тулы исеме | Гульнора Рустамжон кызы Гатина |
| Туган көне | 1987 |
| Туган | Акмәчет |
| Эшчәнлеге | җырчы |
| Бүләк һәм премияләр | |
Гөлнара Гатина (Гульнора Рустамжон кызы Гатина) — җырчы, Муса Җәлил исемендәге Татар дәүләт опера һәм балет театры солисты. «Тантана» (2016, 2019), Марсель Сәлимҗанов (2019), ТР Г. Тукай исемендәге Дәүләт (2020) премияләре лауреаты .
Тәрҗемәи хәле
1987 елда Акмәчеттә музыкантлар гаиләсендә туган. Акмәчет музыка укуханәсен (Л. Чалбашева сыйныфы) (2007), Нәҗип Җиһанов исемендәге Казан дәүләт консерваториясен (Зилә Сөнгатуллина сыйныфы) (2012) тәмамлаган, шул ук уку йортында аспирантурада укый.
Хезмәт юлы
- 2012 елның сентябреннән Муса Җәлил исемендәге Татар дәүләт опера һәм балет театры солисты.
- Казан дәүләт консерваториясенең Ринат Халитов җитәкчелегендәге «Татарика» халык уен кораллары оркестры солисты.
Иҗаты
Консерваториядә уку елларында ук консерваториянең опера студиясе куйган спектакльләрдә катнаша. «Татарика» оркестры белән Россия шәһәрләрендә, Казакъстан, Төркия, Кытайда гастрольләрдә була. ТҮРКСОЙ оештырган «Опера көннәре»ндә (Төркия, Кипр, 2011) Татарстан исеменнән чыгыш ясый.
2015 елда «Ел вакыйгасы» номинациясендә «Тантана» премиясенә лаек булган, Тинчурин театрында куелган «Кара пулат» операсында төп партияне (Наргизә) башкара.
Башкарган партияләре
М. Җәлил театрында
- Розина — «Севилья чәчтарашы» (Севильский цирюльник) Дж. Россини.
- Адина, Джанетта — «Мәхәббәт эчемлеге» (Любовный напиток) Г. Доницетти.
- Ксения — «Борис Годунов» М. Мусоргский.
- Бәдриҗиһан — «Шагыйрьнең мәхәббәте» Р. Ахиярова.
- Фраскита — «Кармен» Ж. Бизе.
- Аксылу — «Алтын Казан» мюзиклы.
- Сөембикә — «Сөембикә» операсы.
Бүләкләре, мактаулы исемнәре
- Халыкара Vissi D'Arte вокалчылар конкурсы (Прага, 2014) — II премия.
- Вокал конкурслар һәм фестивальләр лауреаты.
- Салих Сәйдәшев конкурсы (Татарстан) лауреаты.
- Бөтенукраина Оксана Петрусенко исемендәге вокалчылар конкурсы лауреаты.[1]
- «Тантана» премиясе лауреаты (2016, 2019).
- Марсель Сәлимҗанов премиясе (2019)[2].
- Тукай премиясе (2020) — «Резеда Ахиярованың «Сөембикә» операсында Сөембикә ханбикә образын сәхнәләштерү өчен»[3]
Сылтамалар
- М. Җәлил исемендәге опера-балет театры сайты 2016 елның 5 март көнендә архивланган.
Шулай ук карагыз
- Җырчы белән әңгәмә (рус.)
Искәрмәләр
- ↑ «Пражский телеграф» газетасы, №16/257
- ↑ Марсель Сәлимҗанов исемендәге премия ияләре билгеле булды. Шәһри Казан, 8.11.2019
- ↑ Медиа: Быелгы Тукай бүләкләре ияләренең исемнәре мәгълүм булды. Азатлык радиосы, 25.04.20202
| 2011 ел | |
|---|---|
| 2012 ел | Кол Шәриф мәчете архитекторлары: Зөфәр Галиуллин • Андрей Головин • Альбина Даишева • Рөстәм Зәбиров • Зөфәр Садыйков • Айвар Саттаров • Искәндәр Сәйфуллин • Сергей Шәкүров |
| 2013 ел | Ильяс Айдаров • Нәбирә Гыйматдинова • Алсу Гайнуллина • Софья Кузьминых • Шамил Тимербулатов |
| 2014 ел | |
| 2015 ел | |
| 2016 ел |
Рәшит Шиһабетдинов, Игорь Щетинин, Айрат Ситдыйков, Рамил Хәйретдинов, Дмитрий Бугров) |
| 2017 ел | |
| 2018 ел | |
| 2019 ел | |
| 2020 ел | Лирон Хәмидуллин • Денис Осокин • Идрис Газиев • Иҗади төркем (Гөлнара Гатина • Юрий Александров • Виктор Герасименко • Ренат Салаватов) |
