Азат Зарипов (1970)

1970 елның 26 августында Арча районы Яңа Кенәр авылында туган. Яңа Кенәр урта мәктәбен тәмамлагач, берникадәр вакыт Пермь хәрби авиация техник училищесында укый, әмма тиздән Казанга кайтып, сәнгать юлын сайлый.

1991 елда Казан дәүләт мәдәният институтының театр режиссурасы факультетын тәмамлый (остазлары — Дамир Сираҗиев, Наил Дунаев). 2003 елда Евгений Вахтангов исемендәге Дәүләт академия театры каршындагы Борис Щукин исемендәге театр институтын (читтән торып, РФ атказанган артисты М. П. Семаков курсы) тәмамлый. 1992–1993 елларда хәрби хезмәттә була.

1995–2003 елларда Габдулла Кариев исемендәге Казан татар дәүләт яшь тамашачы театрында актер һәм режиссер булып эшли.

1999 елдан алып Казан дәүләт мәдәният институтында режиссура һәм актерлык осталыгы буенча дәресләр бирә. Хәзерге вакытта — КДМИ театр, кино һәм телевидение факультетының театр иҗаты кафедрасы доценты.

Татарстан Республикасы Президенты каршындагы татар телен саклау һәм үстерү мәсьәләләре комиссиясе йөкләмәсе буенча республика районнарындагы хакимият хезмәткәрләрен татарча текст төзергә һәм ачык чыгыш ясарга өйрәтү буенча педагогик эшчәнлек алып бара^[1].

Азат Зарипов Татарстанның һөнәри һәм халык театрлары сәхнәләрендә 25 тән артык спектакль куйган. Аның иҗатында балалар өчен әкиятләр һәм заманча драмалар зур урын алып тора. Спектакльләре куелган театрлар:

• Г. Кариев исемендәге театр («Килмешәк», Х. Ибраһим);
• Буа дәүләт драма театры («Артист», Р. Харис);
• Әлмәт татар дәүләт драма театры;
• Минзәлә татар дәүләт драма театры;
• Арча халык театры.

Шулай ук драматург буларак та танылган: аның «Мәхәббәт корбаннары» пьесасы 2004 елда «Яңа татар пьесасы» конкурсында дипломант исеменә лаек була^[2].

• 2002 ел — «Ялгыз тәкәрлек» (режиссер Гасыйм Шир-Гази) ел — Рамазан;
• 2004 ел — «Зөләйха» (режиссер Рамил Төхфәтуллин) ел — рухани (батюшка).

• Татарстанның атказанган артисты.