Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Ирек Зиннуров

Ирек Хәйдәр улы Зиннуров (рус. Зиннуров, Ирек Хайдарович; 11 гыйнвар 1969, Якутск) — Россия спортчысы, сәясәтче. Су полосы, ике тапкыр Олимпия уеннары призёры (2000 һәм 2004), дөнья һәм Европа чемпионаты призёры, Россиянең атказанган спорт мастеры. VII чакырылыш Дәүләт Думасы депутаты, Дәүләт Думасының БДБ эшләре, Евразия интеграциясе һәм ватандашлар белән элемтәләр комитеты әгъзасы, «Бердәм Россия» фракциясе әгъзасы[1][2]. Казакстан Республикасында Россия хезмәттәшлеге вәкиллеге җитәкчесе (2026 елдан).

Биографиясе

Ирек Зиннуров 1969 елның 11 гыйнварында Чернышевский бистәсендә Якут АССРда (хәзер Саха Җөмһүрияте (Якутия)) туа[3]. Казанның 8 нче балалар һәм яшүсмерләр спорт мәктәбендә тәрбияләнүче. Мәктәпне тәмамлаганнан соң ел ярым А. Н. Туполев исемендәге Казан авиация институтында укый, шуннан соң армиягә китә. 1992 елда «физик тәрбия» белгечлеге буенча Симферополь дәүләт университетын, ә 2012 елда Казан (Идел буе) федераль университетын «дәүләт һәм муниципаль идарә» белгечлеге буенча тәмамлый[3].

1994 елда Волгоградның «Лукойл-Спартак» клубы өчен уйный башлый, аның составында дүрт тапкыр Россия чемпионы (1997, 1999, 2003, 2004) һәм алты тапкыр Россия Кубогы иясе була (1998, 2000, 2001, 2002, 2003, 2004).

1995 елдан Россия җыелма командасы өчен чыгыш ясый[4]. Сиднейдагы Олимпия уеннары көмеш призёры (2000), Афинадагы Олимпиаданың бакыр призёры (2004), Ирекле ихтыяр уеннары җиңүчесе 1998 (Нью-Йорк), Дөнья Чемпионатының бакыр призёры (Фукуока), 2002 (Греция), Дөнья лигасы җиңүчесе (2002), Дөнья Кубогы иясе (Белград), 1997 (Севилья) Европа чемпионатының бакыр призёры.

2004 елда «Синтез» (Казан) командасы капитаны була, аның составында «Len Trophy» (2006—2007) кубогын, Россия чемпионатын (2007) һәм Россия кубогын (2005) ота.

2009 елда спорт карьерасын тәмамлау турында игълан итә.

2009 елдан 2010 елга кадәр «Оргсинтез» бассейны директоры, 2010 елдан «Синтез» клубы вице-президенты, 2011 елның гыйнварыннан «Синтез»ның баш тренеры.

2013 елдан — Татарстан Республикасы Иҗтимагый палатасы әгъзасы[3].

2016 елда «Бердәм Россия» партиясеннән VII чакырылыш Дәүләт Думасы депутаты итеп сайлана[5].

2020 елдан — Бакыда Россия мәгълүмати-мәдәни үзәгенең Азәрбайҗан Республикасында Россия хезмәттәшлеге вәкиллеге җитәкчесе[6]. Бу вазифага күчүе белән бәйле рәвештә, ул Дәүләт Думасы депутаты вәкаләтләреннән китте, һәм аның мандаты Евгений Гришинга күчерелде[7]. Ул илчелек киңәшчесе дипломатик дәрәҗәсенә ия. 2025 елның декабрендә ул вәкиллекнең (Бакыдагы "Рус йорты") бетерелүе белән бәйле үз вазифасын тәмамлый[2][8].

2026 елның 10 апреленнән Казакстан Республикасында Россия хезмәттәшлеге вәкиллеген җитәкли[9].

Закон чыгару эшчәнлеге

2016 елдан 2019 елга кадәр, VII чакырылыш Дәүләт Думасы депутаты вәкаләтләрен үтәү дәвамында 84 закон чыгару инициативасы һәм федераль закон проектларына төзәтмәләр авторы була[10].

Бүләкләр

  • Дуслык Ордены;
  • «II дәрәҗә «Ватан алдындагы казанышлары өчен» ордены медале[3];
  • «Казанның 1000 еллыгы истәлегенә» медале (2005);
  • «Фидакарь хезмәт өчен» медале;
  • Россия Федерациясе Мәдәният министрлыгының "Бөек рус язучысы Ф. М. Достоевский 1821-2021" истәлек медале (2022)[11].

Клублар

Гаилә хәле

Хатыны Эльмира [12], педагогика училищесын тәмамлаган башлангыч класслар укытучысы. Ирек белән Казанның 64нче мәктәбендә бер сыйныфта укыганнар[13]. Уллары Эмиль (26.03.1999), 2018 елдан «Синтез» су тубы командасы өчен чыгыш ясый (хәрәкәтчән һөҗүмче), су тубы буенча Россия чемпионы, спорт мастеры. Су спорты төрләрен үстерү үзәге «Синтез-Академия» генераль директоры [14] [15].

Искәрмәләр

  1. ↑ Зиннуров Ирек Хайдарович. Государственная Дума. Мөрәҗәгать итү датасы: 3 август 2019.
  2. ↑ 1 2 Министр: Процесс ликвидации «Русского дома» завершен. Baku.ws. Мөрәҗәгать итү датасы: 29 декабрь 2025.
  3. ↑ 1 2 3 4 Зиннуров, Ирек Хайдарович. ТАСС. Мөрәҗәгать итү датасы: 3 август 2019.
  4. ↑ Зиннуров Ирек Хайдарович
  5. ↑ Приложение к постановлению Центральной избирательной комиссии Российской Федерации от 23 сентября 2016 г. N 56/541-7 (рус.). Российская газета. Мөрәҗәгать итү датасы: 3 август 2019.
  6. ↑ Зиннуров Ирек Хайдарович (рус.).
  7. ↑ Дума досрочно прекратила полномочия депутата Ирека Зиннурова. ТАСС. Мөрәҗәгать итү датасы: 23 август 2021. Архивировано 23 август 2021 года.
  8. ↑ Джейхун Байрамов: Ликвидация «Русского дома» в Баку полностью завершена. 1news.az. Мөрәҗәгать итү датасы: 29 декабрь 2025.
  9. ↑ [Заголовок]. Россотрудничество ([Дата]). Мөрәҗәгать итү датасы: 16 апрель 2026.
  10. ↑ Объекты законотворчества :: Система обеспечения законодательной деятельности. sozd.duma.gov.ru. Мөрәҗәгать итү датасы: 3 август 2019. Архивировано 26 сентябрь 2019 года.
  11. ↑ Ирек Зиннуров награждён медалью Министерства культуры Российской Федерации. InCity.az (5 ноябрь 2022). Мөрәҗәгать итү датасы: 29 декабрь 2025.
  12. ↑ Эльмира Зиннурова ВКонтакте
  13. ↑ Гөлүсә Закирова. Эльмира һәм Ирек Зиннуровлар: «Без тормышны юктан башладык». Гаилә һәм мәктәп, 2015, март, 16-19нчы бит
  14. ↑ Зиннуров Эмиль
  15. ↑ Emil Zinnurov ВКонтакте

Сылтамалар

Төркемнәр