Сәлигаскәрова Мәгәфүрә Галиулла кызы

1921 елның 20 ноябрендә Уфа губернасының Бәләбәй өязе, Иксан авылында туа^[2][3].

1938 елдан — хор артисты.

1938—1972 елларда Башкорт дәүләт опера һәм балет театрында эшли.

1942 елның көзеннән алып Көньяк-Көнбатыш фронтта фронт концерт бригадалары составында чыгыш ясый^[4].

1941—1942 елларда Мәскәү консерваториясе каршындагы Башкорт опера студиясендә шөгыльләнә, театрда эшләү белән бер үк вакытта укый да. 1942 елның көзеннән Уфада Башкорт дәүләт опера һәм балет театры каршындагы Мәскәү консерваториясенең вокал студиясендә белем ала (педагогы — М. В. Владимирова)^[4]. Уфа музыка училищесы укытучысы Римма Лазаревна Фишердан вокал дәресләре ала^[5].

1947 елда Бөтенроссия театр яшьләре смотрында катнаша һәм «Кармен» операсыннан Хабанераны башкарган өчен беренче премиягә лаек була. Аннары Прагада узган Бөтендөнья демократик яшьләр һәм студентлар фестивале лауреаты була.

1953 елдан — КПСС әгъзасы. 1951 елда Стәрлетамактан РСФСР Югары Советының 3 нче чакырылыш депутаты итеп сайлана^[6][2][4][7].

1972 елдан лаеклы ялда булса да, театр белән бәйләнешен өзми^[8].

2015 елның 7 октябрендә вафат була^[9].

Театрда дебюты 1941/1942 еллар сезонында П. И. Чайковскийның «Евгений Онегин» операсында Ольга партиясе була. Иң яхшы партияләренең берсе — Жорж Бизеның «Кармен» операсындагы Кармен. Җырчының концерт репертуарында чит ил, рус һәм башкорт композиторларының арияләре, романслары, шулай ук халык җырлары урын ала.

СССР буйлап гастрольләрдә йөри, 1955 елда Мәскәүдә Башкорт әдәбияты һәм сәнгате декадасында катнаша^[2][4].

20 дән артык партия башкара:

• Ольга — «Евгений Онегин», П. И. Чайковский;
• Няня — «Евгений Онегин», П. И. Чайковский;
• Любовь — «Мазепа», П. И. Чайковский;
• Полина — «Пиковая дама», П. И. Чайковский;
• Нәркәс — «Акбүзат», Х. Ш. Заимов, А. Э. Спадавеккиа;
• Любаша — «Царская невеста», Н. А. Римский-Корсаков;
• Яубикә — «Шәүрә», З. Г. Исмәгыйлев;
• Көнбикә — «Салават Юлаев», З. Г. Исмәгыйлев;
• Кончаковна — «Князь Игорь», А. П. Бородин;
• Амнерис — «Аида», Дж. Верди;
• Азучена — «Трубадур», Дж. Верди;
• Түгзәк — «Алтынчәч», Н. Г. Җиһанов;
• Аксинья — «Тихий Дон», И. И. Дзержинский;
• Ульяна — «Молодая гвардия», Ю. С. Мейтус;
• Айсылу — «Хакмар», М. М. Вәлиев;
• Яланбикә — «Давыл», Р. Ә. Мортазин;
• Зибель — «Фауст», Ш. Гуно^[10];
• Татьяна — «Евгений Онегин», П. И. Чайковский^[10];
• Синьора Капулетти — «Ромео и Джульетта», Ш. Гуно^[10].

• Ире — Мөхәммәт Арысланов, рәссам, беренче профессиональ театр сценографы, башкорт театр-декорация сәнгатенә нигез салучыларның берсе.
• Улы Рифкать — рәссам, күп еллар Башкорт дәүләт опера һәм балет театрының баш рәссамы булып эшли.
• Оныгы Диана — рәссам һәм дизайнер^[11][12].

• «Түгелмәсен әниләрнең күз яше» (Р. Мортазин музыкасы, Г. Әмири сүзләре) һәм «Комсомол җыры» (Х. Әхмәтов музыкасы, Г. Әмири сүзләре) — Башкорт опера һәм балет театры оркестры озатуында, дирижеры Г. Моталов (1958)^[13].
• 1958 елгы язмалар: «Мин озаттым сине еракларга» (М. Вәлиев музыкасы, К. Даян сүзләре) һәм «Туган ил» (Р. Мортазин музыкасы, Р. Мөдәрисов сүзләре) — С. Хөснияров белән бергә чыгарылган пластинкада (1958)^[14].
• «Ана сагышы» (К. Әгълиуллин музыкасы, Ә. Игебаев сүзләре) — Б. Гайсин аккомпанементы (аккордеон) һәм «Соңлама кил инде» (Б. Гайсин музыкасы, Р. Янбулатова сүзләре) — инструменталь квартет башкаруында (1964)^[15].

• 2023 елның 27 мартында Уфада (Ленин урамы, 21) Мәгафүрә Сәлигаскәрова яшәгән йортта мемориаль такта ачыла^[16].
• 2023 елның 11 маенда Башкорт опера һәм балет театрында җырчының тууына 100 ел тулуга багышланган концерт уза^[17].