An-148 Mäskäw yanında häläkäte
An-148 Mäskäw yanında häläkäte - 2018 yılnıñ 11 fevralendä 14:47 MSK säğättä Mäskäw-Domodedovo hawa alanınnan Orski şähärenä yul totqan «Sarıtaw hawa yulları» şirkäteneñ An-148 yulçı oçqıçı Mäskäw ölkäse Ramenki rayonı Argunovo awılı yanında häläkätkä yulıqqan.
Oçqıçta 65 yulçı häm 6 ekipaj xezmätkäre häläk bulğan.
Häläkätneñ säbäpläre tikşerelä, aldan faraz: naçar hawa şartlarında oçqıç öslegeneñ bozlanuı näticäsendä kütärü köçe kisken kimüe häm yığılıp töşü.
Bu An-148-100B oçqıçı 2010 yılda Voronej hawa zavodında tözelgän.
Tikşerü
Xalıqara aviatsiä komitetı açıqlawınça, oçqıç hawağa kütärelep 2,5 minuttan soñ 1,3 meñ metr bieklektä tözeksezlek barlığı açıqlanğan.
An-148 oçqıçı tulı basım alğıçları bozlanıp, pilot indikatorlarında oçış tizlege turında mäğlümatlarnı döres birmäw arqasında häläkätkä yulıqqan bulırğa mömkin. Bu xaqta RİA “Novosti” oçqıçnıñ üzyazğıçı parametrik mäğlümatların uqığan Däwlätara aviatsiä komitetı analizına sıltama belän xäbär itä.