Юрий Камалтынов
Юрий Зимелевич Камалтынов (11 март 1957, Казан) — Татарстан Республикасы Дәүләт Советы Рәисе урынбасары, Татарстан Республикасы Дәүләт Советы Президиумы әгъзасы, Татарстан Республикасы Президенты Аппараты җитәкчесе, Татарстан Республикасы Президентының Татарстан Республикасы Дәүләт Советындагы тулы вәкаләтле вәкиле, Татарстан Республикасы Дәүләт Советының VI чакырылыш депутаты.
Тәрҗемәи хәле
1957 елның 11 мартында Казанда туа. 1980 елда Казан химия-технология институтын, 1994 елда Казан дәүләт медицина институтын тәмамлый. Белеме буенча — инженер-химик-технолог, социаль эшне оештыручы[1]. Социология фәннәре кандидаты[2]. Социология фәннәре кандидаты.
1980—1986 елларда «Органик синтез» җитештерү берләшмәсендә смена башлыгы, урынбасары, аннары комсомол комитеты секретаре, партком секретаре урынбасары булып эшли.
1986—1990 елларда-партия эшендә, 1990—1992 елларда Татарстан укытучыларны камилләштерү институтының социологик тикшеренүләр лабораториясен җитәкли.
1992—1996 елларда Казан шәһәре Мәскәү районы администрациясендә, социаль тәэминат министрлыгында, ТР Дәүләт Советы Аппаратында җаваплы вазыйфаларда эшли.
1996 елдан 2004 елга кадәр ТР социаль яклау министрының беренче урынбасары булып эшли.
2004 елның мартында "Бердәм Россия"сәяси партиясеннән республика округы буенча Дәүләт Советы депутаты итеп сайлана[3].
2004—2005 елларда — Татарстан Республикасы Дәүләт Советы Рәисе урынбасары.
2005 елның 27 апрелендә Татарстан Республикасы Президенты Указы белән Татарстан Республикасы Президенты Аппараты җитәкчесе итеп билгеләнә.
2010 елның июленнән — Татарстан Республикасы Президентының Татарстан Республикасы Дәүләт Советындагы тулы вәкаләтле вәкиле.
Мактаулы исемнәре һәм бүләкләре
- Татарстан Республикасының атказанган халыкны социаль яклау хезмәткәре (2001);
- «Казанның 1000 еллыгы истәлегенә» медале (2005);
- Татарстан Республикасы Президентының Рәхмәт хаты (2007);
- Дуслык ордены (2007);
- Россия Федерациясе Президентының Идел буе федераль округындагы тулы вәкаләтле вәкиленең Рәхмәт хаты (2008);
- Татарстан Республикасының «Фидакарь хезмәт өчен» медале (2012);
- «Дуслык» ордены (2022)[4];
- Почёт ордены (2023)[2];
- Татарстан Республикасы Дәүләт Советының «Парламентаризм үсешенә өлеш керткән өчен» мактау билгесе (2024)[5].
Искәрмәләр
- ↑ О назначении Камалтынова Ю. З. Руководителем Аппарата Президента Республики Татарстан (рус.). Республика Татарстан (28 апрель 2005). Мөрәҗәгать итү датасы: 21 сентябрь 2026.
- ↑ 1 2 Камалтынов Юрий Зимелевич (рус.). Республика Татарстан. АО «ТАТМЕДИА». Мөрәҗәгать итү датасы: 21 сентябрь 2026.
- ↑ Юрий Камалтынов: «Самое ценное — у людей есть возможность прийти и отдать свой голос» (рус.). Единая Россия (20 сентябрь 2026). Мөрәҗәгать итү датасы: 21 сентябрь 2026.
- ↑ Гарифуллина, Гөлнар. Рөстәм Миңнеханов хезмәт алдынгыларына дәүләт бүләкләрен тапшырды. Татар-информ (10 июнь 2022). Мөрәҗәгать итү датасы: 21 сентябрь 2026.
- ↑ О награждении Ю. З. Камалтынова почётным знаком Государственного Совета Республики Татарстан «За вклад в развитие парламентаризма» (рус.) (PDF). Официальный сайт Государственного Совета Республики Татарстан (4 июль 2024). Мөрәҗәгать итү датасы: 21 сентябрь 2026.
Сылтамалар
Тема буенча өстәмә
VI чакырылыш Татарстан Республикасы Дәүләт Советы депутатлары (2019-2024) | ||
|---|---|---|
| Җитәкчелек: |
|  |
| Президиум: | ||
| Комитет 1: Дәүләт корылышы һәм җирле үзидарә | ||
| Комитет 2: Бюджет, салымнар һәм финанс | ||
| Комитет 3: Икътисад, инвестицияләр һәм эшкуарлык | ||
| Комитет 4: Торак сәясәте һәм инфраструктура үсеше | ||
| Комитет 5: Экология, табигатьтән файдалану, агросәнәгать һәм азык-төлек сәясәте | ||
| Комитет 6: Законлылык һәм хокук тәртибе | ||
| Комитет 7: Социаль сәясәт | ||
| Комитет 8: Мәгариф, мәдәният, фән һәм милли мәсьәләләр | ||
| Комиссия 1: Керемнәре, мөлкәте һәм мөлкәти характердагы йөкләмәләре турында Татарстан Республикасы Дәүләт Советы депутатлары тарафыннан тапшырыла торган белешмәләрнең дөреслеген тикшереп тору | ||
| Комиссия 2: Дәүләт Советы депутаты этикасы кагыйдәләрен үтәү буенча комиссиясе | ||
| Комиссия 3: Татарстан Республикасы законнарының татар һәм рус телләрендәге текстлары тәңгәллеген билгеләү | ||
