Татарстан Республикасының дәүләт премияләре

Фән һәм техника өлкәсендә Татарстан Республикасының ел саен бирелә торган биш Дәүләт премиясе бар. Алар Татарстан Республикасында фән һәм техника өлкәсен алга таба үстерү, фәнни-техник алгарышны стимуллаштыру һәм бу өлкәләрдә күренекле казанышларны бүләкләү максатларында гамәлгә куела.

Премияләр түбәндәге казанышлар өчен тапшырыла:

• Илебезнең һәм дөнья күләмендә алдынгы казанышлар белән бер дәрәҗәдә булган һәм Татарстан Республикасының социаль-икътисади үсешенә һәм рухи алгарышына булышлык итүче гуманитар, табигать фәннәрен һәм техник фәннәрне үстерүгә зур өлеш керткән өчен;
• Үзләренең күрсәткечләре буенча дөньяның иң яхшы аналоглары дәрәҗәсендә булган ресурсларны саклау һәм экологик яктан чиста принципиаль яңа технологияләр һәм техника, прогрессив материаллар, машиналар һәм механизмнар эшләүләре һәм файдалануга зур өлеш керткән өчен;
• Җитештерүдә фән һәм техника казанышларын киң куллану нигезендә ирешелгән һәм югары хезмәт җитештерүчәнлеген, продукциянең яхшы сыйфатлы яңа төрләрен булдыруны тәэмин итүче аеруча зур күрсәткечләре өчен^[1].

• Татарстан Республикасының Габдулла Тукай исемендәге Дәүләт премиясе;
• Фосфорорганик химия өлкәсендә халыкара Арбузов премиясе;
• Инженерлык фәннәре өлкәсендә күренекле өлеш керткән өчен А. Н. Туполев исемендәге халыкара премия;
• Татарстан Республикасының В.Е. Алемасов исемендәге дәүләт премиясе;
• Театр сәнгате өлкәсендә Марсель Сәлимҗанов исемендәге республика премиясе;
• Татарстан Республикасы студентлары һәм мәктәп укучылары арасында программалау буенча ел саен үткәрелә торган ачык команда турнирында җиңгән өчен Татарстан Республикасы Президенты премиясе;
• Татарстан Республикасында граждан җәмгыяте институтларын үстерүгә өлеш керткән өчен Татарстан Республикасы Президенты премиясе.