Александр Вольфович
Александр Григорьевич Вольфович (белар. Аляксандр Рыгоравіч Вальфовіч; 1967, Казан) — Белоруссия хәрби җитәкчесе. Генераль штаб башлыгы — Беларусь Республикасы оборона министрының беренче урынбасары (20 гыйнвар 2020 — 26 гыйнвар 2021), Беларусь Республикасы Иминлек Советының Дәүләт секретаре (26 гыйнвар 2021). Генерал-лейтенант (2021).
Тормыш юлы
1967 елда Казанда Совет Армиясе танкист-офицеры гаиләсендә туган. Әтисе — Григорий Александрович Вольфович, отставкадагы подполковник[1].
1984 елда Борисов шәһәрендә, әтисе хезмәт иткән Печи хәрби шәһәрчегендә мәктәпне тәмамлаган.
Мәскәү югары хәрби команда училищесын тәмамлаган. 1998 елда Беларусь Хәрби академиясенең команда-штаб факультетын тәмамлап, икенче югары белем ала. Өченче белемен кабат Мәскәүдә ала: 2008 елда Россия Кораллы Көчләре Генераль штабының Хәрби академиясен тәмамлый[1].
Совет Армиясендә, аннары Беларусь армиясендә төрле вазыйфаларда хезмәт итә. 1993 елдан Печидагы 72 гвардия берләштерелгән уку үзәгендә (прапорщиклар һәм кече белгечләр әзерләү) хезмәт итә, мотоукчылар полкы командиры урынбасары — штаб башлыгы, батальон командиры вазифаларын били[1].
2012 елда Төньяк-Көнбатыш оператив командованиесе гаскәрләре командующиеның беренче урынбасары, аннары әлеге командованиенең командующие итеп билгеләнә. Шул ук елда аңа генерал-майор хәрби дәрәҗәсе бирелә[2].
2018 елда Беларусь Республикасы Кораллы Көчләре Генераль штабы башлыгының беренче урынбасары вазифасына билгеләнә. 2020 елның 20 гыйнварында Беларусь Республикасы Президенты указы белән Генераль штаб башлыгы — оборона министрының беренче урынбасары итеп билгеләнә. Бу вазифада бер ел эшләгәннән соң, 2021 елның 26 гыйнварында Беларусь Иминлек советының дәүләт секретаре итеп билгеләнә[1].
2021 елның 4 мартында Александр Вольфовичка генерал-лейтенант хәрби дәрәҗәсе бирелә[2].
Беларусь Республикасының дәүләт бүләкләре һәм СССР медальләре белән бүләкләнгән.
Халыкара санкцияләр
Евросоюзның барлык илләре, Бөекбритания, АКШ[3], Канада, Швейцария, Австралия, Япония, Украина, Яңа Зеландия тарафыннан кертелгән шәхси халыкара санкцияләр астында тора.
Искәрмәләр
- ↑ 1 2 3 4 Кто такой новый госсекретарь Совбеза Александр Вольфович, который сменил Валерия Вакульчика и Андрея Равкова. Комсомольская правда (26 гыйнвар 2021). Мөрәҗәгать итү датасы: 29 гыйнвар 2026.
- ↑ 1 2 Главе Совбеза присвоили воинское звание генерал-лейтенанта. Sputnik Беларусь (4 март 2021). Мөрәҗәгать итү датасы: 29 гыйнвар 2026.
- ↑ Хренин, Вольфович и Synesis: кто попал под новые санкции США. SPUTNIK Беларусь (24 февраль 2022).