Рафис Борһанов

1961 елның 17 августында Татарстан АССР Мөслим районы Мөслим авылында район башкарма комитеты рәисе Тимерхан Борһанов (1925-2004) гаиләсендә туган. Әтисе чыгышы белән Мөслим районы Вәрәшбаш, әнисе Иске Вәрәш авылыннан. Әтисен 1961 елда Әтнәгә КПСС райкомының беренче сәркатибе итеп, 1962 елда Арчага район шурасы башкарма комитеты рәисе итеп күчерәләр. Рафис Арчада 1нче урта мәктәпне (1978, алтын медальгә), «инженер-механик» белгечлеге буенча Казан дәүләт авыл хуҗалыгы институтын (1983), «икътисадчы» белгечлеге буенча читтән торып Казан дәүләт финанс-икътисад институтын (1990, аерым билгеле дипломга) тәмамлаган. Югары уку йортын тәмамлагач (1983), хәрби хезмәткә алынганчы, ТАССР һөнәри белем бирү буенча дәүләт комитетының авыл укуханәләре бүлегендә инженер булып эшли.

1983–1985 — Совет Армиясендә хәрби хезмәттә.

1985 — «Казанкомпрессормаш» фәнни–җитештерү берләшмәсендә җыю участогы мастеры.

1985–1989 — «Казанкомпрессормаш»та ВЛКСМ комитеты сәркатибе, ВЛКСМның Казан шәһәр комитеты икенче сәркатибе.

1989–1996 — «Казанкомпрессормаш» ААҖ башлыгы урынбасары, цех башлыгы, икътисад бүлеге башлыгы, икътисад һәм финанслар буенча директор.

1996 –1998 — Казан шәһәре администрациясе башлыгының беренче урынбасары.

1998–1999 — Татарстан Республикасы икътисад һәм сәнәгать министрының беренче урынбасары.

1999–2005 — Казанның Вахитов районы администрациясе башлыгы^[5] .

2005–2010 — Казан шәһәре муниципаль берәмлеге башлыгының беренче урынбасары, башкарма комитет җитәкчесе.

2010–2014 — Татарстан Республикасы яшьләр эшләре буенча, спорт һәм туризм министры ^[6].

2014 –2017 — 5нче чакырылыш ТР Дәүләт шурасы депутаты, икътисад һәм эшмәкәрлек буенча комитет рәисе.

2017–2020 — Татарстан Республикасы премьер-министры урынбасары — фән һәм мәгариф министры.

2020 елның 17 сентябреннән – Идел буе дәүләт физик тәрбия, спорт һәм туризм академиясе (рус. ПГАФКСиТ) ректоры.

• «Дуслык» ордены, мәгариф системасын үстерүгә керткән зур өлеше, югары квалификацияле белгечләр әзерләве һәм күпьеллык нәтиҗәле хезмәте өчен (2024)^[7];
• Александр Невский ордены (2020);
• Почёт ордены (2014);
• Дуслык ордены (2007);
• Россия Федерациясе мәгариф өлкәсенең мактаулы хезмәткәре (2021)^[8];
• «Санкт-Петербургның 300 еллыгы истәлегенә» медале (2003);
• «Казанның 1000 еллыгы истәлегенә» медале (2005);
• «Бөтенроссия халык санын алуны үткәрүдәге казанышлары өчен " медале (2003);
• «Фидакарь хезмәт өчен» медале (Татарстан) (2011);
• Россия Федерациясе Федерация Советының Мактау грамотасы (2016);
• «Казан хакына хезмәт һәм фидакарьлек өчен» аерымлык билгесе (2009);
• «Татарстан Республикасы алдындагы казанышлар өчен» ордены медале (2020)^[9];
• Исеме «Казанның мактау китабына» кертелгән (2021)^[10].

Хатыны Светлана Игорь кызы (1965), балалары: кызы Алия (1989), улы Айрат (1990).