Җәйге Олимпия уеннары 2024

Беренче эмблемасы төрле төсләрдән торган Эйфель манарасыннан гыйбарәт була^[2][3].

2019 елның 21 октябрендә «Гран-Рекс»та Париж Royalties Eco-Branding дизайн студиясе тарафыннан ясалган яңа эмблема тәкъдим ителә^[4][3]. Анда бер үк вакытта алтын медаль эчендә Олимпия уты һәм Франциянең символы Марианнаның ирене сурәтләнгән. Ул шулай ук Парижда 1900 елгы Җәйге Олимпия уеннарында беренче тапкыр катнашкан хатын-кызларга хөрмәт билгесе булып тора. Сурәт астында «Париж 2024» (Paris 2024) язуы бар, язу ар-деко стилендәге шрифт белән язылган^[2].

Әлеге эмблема Паралимпия уеннарында беренче тапкыр үзгәрешсез кулланыла^[2].

2022 елның 14 ноябрендә Олимпия уеннарын оештыру комитеты Олимпия һәм Паралимпия уеннары талисманнарын тәкъдим итә. Алар — Фриги исемле фригий калпаклары^[5][6]. Комитет рәисе Тони Эстанг сүзләренчә, калпак «Франция Республикасының якты символы» булып тора. Талисманнарны «Без ялгыз тизрәк барабыз, әмма бергәләп ераграк китәбез» шигаре белән таныштыралар^[5][7].

2022 елның 25 июлендә оештыру комитеты Олимпия уеннарының шигарен игълан итә — «Киң ачык уеннар»^[8][9]. (ингл. Games Wide Open, фр. Ouvrons grand les jeux)^[10][11][12]. Шигарь җенесара паритетны (5250 ир-ат һәм хатын-кыз спортчылар арасында) күз алдында тота һәм спортның яңа төрләренә ачык булуны күрсәтә (Уеннарга беренче тапкыр брейк-данс буенча ярыш кертелә)^[8][12]. Шигарь шулай ук Җәйге Паралимпия уеннары 2024 тә дә кулланыла^[13][12].

Тантананың трансляциясе 130 камерага төшерелә^[14] һәм Сена яры буйлап урнаштырылган 80 экраннан күрсәтелә^[15].

Башта, килүчеләр саны 500 меңнән артып китәр һәм алар өске яр буена урнашкан түләүсез урыннардан, күзәтерләр, тагын 100 мең тамашачы түбән Сена яр буе трибуналарыннан күзәтер, дип көтелә. Әмма алга таба, куркынычсызлык максатларыннан, килүчеләр санын берничә тапкырга киметелә. 2024 елның мартында билетларның ахыргы саны игълан ителә — 222 мең бушлай һәм 104 мең түләүле билетлар таратыла. Тагын 200 мең кеше тантананы баржалардан яисә балконнардан күзәтә, 50 мең кеше җиһазландырылган фан-зоналарда зур экраннардан тамаша кыла^[16]. Трибуналар Франсуа Миттеран китапханәсеннән Эйфель манарасына кадәр сузыла.

Ачылу тантанасы командасы:

• режиссёр — Томас Жолли;
• хореограф — Мод Ле Пладек;
• музыкаҗитәкчесе — Виктор ле Масн;
• костюмнар буенча рәссам — Дафна Бюрки^[17] һәм Оливье Берио^[18];
• сценаристлар — Патрик Бушерон, Фанни Эрреро, Лейла Слимани^[19].

2024 елның 18 июлендә Франция артистлары профсоюзы ачылу тантанасын оештыручыларга хезмәт хаклары турындагы бәхәс аркасында забастовка турында хәбәр юллый, шуның белән чараның сәнгать программасын өзү чигенә җиткерә^[20]. 2024 елның 24 июлендә «Уеннарны оештыручылар һәм артистлар профсоюзы арасында тантананы телетрансляцияләгән өчен премияләр турында килешү төзү» белән бәйле рәвештә күтәрелеш булдырылмый кала^[21].

Ачылыш тантанасының бюджеты якынча 150 млн доллар булган дип бәяләнә. Чараларда барлыгы 15 мең кеше (эшчеләрне, биючеләрне һәм музыкантларны да исәпкә алып) катнаша.^[22]

Олимпия уеннары беренче тапкыр стадионда түгел, ә шәһәр үзәгендә үткәрелә^[23]. Ачылыш тантанасы 2024 елның 26 июлендә, җомга көнне Парижда Трокадеро Бакчаларында һәм Сена елгасында уза. Җирле вакыт буенча 19:30 башлана һәм дүрт сәгать дәвам итә. Олимпия хартиясе нигезендә чара кабул иткән ил һәм шәһәрнең мәдәниятен күрсәткән сәнгать программасын, спортчылар парадын һәм Олимпия утын кабызу чарасын үз эченә ала. Уеннарны рәсми рәвештә Франция президенты Эмманюэль Макрон ача.

әнгать программасының 12 кисәктән торган зур өлеше^[22], Парижның истәлекле урыннары фонында күрсәтелә, рәсми өлеш Трокадеро бакчаларында уза. Мәдәни программа Франция тарихындагы мөһим вакыйгаларга нигезләнгән. Вакыйга төрле локацияләрдә узу сәбәпле, халык тамашаның трансляциясен зур экраннардан күзәтә^[24].

Ачылу тантанасы вакытында яңгыр ява һәм чараларны уздыруга комачау итә^[25]. Тантана тарихка берникадәр гаугалы вакыйгалар белән кереп калды^[26].

Уеннар ачылуга берничә сәгать кала, рэпер Снуп Догг факелны «Стад-де-Франс» стадионы яныннан олимпия уты белән уза. Снуп Догг Олимпия факелчысы гына түгел, Олимпия ярышларын NBC каналыннан да яктырта^[27].

Тантана Аустерлиц күперендә француз флагы төсләрендәге төтеннән ясалган салют белән башланып китә^[28].

Көчле яңгыр чаралар уздыруны катлауландыра^[25].

Ачылу тантанасы номерлары төрле урыннарда узганга яисә алдан ук видеога яздырылганга, тамашачылар чараларның зур өлешен экраннардан күзәтәләр^[24].

2024 елның 19 июлендә Халыкара олимпия комитеты оешманың рәсми сайтында уеннар трансляцияләнәчәк илләрнең, шул исәптән Россияне дә кертеп, исемлеген бастырып чыгара^[29]. Әмма 22 июль көнне Россия өчен трансляция турындагы мәгълүмат МОК сайтыннан югала^[30]. Шул ук вакытта Олимпиаданың Россиягә планлаштырылган барлык трансляцияләре МОК сайтының рус телле версиясе календарендә бар^[31], карау өчен бары түләүсез теркәлү узарга һәм Other / Башкалар дигән төймәгә басарга кирәк^[32].

Россия телеканаллары рәсми рәвештә Олимпиаданы трансляцияләүгә хокук сатып алудан баш тарта. Шул рәвешле, 40 елга беренче тапкыр ярышларны Россия телевидениесендә күрсәтми калалар^[33].

200 илдән килгән спортчылар Сена елгасы буйлап көнчыгыштан көнбатышка таба 100 гә якын көймәдә йөзеп узды^[34]. Аларның маршруты Париж Изге Ана соборы, Лувр, Эйфель манарасы һәм кайбер олимпия объектлары яныннан уза. Финиш ноктасы Эйфель башнясы районында урнаша, тамаша үзе Трокадеро мәйданында тәмамлана.

Олимпия традициясе буенча беренче булып Греция җыелмасы чыга, атлетлар парадын Франция җыелмасы төгәлли.

Делегацияләр чыгышы Сена ярларында узган сәнгать программа номерлары белән чиратлашып бара. Экспертлар һәм тамашачылар Монголия җыелма командасының костюмнарын югары бәялиләр^[35].

2024 елның мартында Халыкара олимпиада комитеты россия һәм белорус спортчыларына ачылыш тамашасында катнашырга рөхсәт бирми^[36].

Олимпия утын кабызу тантанасы Олимпиядә 2024 елның 16 апрелендә була^[37]. Греция буйлап 11-көнлек эстафетадан соң, ул Афина «Панатинаикос» стадионына китерелә^[38]. 2024 елның 26 апрелендә «Панатинаикос» стадионында Греция олимпия утын Парижда узасы уеннарның оештыру комитетына тапшыра^[39].

2024 елның 8 маенда олимпия утын алып кайткан Belem судносы Марсельнең иске портына керә. Утны каршылау тантанасында Франция президенты Эммануэль Макрон да катнаша^[40].

Парижда Олимпия уты касәсендә углерод ягулыгы кулланылмый, ут образы огня су агымы, углекислый газ һәм ут ярдәмендә ясала. Шул рәвешле, оештыручылар әйләнә-тирә мохитка зыян китермәскә телиләр^[41].

Олимпия медальләре зәңгәр төстә.

Медальләрнең икенче ягында — җиңү алиһәсе Ника, Панафинея стадионы, Афина акрополе һәм Эйфель манарасы. Элементлар тупланмасы вакытлар бәйләнешен символлаштыра.

Паралимпия медальләре тасмасы кызыл төстә.

Медальләрнең сул ягында — Эйфель манарасының түбәннән өскә таба график сурәте. Манара терәкләре арасында «Париж» һәм «2024» сүзләре урнашкан, гади шрифт һәм Брайль шрифты белән, шулай ук, күрү сәләте бозылган спортчылар аерманы сизсен өчен, I, II һәм III саннары язылган^[43].