Әхмәтҗанов Илдус Тәлгать улы

1966 елның 20 июлендә Татарстан АССРының Чистай шәһәрендә туа. Чистай совхоз-техникумын (1988), «икътисадчы-менеджер» белгечлеге буенча ЛИНК халыкара менеджмент институтын (Бөекбритания Ачык университеты) (2002), «инженер-конструктор» белгечлеге буенча А. Н. Туполев исемендәге Казан дәүләт техник университетын (2004) тәмамлый.
1984-1986 елларда армиядә хезмәт итә.

• 1988—1989 елларда — Чистай-совхоз-техникумы ВЛКСМ комитеты сәркатибе.
• 1989—1992 елларда — Казан шәһәре Вахитов районы азык-төлек сәүдәсе идарәсенең «Темп» кооперативында: әгъза (1989-1990), рәис урынбасары (1990-1992).
• 1992—1996 елларда — Чистай шәһәре «Чистай ЛТД» ЧҖИ каршындагы «Торговый дом» кибете директоры.
• 1996—2010 елларда — Чистай шәһәре «Универсалторг» оешмасында: ваклап сату оешмасы җаваплылыгы чикләнгән җәмгыятенең коммерция директоры (1996-1999), генераль директор (1999-2005), холдинг ширкәте директорлар шурасы рәисе (2005-2010).
• 2010—2014 елларда — Чистай районы башлыгы.
• 2014 елда V чакырылыш ТР Дәүләт шурасы депутаты итеп сайлана.
• 2014 елның 1 октябреннән РФ Федераль Мәҗлесенең Федераль шурасы (РФ ФМ ФШ) әгъзасы, 2015 елның октябреннан РФ ФМ ФШ каршындагы агросәнәгать һәм табигатьне файдалану мәсьәләләре буенча шура әгъзасы.
• 2020—2022 елларда — Мәскәүнең «Центр-Сити» дәүләт унитар предприятиесен җитәкчесе^[1].
• 2023 елда инвестицион фондлар белән идарә итүгә юнәлдерелгән ширкәт ача.

• II дәрәҗә «Ватан алдындагы казанышлар өчен» ордены медале (2018 ел);
• Татарстан Республикасы Сәнәгать һәм сәүдә министрлыгының Мактау грамота (2002 ел);
• ТР халыкны социаль яклауны тәэмин итү буенча республика ведомствоара комиссиясенең Рәхмәт хаты (ТР «Алтын йөрәкле кеше» бәйгесе; 2002 ел);
• ТР Сәүдә, җәмәгать туклануы, кулланучылар кооперациясе һәм эшмәкәрлек хезмәткәрләре профсоюзының республика комитеты Мактау грамотасы (2002 ел);
• Россия Госкомстатының күкрәк билгесе (2002 елгы Бөтенроссия халык санын алуда актив катнашкан өчен, 2003 ел);
• РФ Сәүдә, җәмәгать туклануы, кулланучылар кооперациясе һәм эшмәкәрлек хезмәткәрләре профсоюзының Үзәк комитеты Мактау грамотасы (2003 ел);
• «Казанның 1000 еллыгы истәлегенә» медале (2005 ел);
• ТР Авыл хуҗалыгы һәм азык-төлек министрлыгының Мактау грамотасы (2007 ел);
• РФ Эчке эшләр министрлыгы системасында алдан тикшерү органнары оештырылуына 45 ел тулу уңаеннан юбилей медале (2010 ел);
• «Чик буе гаскәрләренә 90 ел» юбилей медале (2010 ел);
• РФ Оборона министрлыгының «Хәрби бердәмлекне ныгыткан өчен» медале (2011 ел);
• «За верность долгу и Отечеству» медале (2011 ел);
• «Фидакарь хезмәт өчен» медале (2011 ел).

Хатыны — Сәндия, эшмәкәр^[2]. Өч кызы бар.