Рус телендәге версияПартнёрлык проектларыМахсус проектлар
Күренешне көйләүТелне алыштыруМәгълүмат
РУВИКИ ТУРЫНДА

Роза Җиһаншина

Бу терминның башка аңлатмалары да бар, аларны карау өчен Җиһаншина битенә күчегез.

Роза Мөхәммәтулла кызы Җиһаншина (27 октябрь 1930, Уразметьево[d], Пермь крае — 16 сентябрь 2014) — СССР татар театр актрисасы[1]. Татарстан АССРның атказанган артисты[2].

Тәрҗемәи хәле

Роза Мөхәммәтулла кызы Җиһаншина 1930 елның 27 октябрендә Пермь өлкәсенең Октябрьский районы Уразмәт авылында укытучы гаиләсендә туа[1].

1947 елда Казан театр училищесына укырга керә һәм аны 1951 елда тәмамлый[1]. Уку йортын тәмамлаганнан соң, Минзәлә татар дәүләт драма театры труппасына кабул ителә[1][3].

1978 елда театрның партия комитеты секретаре вазифасын били. Шул ук елның мартында Юныс Әминовның «Алыштыргысыз хатын» дигән яңа комедиясе буенча фикер алышуда катнаша[4].

2014 елның 16 сентябрендә вафат була[1].

Театр эшчәнлеге

Роза Җиһаншина татар, рус һәм чит ил драматурглары әсәрләре буенча куелган спектакльләрдә рольләр башкара. Аның башкарган рольләре арасында[1]:

  • Аннушка — Александр Островскийның «Гаепсездән гаеплеләр»;
  • Малай — Кәрим Тинчуринның «Зәңгәр шәл»;
  • Аннуш — Николай Арбанның «Кара бүре»;
  • Зорька — Бранислав Нушичның «Гади кеше» («Обыкновенный человек»);
  • Сара — Әхәт Гаффарның «Язлар моңы»;
  • Хәерниса — Риза Ишморатның «Хикмәтле Сәйфи».

Бүләкләре, мактаулы исемнәре

  • Татарстан АССРның атказанган артисты[1][2].

Исемен мәңгеләштерү

А. А. Бахрушин исемендәге Дәүләт үзәк театр музее проекты каталогына Роза Җиһаншинаның ак калфагы кертелгән. Баш киеме 1972 елда Минзәлә шәһәрендә бәрхеттән тегелгән һәм мәрҗән чигү белән бизәлгән[5].

Искәрмәләр

  1. ↑ 1 2 3 4 5 6 7 Актриса Роза Җиһаншинаның тууына 90 ел. Журнал «Безнең мирас». АО «Татмедиа» (27 октябрь 2020). Мөрәҗәгать итү датасы: 16 сентябрь 2026.
  2. ↑ 1 2 Аскарова Лилия Раисовна. История становления Мензелинского театра. — Научный Татарстан. — 2020. — С. 38—41.
  3. ↑ История Мензелинского государственного татарского драматического театра имени Сабира Амутбаева (рус.). Мензелинский государственный татарский драматический театр имени Сабира Амутбаева. Мөрәҗәгать итү датасы: 16 сентябрь 2026.
  4. ↑ Әдәбият һәм сәнгать яңалыклары. Журнал «Казан утлары» (1978). Мөрәҗәгать итү датасы: 16 сентябрь 2026.
  5. ↑ Калфак белый (женский головной убор). Принадлежал Розе Зиганшиной, заслуженной артистке ТАССР (рус.). Театральные архивы России и русского зарубежья. Государственный центральный театральный музей имени А. А. Бахрушина. Мөрәҗәгать итү датасы: 16 сентябрь 2026.

Әдәбият

Ссылки

Төркемнәр