Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Александр Петров (1933)

Бу терминның башка аңлатмалары да бар, аларны карау өчен Петров битенә күчегез.

Александр Петрович Петров (13 декабрь 1933, Паймурзино, Муркаш районы, Чуаш Автономияле Совет Социалистик Республикасы, РСФСР, СССР) — ССРБ дәүләт, комсомол һәм партия эшлеклесе. Чуаш АССР Югары Советының IX һәм X чакырылыш рәисе (1975—1985), Чуаш АССРның Югары Советы Президиумы рәисе (1985—1988), КПССның Чуаш өлкә комитеты беренче секретаре (1988—1990)[1].

Тәрҗемәи хәле

1933 елның 13 декабрендә Чуаш АССРның Моргауш районы, Паймурзино авылында туа.

ВЛКСМ Үзәк комитеты (ҮК) каршындагы Үзәк комсомол мәктәбен (1955), Чуаш дәүләт педагогика институтын (1963), КПСС Үзәк комитеты каршындагы Иҗтимагый фәннәр академиясе аспирантурасын (1971) тәмамлый.

1952—1953, 1955—1956 елларда — бүлек мөдире, ВЛКСМның Совет район комитеты беренче секретаре, КПССның Совет райкомы оештыру-инструкторлык бүлеге инструкторы, яңадан комсомол райкомының беренче сәркатибе.

1956—1963 елларда — ВЛКСМның Чуаш өлкә комитеты инструкторы, комсомол оешмалары бүлеге мөдире урынбасары, сәркатибе, икенче сәркатибе, беренче сәркатибе.

1963—1968 елларда — КПССның Чуаш өлкә комитеты идеология бүлеге мөдире урынбасары, Советлар Берлеге коммунистик фиркасенең Ибреси райкомы беренче сәркатибе.

1971—1985 елларда — КПССның Чуаш өлкә комитеты фән һәм уку йортлары бүлеге мөдире, сәркатибе.

1985 елның мартыннан 1988 елның октябренә кадәр — Чуаш АССР Югары Советы Президиумы рәисе.

1988 елның ноябреннән 1990 елның июненә кадәр — КПССның Чуаш өлкә комитеты беренче сәркатибе.

1990 елның июненнән 1991 елның августына кадәр — КПССның Чуаш республика оешмасының Контроль-ревизия комиссиясе рәисе.

Лаеклы ялга чыккач, 1992—2000 елларда Чуаш Республикасы Үзәк дәүләт архивының документларны бастырып чыгару бүлеге мөдире булып эшли[2].

Чабаксар шәһәрендә яши.

Гаиләсе

Хатыны — Тамара Степановна Петрова (1932—2025), мәдәният хезмәткәрләре профсоюзының һәм мәгариф, югары мәктәп, фәнни учреждениеләр хезмәткәрләре профсоюзының өлкә комитетлары рәисе.

Кызы — Аксакова Татьяна Александровна, кияүдә. Ире — Анатолий Геннадьевич Аксаков, Россия Федерациясе Дәүләт Думасы депутаты, Чуаш Республикасының мактаулы гражданы (2022).

Кызы — Надежда Александровна Поздеева, офтальмолог, медицина фәннәре докторы, кияүдә. Ире — Вадим Михайлович Поздеев. Ул 2019 елның гыйнварыннан Россия Сәламәтлек саклау министрлыгының академик С. Н. Фёдоров исемендәге «„Күз микрохирургиясе“ МНТК» НМИЦ" федераль дәүләт автоном учреждениесенең Чабаксар филиалында оештыру-методик бүлек мөдире булып эшли.

Бүләкләре һәм мактуалы исемнәре

  • Хезмәт Кызыл Байрагы ордены;
  • «Чуаш Республикасы алдындагы казанышлар өчен» ордены (2018 елның 4 октябре) — Чуаш Республикасы алдындагы хезмәтләре һәм актив иҗтимагый эшчәнлеге өчен[3];
  • Россия Федерациясе Президентының Рәхмәте (2018 елның 29 декабре) — ирешкән хезмәт уңышлары, актив иҗтимагый эшчәнлеге һәм күпьеллык намуслы хезмәте өчен[4];
  • Федерация Советының «Парламентаризмны үстерүдәге хезмәтләре өчен» мактау билгесе (2018 ел);
  • Чуаш Республикасының мактаулы гражданы (2020 ел);
  • Александр Невский ордены (2023 елның 3 апреле) — актив иҗтимагый эшчәнлеге өчен[5][6];
  • медальләр.

Искәрмәләр

  1. ↑ Петров Александр Петрович (рус.). Чувашская энциклопедия. Чувашский государственный институт гуманитарных наук. Мөрәҗәгать итү датасы: 25 февраль 2026.
  2. ↑ Петров Александр Петрович (рус.). Чувашская энциклопедия. Чувашский государственный институт гуманитарных наук. Мөрәҗәгать итү датасы: 25 февраль 2026.
  3. ↑ Указ Главы Чувашской Республики от 04 октября 2018 года № 110 «О награждении орденом „За заслуги перед Чувашской Республикой“». Официальный портал органов власти Чувашской Республики (4 октябрь 2018).
  4. ↑ Распоряжение Президента Российской Федерации от 29.12.2018 № 412-рп ∙ Официальное опубликование правовых актов (рус.). publication.pravo.gov.ru. Мөрәҗәгать итү датасы: 25 февраль 2026.
  5. ↑ Указ Президента Российской Федерации от 03.04.2023 № 234 ∙ Официальное опубликование правовых актов (рус.). publication.pravo.gov.ru. Мөрәҗәгать итү датасы: 25 февраль 2026.
  6. ↑ Глава Чувашии вручил депутату Верховного Совета Александру Петрову Орден Александра Невского (рус.). Официальный портал органов власти Чувашской Республики (25 май 2023). Мөрәҗәгать итү датасы: 25 февраль 2026.

Тема буенча өстәмә

Төркемнәр