Азат Вергазов

1932 елның 8 мартында Пенза өлкәсе, хәзерге Неверкино районы Карновар авылында туган.

1958 елда Казан педагогия институтын тәмамлый.

1958–1964 елларда Яшел Үзән районындагы Олы Җәке авылы мәктәбе директоры булып эшли.

1964–1970 елларда Карагуҗа авылы мәктәбендә укыта, соңрак укыту бүлеге мөдире була^[1].

1974–1985 елларда — «Татарстан» дәүләт телерадиотапшырулар комитетының әдәби-драматик тапшырулар редакциясендә өлкән мөхәррир.

1991–1998 елларда «Аҗаган» журналын оештыручы һәм аның баш мөхәррире, «Аҗаган» нәшрияты директоры^[2].

2012 елда вафат була.

Азат Вергазовның беренче хикәяләре көндәлек матбугатта 1960 нчы еллар ахырында чыга башлый. Укучыларга ул үзенең «Дулкыннар ни сөйли?», «Ташу»(«Нәзер»), «Уяну» исемле повестьлары аша билгеле.