Александр Салий

Александр Иванович Салий 1952 елның 9 гыйнварында Архангельск өлкәсенең Ненец автономияле округы Амдерма районы Амдерма эшчеләр бистәсендә эшче гаиләсендә туган; хәзер бу бистә Ненец автономияле округының Заполярный районына керә. Нәселе Кубань якларыннан.

1970 елда Керчь металлургия техникумын тәмамлаганнан соң, СССР Хәрби-һава көчләрендә хезмәт итә (1970—1972 еллар).

1975 елдан башлап Советлар Союзының коиммунистик партиясе әгъзасы була.

1976 елда Курган югары хәрби-сәяси авиация училищесын, 1986 елда — В. И. Ленин исемендәге Хәрби-сәяси академияне, 1992 елда — Хәрби-сәяси академиянең социаль психология кафедрасында адъюнктураны тәмамлый^[2].

1976—1981 еллар — Көньяк гаскәрләр төркемендә аэродром саклау ротасы командирының сәяси эшләр буенча урынбасары.

1981—1982 еллар — Кавказ арты хәрби округында рота командирының сәяси эшләр буенча урынбасары.

1982—1983 еллар — полк пропагандисты (Тбилиси шәһәре).

1983—1986 еллар — В. И. Ленин исемендәге Хәрби-сәяси академия тыңлаучысы.

1986—1994 еллар — Артиллерия маршалы М. Н. Чистяков исемендәге Казан югары ракета гаскәрләре команда-инженер училищесында профессиональ-психологик сайлап алу төркеме башлыгы. Подполковник дәрәҗәсендә запаска чыга^[3].

1995—2003 еллар — 2 нче һәм 3 нче чакырылыш Дәүләт Думасы депутаты. Федерация эшләре һәм төбәк сәясәте комитеты әгъзасы, Дәүләт төзелеше комитеты рәисе урынбасары була.

2004—2009 еллар — Татарстан Республикасы Дәүләт Советы депутаты, республика округы буенча РФКП (КПРФ) исемлеге буенча сайлана.

1992 елның декабрендә Татарстан Республикасы Коммунистлары оешмасын (ОКРТ) җитәкли, 1993—2004 елларда — РФКПның Татарстан республика комитеты беренче секретаре.

2012 елдан башлап фикердәшләре белән төзегән «Однополчане» («Хезмәттәшләр») Татарстан төбәк иҗтимагый оешмасын җитәкли.

Россия Федерациясенең коммунистлар партиясе Үзәк комитеты әгъзасы (1995 елдан); «Россия халык-патриотик берлеге» гомумроссия иҗтимагый хәрәкәтенең Координация советы әгъзасы (1996 елның августыннан); Социаль гаделлек партиясенең Сәяси советы Президиумы әгъзасы итеп сайлана. СКП-КПССның XX конференциясе, XXIX—XXX съездлары делегаты.

Александр Иванович Салий 2013 елның 21 октябрендә озак авырганнан соң Казанда вафат була. Хушлашу чарасы 23 октябрьдә «Казан» милли мәдәният үзәгендә узаПервый коммунист  [неопр.]. kazanfirst.ru (23 октябрь 2013). Мөрәҗәгать итү датасы: 19 ноябрь 2025.</ref>.

Кызыл Йолдыз ордены, СССРның алты медале белән бүләкләнгән, шулай ук иҗтимагый оешмаларның бүләкләренә лаек булган:

• СССР халык депутатлары съездының Даими Президиумы бүләкләре;
• «И. В. Сталин тууга 120 ел тулу уңаеннан» медале;
• «Советлар Союзы Маршалы Жуков» медале;
• «1941—1945 еллардагы Бөек Ватан сугышында совет халкының Җиңүенә 50 ел» медале;
• «Бөек Октябрь социалистик революциясенә 80 ел» медале;
• «СССР Кораллы Көчләренә 80 ел» медале;
• «Совет Армиясенә 80 ел» билгесе (Россия Федерациясе Коммунистлар партиясе);
• II нче дәрәҗә «Ватанга хезмәт иткән өчен» билгесе («Геройларга мәңгелек дан» фонды).

Хатыны — балалар бакчасының медицина хезмәткәре. Гаиләдә бер кыз һәм бер ул бар.