Марат Галиев
Марат Һадый улы Галиев (1 гыйнвар 1946, Мөслим районы, Татарстан АССР) — Россия дәүләт эшлеклесе, икътисадчы, I—VI чакырылыш Татарстан Дәүләт шурасының (даими эшләүче) депутаты[1], Татарстанның атказанган икътисадчысы. Икътисад фәннәре кандидаты (1978).
Тәрҗемәи хәле
1946 елның 1 гыйнварында ТАССР Мөслим районы Мөслим авылында район башкарма комитеты рәисе Һ. Г. Галиев гаиләсендә туган. Әтисен Баулыга күчерү сәбәпле, Мөслимнән китә, аннан соң Зәйгә, Казанга күчәләр. «Икътисадчы» белгечлеге буенча Казан дәүләт финанс-икътисад институтын (1968), Мәскәүдә аспирантура тәмамлаган. Икътисад фәннәре кандидатлыгына диссертация яклаган.
Хезмәт юлы
1963—1968 елларда — Казан мотор төзү заводы эшчесе.
1968—1970 елларда — Татарстан АССР финанс министрлыгында икътисадчы.
1970—1979 елларда — Казан дәүләт педагогия институтында укытучы.
1990—1991 елларда — КПССның Татарстан республика комитетының идеология буенча сәркатибе.
1991—1995 елларда — ТР икътисад һәм прогнозлау буенча Дәүләт комитеты рәисенең урынбасары.
1995—2000 елларда — Татарстан Дәүләт Шурасы депутаты, ТР Дәүләт шурасының икътисади үсеш һәм реформалар буенча даими комиссиясе рәисе.
2000—2004 елларда — икенче чакырылыш ТР Дәүләт шурасы депутаты.
2004—2009 еларда — өченче чакырылыш ТР Дәүләт шурасы депутаты, «Татарстан-Яңа гасыр» депутат төркеме җитәкчесе.
2009—2014 еларда — дүртенче чакырылыш ТР Дәүләт шурасы депутаты, ТР Дәүләт шурасының икътисад, инвестицияләр һәм эшмәкәрлек буенча комитеты рәисе.
2010 елның октябреннән — ТР Президенты каршындагы халыкара финанс оешмалары белән элемтәләр буенча шура әгъзасы. ТР Дәүләт шурасының «РФ ватандашларына — комфортлы торак» милли проектын тормышка ашыру өстеннән күзәтчелек итүче комиссия рәисе.
2014—2019 еларда — бишенче чакырылыш ТР Дәүләт шурасы депутаты. Бердәм Россия фракциясе әгъзасы[2].
2019 елның 9 сентябреннән — алтынчы чакырылыш ТР Дәүләт шурасы депутаты[3].
Бүләкләре, мактаулы исемнәре
- Татарстанның атказанган икътисадчысы;
- 2005 — «Казанның 1000 еллыгы истәлегенә» медале;
- 2011 — «Дуслык» ордены (РФ);
- 2025 — «Татарстан Республикасы алдындагы казанышлар өчен» ордены — Татарстан Республикасының социаль-икътисадый үсешенә зур өлеш кертүе һәм күпьеллык нәтиҗәле хезмәте өчен[4].
Чыганаклар
- Татарский энциклопедический словарь. Казань: Институт татарской энциклопедии АН РТ, 1999. ISBN 0-9530650-3-0
Әдәбият
- Ә. Ә. Әхмәтгалиев. Мөслим төбәге. Тарихи сәхифәләр. Чаллы: «Яр Чаллы типографиясе» ДУП , 2003.
- Ф. Н. Баһаутдинов. Без Мөслим балалары. К.: «Идел-пресс», 2006. ISBN 5-85247-005-4
Сылтамалар
- Марат Һадый улы Галиев. «Чикләрсез татарлар» сайты
- Марат Һадый улы Галиев. 2017 елның 28 май көнендә архивланган. ТР эшлекле үзәге сайты
Шулай ук карагыз
Искәрмәләр
- ↑ ТР Дәүләт шурасының рәсми сайтында
- ↑ Бердәм Россия фиркасенең рәсми сайты(үле сылтама)
- ↑ Марат Һадый улы Галиев. 2019 елның 1 октябрь көнендә архивланган. Татарстан Дәүләт Шурасы рәсми сайты
- ↑ О награждении орденом «За заслуги перед Республикой Татарстан» (рус.). rais.tatarstan.ru (30 декабрь 2025). Мөрәҗәгать итү датасы: 4 август 2026.
Тема буенча өстәмә
VI чакырылыш Татарстан Республикасы Дәүләт Советы депутатлары (2019-2024) | ||
|---|---|---|
| Җитәкчелек: |
|  |
| Президиум: | ||
| Комитет 1: Дәүләт корылышы һәм җирле үзидарә | ||
| Комитет 2: Бюджет, салымнар һәм финанс | ||
| Комитет 3: Икътисад, инвестицияләр һәм эшкуарлык | ||
| Комитет 4: Торак сәясәте һәм инфраструктура үсеше | ||
| Комитет 5: Экология, табигатьтән файдалану, агросәнәгать һәм азык-төлек сәясәте | ||
| Комитет 6: Законлылык һәм хокук тәртибе | ||
| Комитет 7: Социаль сәясәт | ||
| Комитет 8: Мәгариф, мәдәният, фән һәм милли мәсьәләләр | ||
| Комиссия 1: Керемнәре, мөлкәте һәм мөлкәти характердагы йөкләмәләре турында Татарстан Республикасы Дәүләт Советы депутатлары тарафыннан тапшырыла торган белешмәләрнең дөреслеген тикшереп тору | ||
| Комиссия 2: Дәүләт Советы депутаты этикасы кагыйдәләрен үтәү буенча комиссиясе | ||
| Комиссия 3: Татарстан Республикасы законнарының татар һәм рус телләрендәге текстлары тәңгәллеген билгеләү | ||
