Казанның 1000 еллыгы истәлегенә (медаль)
«Казанның 1000 еллыгы истәлегенә» медале (рус. Меда́ль «В па́мять 1000-ле́тия Каза́ни») — Россия Федерациясенең дәүләт бүләге буларак, Казанның меңьеллыгы уңаеннан, 2005 елның 30 июнендәге 762 номерлы Указы белән гамәлгә куелган Россия Федерациясенең юбилей медале.
2010 елның 7 сентябреннән медаль Россия Федерациясенең дәүләт бүләге булып тормый[1].
Медаль турында
«Казанның 1000 еллыгы истәлегенә» медале белән түбәндәгеләр бүләкләнә:
- Казан шәһәрендә яшәгән 1941-1945 еллардагы Бөек Ватан сугышы ветераннары;
- 1941-1945 еллардагы Бөек Ватан сугышы чорында Казан шәһәрендә кимендә алты ай эшләгән яисә, 1941-1945 еллардагы Бөек Ватан сугышында фидакарь хезмәтләре өчен, СССР орденнары һәм медальләре белән бүләкләнгән хезмәт ветераннары;
- Казан шәһәре үсешенә зур өлеш керткән шәхесләр.
«Казанның 1000 еллыгы истәлегенә» медале күкрәкнең сул ягына тагыла һәм «Авыл хуҗалыгы хезмәтләре өчен» медаленнән соң беркетелә[2].
Медальне сурәтләү
«Казанның 1000 еллыгы истәлегенә» медале җиздән, ике яктан да калку кысалы 32 мм диаметрлы түгәрәк формасында.
Медальнең алгы ягында — «Казан Кремле» дәүләт тарихи-архитектура һәм сәнгать музей-тыюлыгы комплексы сурәте. Медаль әйләнәсе буенча «Казанның 1000 еллыгы истәлегенә» дип язылган.
Медальнең арткы ягында, үзәктә — Казан шәһәре гербы, аның астында, әйләнә буйлап, «1005» һәм «2005» дип язылган. Медаль әйләнәсе буенча Казан гербы рәсеме сул яктан лавр ботагы , уңнан имән ботагы сурәте белән каймалган.
Медальдәге барлык сурәтләр һәм цифрлар рельефлы.
Медаль элмәк һәм боҗра ярдәмендә ефәк муар тасма белән тарттырылган биш почмаклы калыпка тоташтырыла. Тасманың киңлеге — 24 мм. Тасма өч төстән тора: сулда — яшел төстәге буй юл, уңда — кызыл төстәге буй юл, аларның һәрберсе 10 мм киңлектә. Араларында 4 мм киңлектәге ак буй юл уза[2]
Медальне йөртү тәртибе үзгәргәндә
Россия Федерациясе Президентының 2010 елның 7 сентябрендәге 1099 номерлы «Россия Федерациясе дәүләт бүләкләү системасын камилләштерү чаралары турында»гы Указы нигезендә «Казанның 1000 еллыгы истәлегенә» медале, дәүләт бүләге булудан туктап, юбилей категориясенә күчә[3]. Шул ук вакытта аңа карата олырак бүләк булып «Санкт-Петербургның 300 еллыгы истәлегенә» медале тора.
Медаль белән бүләкләнүчеләр
Искәрмәләр
- ↑ Указ Президента Российской Федерации от 7 сентября 2010 г. N 1099 «О мерах по совершенствованию государственной наградной системы Российской Федерации» Архивная копия от 5 сентябрь 2015 на Wayback Machine, п.3
- ↑ 1 2 Указ Президента Российской Федерации от 30 июня 2005 года № 762 «О медали „В память 1000-летия Казани“». Мөрәҗәгать итү датасы: 13 гыйнвар 2008. Архивировано из оригинала 15 гыйнвар 2008 года.
- ↑ Указ Президента Российской Федерации от 7 сентября 2010 года № 1099 «О мерах по совершенствованию государственной наградной системы Российской Федерации» 2015 елның 12 май көнендә архивланган.
Әдәбият
- Изотова М. А., Царёва Т. Б. Ордена и медали России и СССР. — Ростов-на-Дону: ООО ИД «Валдис», 2010. — С. 651—653. — 736 с. — ISBN 978-5-9567-0960-3.