Фәйзә Бекмуратова
Фәимә Ибраһим кызы Бикморатова (шулай ук Фәймә Бикморатова; 20 гыйнвар 1964, Иске Иябаш, Татарстан АССР) — театр актрисасы, Әлмәт татар дәүләт драма театры артисты. Татарстанның атказанган артисты (2014), «Тантана» республика театр премиясе лауреаты (2015)[1][2].
Тәрҗемәи хәле
1964 елның 20 гыйнварында Арча районы Иске Иябаш авылында туган[1]. Туган авылында башлангыч мәктәптә, аннары Яңа Кырлай урта мәктәбендә укыган. 1985 елда Казан театр училищесын тәмамлаган. Училищеда Фирдәвес Әхтәмова һәм Рабит Батулладан белем алган[2].
1985—1988 елларда Әлмәт татар дәүләт драма театрында эшләгән. 2002 елда шул театрга яңадан эшкә кайткан[1].
Иҗаты
Беренче сәхнә роле — Борис Васильевның «Ә таңнар гүзәл тынлыкта иде» әсәре буенча куелган спектакльдә Лиза Бричкина[2].
2026 елның августында Әлмәттә Әдип Маликовның тууына 105 ел тулуга багышланган «Гомер мизгелләре» әдәби кичәсендә катнашкан; театр артистлары белән бергә шагыйрьнең әсәрләреннән өзекләр укыган[3].
Театрдагы рольләре
Әлмәт театры сәхнәсендә түбәндәге рольләрне башкарган[1][4]:
| Роль | Спектакль | Автор |
|---|---|---|
| Лиза Бричкина | «Ә таңнар гүзәл тынлыкта иде» | Б. Васильев |
| Бану | «Кунак кызы гел килмәс» | Р. Мингалим |
| Әни Шүрәле | «Шүрәлеләр үч алмый» | Р. Мингалим |
| Равилә, Рамилә, Ралимә | «Тал бөресе имәндә» | Т. Миңнуллин |
| Римма | «Яшьли сөйгән ярлар» | Ф. Садриев |
| Антонина | «Исәнмесез» | Т. Миңнуллин |
| Хәния | «Мәхәббәт кошлары» | И. Йомаголов |
| Мария Павловна | «Узып барышлый» | Д. Салихов |
| Шәмсия | «Кодача» | З. Исмәгыйлов |
| Уңганбикә | «Кыз урлау» | М. Кәрим |
| Ана | «Булмас димә — дөнья бу!» | С. Белов |
| Кандел | «Капчык» | Д. Салихов |
| Мәхрүзә | «Туган-тумача» | И. Зәйниев |
| Җиһан | «Назлы кияү» | К. Тинчурин |
| Сара | «Сагынуларга ни чара?» | И. Зәйниев |
| Хәтирә | «Язылмаган язмышлар» | Вербатим |
| Изабелла | «Син кайда идең?» | Я. Пулинович |
| Мөнҗия | «Йөрәк сере» | Л. Әминова |
| Кияүнең әнисе, горком бюросы әгъзасы | «Йорт» | Р. Сабыр |
«Язылмаган язмышлар» спектакле 2014 елның 11 октябрендә тәкъдим ителгән. Нәфисә Исмәгыйлева куйган әлеге вербатимда актриса Хәтирә ролен башкара[5].
Бүләкләре, мактаулы исемнәре
- 2014 — Татарстанның атказанган артисты[1].
- 2015 — «Иң яхшы актерлар ансамбле» номинациясендә «Тантана» республика театр премиясе[1].
Искәрмәләр
- ↑ 1 2 3 4 5 6 7 8 Бикморатова Фәимә Ибраһим кызы. Әлмәт татар дәүләт драма театры. Мөрәҗәгать итү датасы: 1 октябрь 2026.
- ↑ 1 2 3 Шәфигулла Гарипов. Ул сәхнәгә гашыйк. (2019 – Театр елы). «Казан арты» тарих-этнография музее (17 гыйнвар 2019). Мөрәҗәгать итү датасы: 1 октябрь 2026.
- ↑ Резедә Шәмсуллина. Әдип Маликовка 105 ел: «Әлмәтне милли шәһәр итеп саклап калуы — гаять зур казаныш». Интертат (16 август 2026). Мөрәҗәгать итү датасы: 1 октябрь 2026.
- ↑ Бикмуратова Файма Ибрагимовна (рус.). Альметьевский татарский государственный драматический театр. Мөрәҗәгать итү датасы: 1 октябрь 2026.
- ↑ Бер спектакль тарихы / Язылмаган язмышлар. Сәхнә (7 октябрь 2024). Мөрәҗәгать итү датасы: 1 октябрь 2026.
Әдәбият
- Хәйбриева А. Хатын-кызның төп роле — хатын һәм әни булу // Хезмәт байрагы. — 2014. — 7 февраль.
- Бикморатова Фәймә Ибраһим кызы // Әлмәт татар драма театры / төзүчеләр: Д. Гыймранова, Ә. Таһирова, Ф. Исмәгыйлева, Р. Мөхәммәтҗанова. — 2014.
- Ганиева Н. Н. Актриса исемле булды // Әлмәт таңнары. — 2014. — 11 апрель.
- Хәсәнова Ф. Язмыш өлешенә тигән бәхетеннән бик канәгать // Әлмәт хәбәрләре. — 2014. — 3 апрель.
- Хәбибуллина Л. Язмыш артисты гел шатлыктан тормый // Шәһри Казан. — 2014. — 9 гыйнвар.