Марат Бариев

Марат Бариев 1961 елның 9 июлендә Казанда туа. Әтисе чыгышы белән Кукмара районыннан, әнисе Балтач районы Чутай авылыннан.

Казанның Северный бистәсендә урта мәктәпне, «инженер-механик» белгечлеге буенча Казан авиация институтын (1984)^[2], «юрист» белгечлеге буенча Казан дәүләт университетын (2000)^[3], Казан дәүләт финанс-икътисад институтын (2010) тәмамлый. Сәясәт фәннәре кандидатлыгына диссертация яклый.

• 1984—1986 елларда — С.П. Горбунов исемендәге Казан авиация җитештерү берләшмәсендә инженер-конструктор, 1986 елда ВЛКСМ комитеты сәркатибе урынбасары^[4].
• 1986—1991 елларда — ВЛКСМның Казанның Ленин районы комитетында: икенче (1986—1989), беренче (1989—1991) сәркатип. ВЛКСМның Казан шәһәр комитеты сәркатибе (1990—1991).
• 1991—1994 елларда — Казан шәһәре Ленин районы яшьләр фонды идарәсе рәисе.
• 1994—2005 елларда — ТР балалар һәм яшьләр эшләре буенча дәүләт комитеты рәисе^[5][6].
• 2005—2010 елларда — Татарстан яшьләр эшләре, спорт һәм туризм министры.
• 2010—2011 елларда — РФ Олимпия комитетының  [рус.] (тат. башкарма директоры^[7].
• 2010—2014 елларда — РФ Олимпия комитеты генераль сәркатибе.
• 2011—2016 елларда — VI чакырылыш РФ Дәүләт Думасы депутаты, 2012 елның 13 гыйнварыннан РФ ДД физик тәрбия, спорт һәм яшьләр эшләре буенча комитет рәисенең беренче урынбасары.
• 2016—2021 елларда — VII чакырылыш РФ Дәүләт Думасы депутаты.
• 2024 елның сентябрендә җиденче чакырылыш ТР Дәүләт Советы депутаты^[8].

«Алтын каләм», «Созвездие-Йолдызлык» фестивальләре, «Сәләт» хәрәкәтен оештыруда, «Яшь гаиләләрне торак белән тәэмин итүдә дәүләт ярдәме турында» ТР программасын кабул итүдә, Универсиада-2013не Казанда үткәрүдә керткән өлеше зур.

• 1990—1995 елларда — Казанның Ленин районы халык депутататлары район шурасы депутаты.
• Бөтенроссия җиңел атлетика федерациясе вице-президенты.
• Татарстан Республикасы Олимпия Советы рәисе
• «Спортлы Россия» ВДО Советы әгъзасы
• Россия студентлар спорты берлеге вице-президенты.

Хатыны — Резеда, Казан дәүләт финанс-иктисад институтын тәмамлаган.

• кызлары: Лилия, Казанның 2 нче татар гимназиясендә, Лобачевский исемендәге лицейда укыган, КДУның юридик факультетын тәмамлаган, FISU штаб-фатиры (Лозанна, Швейцария) хезмәткәре.

• 1997 — II дәрәҗә Ватан алдындагы хезмәтләр өчен орденының медале;
• 2006 — Татарстанның атказанган физик тәрбия хезмәткәре;
• 2009 — Дуслык ордены (РФ);
• 2014 — Хөрмәт ордены (РФ);
• 2025 — «Татарстан Автономияле Совет Социалистик Республикасы төзелүгә 100 ел»" медале^[9].