Геннадий Емельянов

1957 елның 1 гыйнварында Татарстан АССРның Зәй районы Карамалка бистәсендә туа.

1987 елда «Инженер-механик» белгечлеге буенча Казан химия-технология институтын тәмамлый.

1979–1987 елларда Түбән Кама шәһәренең төрле автотранспорт предприятиеләрендә эшли. Унике ел дәвамында «Камэнергостройпром» автотранспорт колоннасының баш инженеры, директоры булып тора^[3].

1974–1979 — Түбән Кама пассажир автотранспорт берләшмәсендә автослесарь.

1979–1987 — Түбән Кама пассажир автотранспорт предприятиеләрендә эшли.

1987–1999 — «Камэнергостройпром» ҖБ автотранспорт колоннасы баш инженеры, директор.

1999–2004 — Яр Чаллы хакимияте башлыгының беренче урынбасары^[4].

2004–2009 — Яшел Үзән районы башлыгы, Яшел Үзән мэры.

2009–2010 — Татарстан транспорт һәм юл хуҗалыгы министры^[5].

2010–2019 — Алабуга районы башлыгы, Алабуга мэры^[6].

2019 елның 9 сентябреннән — Бердәм Россия фиркасеннән VI чакырылыш Татарстан Республикасы Дәүләт Советы депутаты.

VI чакырылыш ТР Дәүләт Советының беренче утырышында Геннадий Емельянов РФ Федераль Җыелышы Федерация Советы әгъзасе — ТР Дәүләт Советыннан вәкил булып сайлана. Яңа сайланган сенаторның вәкаләтләре 2019 елның 2 октябреннан гамәлгә керә. Әлеге постка Геннадий Емельянов кандидатурасын ТР Дәүләт Советы рәисе Фәрит Мөхәммәтшин тәкъдим итә ^[7][8][9]. 25 сентябрьдә Татарстан Дәүләт Советы Емельяновның депутат вәкаләтләрен вакытыннан алда туктата^[10].

2019 елның сентябреннән — РФ Федерация Советы сенаторы — Татарстан Республикасы Дәүләт Советыннан вәкил, 2024 елның 20 сентябрендә кабаттан вәкаләтләр бирелгән (вәкаләтләре тәмамлану вакыты — 2029 елның сентябре)^[11]. Федерация Советының Аграр-азык-төлек сәясәте һәм табигатьтән файдалану комитеты әгъзасы булып тора^[12].

Евросоюзның 27 иле, Бөекбритания, АКШ, Канада, Швейцария, Австралия, Украина, Яңа Зеландия санкцияләренә дучар ителгән^[13].

2023 елның 18 октябрендә Чистай — Түбән Кама трассасының 75 нче чакрымында, Кама Аланын узганнан соң, Емельянов үзенең Toyota Land Cruiser машинасында алда баручы машинаны узу өчен обгонга чыга һәм каршыга килүче Volkswagen Polo машинасы белән бәрелешә^[14]. Каза нәтиҗәсендә аңа операция ясыйлар, аның баш мие селкенгән һәм кабыргалары сынган^[15].

Чыганаклар:^[16][17].

• Түбән Кама шәһәренең мактаулы гражданины (2021);
• Татарстан Республикасы Яшьләр эшләре һәм спорт министрлыгының Мактау кәгазе (2017);
• «Җәмәгать танылуы " мактаулы көмеш ордены (2017);
• Россия Федерациясе Президентының Мактау кәгазе (2017);
• Татарстан Республикасы Министрлар Кабинеты Рәхмәте (2016);
• Татарстан Республикасы Президенты Рәхмәте (2016);
• «Фидакарь хезмәт өчен» медале (2006);
• «2006 елгы Бөтенроссия авыл хуҗалыгы исәбен алуны уздырудагы казанышлары өчен» медале (2006);
• «Казанның 1000 еллыгы истәлегенә» медале (2005 ел);
• Татарстан Республикасының атказанган транспорт хезмәткәре (2003).

Өйләнгән. Кызы һәм улы бар.